Jean 10:4 - Nouveau Testament en Gulay 2004

⁴ Loo ke è tee se batege ke kinge’n malang nata ɓá ɓaa, è oso non de’t kété. Batege geri ndu’n. Gir’n ke nè á umi nan goon’t.

Jean 10:4 ပူးပေါင်းရင်းမြစ်များ

Matthieu 16:24

Taɓai Jésu ede njékuwe-girnge ede nè: – Ke nè á doo karé ndige kunn rebe goom’t ɓaa, maje kade inye go tàgir ke ɔje dè ra’n kɔke a, maje kade uwe dè nja ra’n se ndɔge malang le kwei titeke man m’ra’n bè ɓita unn dè nja’m têr-têr ɓai.

Jean 10:16

M’aw se batege ke rang ke ndai kêm gar’t nè nga lé ɓai. Dé nè nga, gar-gar è tà le kade m’ɔse nja de nan’t tɔ. D’a d’oo ndu’m, d’a dé kos batege ke karé luk-luk, njèkul de géa à è karé luk-luk a tɔ.

Jean 10:27

Batege le’m nga uri mbi de ooi ndu’m. Man m’ger de mbak, à umi nan goom’t a tɔ.

Jean 10:3

Njè ngonm tà rebe gar batege teen tà rebe ade’n. Batege uri mbi de ooi ndu njèkul de nga. Batege ke ei lennge nga, è ɓar de se ri de karé-karé tee se de nata.

Jean 10:5

Doo ke in rang ke batege geri ndu’n lé nga, à umi nan goon’t ndan lé. Nè loo an-in doo ke in rang ɓaa, à an-in nan kawi ndai heb se’n, tede dooge ke in-in rang nga ei mbage m dé ger ndu de lé.

Jean 10:8

Njé ke reei kété nonm’t malang ei njéɓog-ge se gon-ɓogege a tɔ. Nè batege uri mbi de ooi ndu de lé.

Jean 12:26

Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.

Jean 13:15

E nyan-tɔje á m’tɔje sei tede kade sei géa i rai titeke man m’ra’n se si bè tɔ.

Jean 18:37

Pilate tel deje Jésu ede nè: – A ɓaa, ké i ngar wa? Jésu tel ilé dè’t ede nè: – E kuwe i tam non. Man Ngar. Kede dooge ngarankum tà á è gir nyan ke d’oje’m d’ade m’ree’n dè nang nè. Nanan ke è le ngarankum tà ɓaa, à ur mbi’n le koo’n ndu’m.

Jean 3:29

Doo ke dinye njè ngaw kige ɔje dè’n nga, è ngaw’n. Nè made njè taa dinye kige nda kɔtenn’t oo tà le’n. Ndu njè taa dinye kige ke made’n oo nga ade’n made’n ranel ngain. Man géa, m’ɔr son ranel le’m ɓila titeke bè tɔ.

1 Nje Ke Corinthe 11:1

I ndaji kum’m man titeke man géa m’ndaje’n kum Krist bè tɔ.

Nje Ke Ephese 5:1

Sei sei ngannge le Nube. Nube tár sei ngain. Bè ɓaa, i ndaji nyanra’n.

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.

Hebreuge 6:20

Gile loo ke tò se ninn’n nè nga, Jésu kuwe è doo le jéi ke desêin ke ur lêbêt aw tutu tede tà le jéi. E tel è maw njèkuje nyan-mese tite Melkisédec sár se non.

1 Pierre 2:21

E è ke nè á è nyan ke dé ɓar sei tede kade i rai. Krist nga ndɔ ke inge kem̂kon tede tà le si. Nyankem̂kon ke ndɔ ke ra’n nga è inye ke nyan-tɔje le si tede kade sei kuwe géa unni dè nja’n têr-têr tɔ.

1 Pierre 4:1

Krist nga nyankem̂kon ra ra’n. Sei géa, maje kade unni tàgir le Krist nè nga ke nyankate le rɔ’n se kaiya. Doo ke nyankem̂kon ra ra’n nga à ebe ra’n dè ra majelé’t.

1 Pierre 5:3

Njé ke Nube kai de um de ji si’t nga, on-in de njanm-njanm tite ngarge bè lé; nè maje kade i teli sei nyan-tɔjege le bate kosge.