Jean 10:28 - Nouveau Testament en Gulay 2004

²⁸ Man m’ade à ndii kumgajer se non m à weii ndan lé sár doo karé bè géa asekum kuwe de hont kɔr de jim’t lé a tɔ.

Jean 10:28 ပူးပေါင်းရင်းမြစ်များ

Marc 13:22

Tede njé ra ra de ke Krist se njé ra ra de ke njéribe-dè-tàge ke tà Nube’t à ɔsi nang kin-in. Ei à rai nyankɔbege le kade bainléa libi kum njékêmndage ke Nube tɔr de.

Tà ke Maje ke Luc ndang 23:46

Jésu ra nyan beng ede nè: – Bɔ’m, m’inye ndil’m kêm jii’t. Loo ke è tam tà nè nga bè ɓaa, tà’n tête nyonk.

Jean 10:29

Bɔ’m ke njè kade’m se de nga, tɔgmong le’n dum dè le dooge malang. Doo karé bè ke asekum nanr de taa de jinn’t goto.

Jean 11:25

Jésu tel ede Marthe ede nè: – Man nga m’ee njèkade dooge undei loo teei dann njé ke koo’t. Man nga, m’ee njèkade dooge ndii kumgajer a tɔ. Nanan ke unde kêm’n dèm’t, ke nè á wei géa à tel ndi kumgajer ɓai.

Jean 14:19

Mbɔr ɓaa dooge ke dè nang nè à teli kan-in man gugu ndan lé ta. Nè sei ɓaa, a an-in man tede m’ndi kumgajer, sei géa a i ndii kumgajer a tɔ.

Jean 17:2

I ade ngonni tɔgmong dè dooge malang ke dè nang nè. Dooge malang ke i ade de se’n nga, è ade de ndikumgajer se non.

Jean 18:9

Jésu tam bè le kade tà ke è tam kété ede nè: «Njé ke i um de jim’t nga, m’ɔge kum’m ɓi m’an-in ngang de garar-garar m’ade doo karé bè géa dann de’t tuju lé» nga, aw’n loon’t deĵ.

Jean 3:36

Nanan ke unde kêm’n dè Ngonnenn’t nè nga ɓaa, à ndi kumgajer se non. Nè nanan ke unde kêm’n dè Ngonnenn’t nè nga lé ɓaa à ndi kumgajer ndan lé, nè wong le Nube ndi dènn’t ndeĵ ɓá ta.

Jean 4:14

Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Jean 5:24

Kerɔte kuwe, man m’ede sei ndàt, nanan ke oo tà le’m, unde kêm’n dè è ke njèkulem’t nga ɓaa ndi kumgajer se non nga ɓá ta. Nube à gangtà dènn’t lé. E doo nè nga tee tà yo’t aw loo ndikumgajer se non ɓá ta.

Jean 6:27

I rai kule tede nyankuse ke dè’n à ngei karè nga lé. Nè i rai kule tede nyankuse ke à tò sár-sár se non. Nyankuse ke à tò sár se non nga, è Ngonn doo á à ade sei, tede Ngonn doo nga nyankorji le Nube Bɔ dooge tò rann’t.

Jean 6:37

Njé ke Bɔ’m ade’m se de malang nga à reei ram’t. Doo ke ree ram’t nga, m’a m’ute’n mbeng kile’n nata ndan lé.

Jean 6:47

Kerɔte kuwe, man m’ede sei ndàt, doo ke unde kêm’n dèm’t ɓaa, ndi kumgajer se non ɓá ta.

Jean 6:68

Simon Pierre tel ilé dè’t ede nè: – Kuwe-ɓee, ké nan le jé á j’ayé kinyei kaw rann’t ɓai wa? I kuwe se kari bere á aw se tàge ke doo à ndii’n kumgajer sár se non.

