Jean 10:32 - Nouveau Testament en Gulay 2004

³² Jésu tel ile de dè’t ede nè: – M’ra nyange ke maje bule se tɔgmong le Bɔ’m m’ade an-in ɓá. Ké è tede è ke ra taɓai á a i tilei man se kuberi her tɔli man wa?

Jean 10:32 ပူးပေါင်းရင်းမြစ်များ

Matthieu 11:5

Njékumtɔge teli an-in loo a, njédɔge metege teli njiyei mong ɗáj-ɗáj a, banje ɔr ra njébanjege’t ndát-ndát a, njémbi mbege teli ooi tà njai-njai a, dooge undei loo teei dann njé ke koo’t a, Tà ke Maje nga géa d’ile mber’n d’ade njéndooge ɓá a tɔ.

Jean 10:25

Jésu ile de dè’t ede nè: – Tà nè nga m’ede sei kété ɓá, nè unni mbi si dè’t. Nyankɔbege ke Bɔ’m ade’m m’ra se ri’n nga, ɔri go tàge le’m titeke m’ee Krist nga kuwe.

Jean 10:31

Juipge teli ɔyi kuberi her raw le tilei Jésu tɔlii kɔke.

Jean 10:33

Juipge teli ilei Jésu dè’t edi nè: – E tede nede ke i nede Nube. Taɓai i i doo ndul karè, nè i ra rai ke Nube. Gir’n ke nè á jè ndige tilei se kuberi her tɔli m è tede nyan rai ke maje nga lé.

Jean 10:37

Ke nè á m’ra nyange se tɔgmong le Bɔ’m lé ɓaa, undei kêm si dèm’t lé.

Jean 5:36

Nè man m’aw se njèkɔrgo tà ke bòi dum Jean. Tede kule ke Bɔ’m ade m’ra m’ɔr son’n nga ɔrgo tà le’m titeke Bɔ’m kuwe ule’m.

Nyanra Njekawkulege 10:38

Jésu ke Nazareth ke Nube ule’n nga, Nube ade’n tɔgmong le Ndil-Kêmnda. Jésu aw se loo-loo ra maje se dooge malang a, aje njé ke sú uwe de a tɔ, tede Nube è der gir’n.

Nyanra Njekawkulege 2:22

– Sei dooge ke Israel, i neli mbi si maje ooi tà ke m’a m’ede sei: Jésu ke Nazareth nga sei geri nin ɓá. E doo ke ndɔ ke Nube kuwe ule ji’n njung dènn’t ɔr’n unde’n se ninn’n gai. Nube ade ra nyankɔbege se nyange ke dum kum a, se nyan-tɔjege dann si’t ade i geri ɓá a tɔ.

1 Jean 3:12

Ade jèi tite Cain bè lé. Cain nga ndo ke è doo le njè kem̂ majelé. Gir’n ke nè á ndɔ ke uje’n kɔbe ngokon’n. Ké ri á è gir kade ndɔ ke uje’n kɔbe ngokon’n wa? E uje kɔbe ngokon’n tede nyanra’n ke majelé, nè nyanra ngokon’n á è se dè naje’n.