Jean 10:31 - Nouveau Testament en Gulay 2004

³¹ Juipge teli ɔyi kuberi her raw le tilei Jésu tɔlii kɔke.

Jean 10:31 ပူးပေါင်းရင်းမြစ်များ

Matthieu 12:14

Loo ke Pharisienge undei loo teei ɓaa, awi ɔri nan tà dè nyange ke kum kade adi dé ra le kuwe’n Jésu tɔl’n kɔke.

Matthieu 21:35

Nè njéra kule ndɔr nduuge nè nga tuwei ngann njéndige nè nga tundei è ke karé gangi ra’n dàp-dàp a, tɔli è ke karé a, tilei è ke karé ke rang se kuberi her tɔli nin ke le’n a tɔ.

Matthieu 23:35

E titeke bè tede le mese njé ra nyan se dè najennge malang ke an-in ule nang nè, unn gir dè Abel njè ra nyan se dè naje’n sár tee’n dè Zakarie ngonn le Baraki, ke sei tɔli nin dadann gile kei’t le Nube se ɗinger loo nyankuje-mese’t nga, tà yo de à uwe dè si.

Jean 1:19

E ke nè á è tà ke Jean ɔrgo loo ke Juipge ke kêm ɓee-bò ke Jérusalem ulei njékuje nyan-mesege se njé ke girkà’t le Lévi le kade dejii edi nè: – Ké i nga i nan wa?

Jean 10:24

Juipge an-in dè Jésu girm ulei nan’t ɓaa, deji nin edi nè: – Ké ndɔ ke ra a ade kêm jé à oso nang pon wa? Ke nè á i Krist nga ɓaa, ede jè ndàt ade j’oo.

Jean 10:32

Jésu tel ile de dè’t ede nè: – M’ra nyange ke maje bule se tɔgmong le Bɔ’m m’ade an-in ɓá. Ké è tede è ke ra taɓai á a i tilei man se kuberi her tɔli man wa?

Jean 11:8

Njékuwe-girnge deji nin edi nè: – Ngar, i a Juipge sangi tilei nin se kuberi her le tɔli nin ɗarinè ɓai nè kuwe, ké a i tel kaw kêm ɓeekon le de ke Judée nga ɓai wa?

Jean 5:18

Unn gir kêm ndɔn’t nè, Juipge sangi loo ngain dum ke kété le tɔl Jésu. E tede kal ke è al tà tà gute-ndu’t á karé lé, nè è tede ɓar ke ɓar Nube Bɔ koje’n a, an ra’n ke Nube a tɔ.

Jean 8:59

Ke loon’t nè, Juipge ɔyi kuberi her raw tede le tile’n Jésu tɔl’n, nè è ɓɔyɔ ra’n dann doobulege’t unde loo njêl tee kêm kei le Nube aw.

Nyanra Njekawkulege 7:52

Ké njèribe-dè-tà ke ra dann madennge’t á kà sige nali rai kum’n ndoo wa? Ei tɔli njé ke kété ilei mber ree le njè ra nyan se dè naje’n ke karé luk-luk. E nga ɗarinè sei teli sei njé kunn dènnge se njé tɔlnge.