Jean 10:33 - Nouveau Testament en Gulay 2004

³³ Juipge teli ilei Jésu dè’t edi nè: – E tede nede ke i nede Nube. Taɓai i i doo ndul karè, nè i ra rai ke Nube. Gir’n ke nè á jè ndige tilei se kuberi her tɔli m è tede nyan rai ke maje nga lé.

Jean 10:33 ပူးပေါင်းရင်းမြစ်များ

Jean 10:24

Juipge an-in dè Jésu girm ulei nan’t ɓaa, deji nin edi nè: – Ké ndɔ ke ra a ade kêm jé à oso nang pon wa? Ke nè á i Krist nga ɓaa, ede jè ndàt ade j’oo.

Jean 10:30

Man se Bɔ’m jè karé.

Jean 10:32

Jésu tel ile de dè’t ede nè: – M’ra nyange ke maje bule se tɔgmong le Bɔ’m m’ade an-in ɓá. Ké è tede è ke ra taɓai á a i tilei man se kuberi her tɔli man wa?

Jean 19:7

Juipge teli ilei Pilate dè’t edi nè: – J’aw se gute-ndu karé. Se go gute-ndu le jé nè nga ɓaa, d’a tɔlé gar-gar. Tede n’ee nga n’ra rayé ke Ngonn Nube kuwe njing.

Jean 5:18

Unn gir kêm ndɔn’t nè, Juipge sangi loo ngain dum ke kété le tɔl Jésu. E tede kal ke è al tà tà gute-ndu’t á karé lé, nè è tede ɓar ke ɓar Nube Bɔ koje’n a, an ra’n ke Nube a tɔ.

Nje Ke Rome 13:1

Maje kade nanan géa ile koje dè ndukunnge’t le njékonɓeege ke d’unde de, tede gir konɓee ke nal kin ra Nube’t goto. Njékonɓeege ke d’unde de nga, è Nube kuwe á unde de.

Nje Ke Philippes 2:6

Jésu-Krist nga è kum gute tà Nube kété mari ke desêin sàk-sàk. E uwe ra’n gan-gan ke njè kase nan se Nube lé.