Nyanra Njekawkulege 7:59

Loo ke d’ade tile Etienne se kuberi her le tɔl’n ɓaa, è non ɓar Kuwe-ɓee ede nè: – Kɔkrɔ karè, Kuwe-ɓee Jésu, i taa ndil’m ke rai’t.

Nje Ke Rome 5:17

Kerɔte kuwe, yo on ɓee dè dooge’t se go rebe ke ra Adam’t a, tede kaltà le Adam ke se kar’n bere a tɔ. Nè ɗarinè, dooge ingei noje le Nube adi taa ra de pel-pel takul doo karé bere luk-luk ke è Jésu-Krist. Takul Jésu-Krist á Nube ɔr’n tà dè dooge’t a, dooge à ndii kumgajer sár se non a tɔ. Takul Jésu-Krist á ndɔ ke rang dooge à on-in ɓee se Nube.

Nje Ke Rome 5:2

Takul kêm jéi ke j’undei dè Kuwe-ɓee Jésu’t á j’ingei rebe nonkar nè nga. Nonkar nè nga ade jè ndaii tutu njáng. J’undei kêm jéi tchên tede korè ke j’orèi nan se Nube dè riɓar’t le’n. E ke nè á è nyan ke ade dè jéi in’n tchakm.

Nje Ke Rome 5:21

Kété yo on ɓee dè dooge’t tede majelé ke taa loo ɔge. Ɗarinè kêmnoje le Nube ɔr tà dè dooge’t ade ingei ndikumgajer se non le Nube takul Jésu-Krist, Kuwe-ɓee le jéi nga.

Nje Ke Rome 5:9

Ɗarinè tà ɔr dè jéi’t ɓá takul mese’n. Taɓai Krist á ɔr jèi tà wong’t le Nube.

Nje Ke Rome 6:23

Oiyo nyan kuge dè ji le kaiya è yo, nè nyan kuge noje le Nube ɓaa, è ndikumgajer sár se non takul kum ke j’umi nan’t bɔk se kuwe jéi Jésu-Krist.

Nje Ke Rome 8:1

Njé ke umi nan’t bɔk se Jésu-Krist nga, ɗarinè tà karé bè géa uwe dè de lé ta.

Nje Ke Rome 8:29

Njé ke Nube ger de kété ɓita unde nang nè ɓai nga, è ɔje kêmn’t kété mari ke desêin le tel de ke ngann’n le kade tooi asinan se Ngonn kêm’n Jésu. Nube ra titeke bè le kade Ngonn’n ee’n doo ke desêin ke inge riɓar le Nube dann kosdooge’t le Nube.

Nje Ke Philippes 1:6

Man m’ger è nè mbak: Nube ke unn gir ra kule ke maje kem̂ si’t nga à ra kɔr son’n njêt sár ndɔ tel ree le Jésu-Krist.

2 Nje Ke Thessalonique 2:13

Ngakon jége, sei kotárge le Kuwe-ɓee, jè ɓaa jè ra Nube oiyo se ndɔge malang tede le si. Jè ra’n oiyo tede tɔr ke è tɔr sei kété mari ke desêin tede le kaje si se go tɔgmong le Ndil-Kem̂nda. Ndil-Kem̂nda tɔr sei undei sei se ninn’n gai tede kem̂ si ke undei dè ngarankum tà’t nga.

1 Timothee 1:16

Nè Nube ra se’m kem̂kanm. Gir’n ke nè á Jésu-Krist tɔje’n kem̂kile le’n ke deri ke nata tede’m man ke njè ra majelé dum njé ra majelége malang. Krist ra se’m titeke bè le kade m’ee nyan-tɔje tede le njé ke ndɔn’t à undei kem̂ de dè Krist’t le kinge’n ndikumgajer se non.

2 Timothee 1:12

E tede è ke nè á m’ndii’n dann kem̂konge’t nè nga. Nè m’ade ra’m sɔl’m lé; m’nda kem̂’m káng tede m’ger Jésu ke m’unde kem̂’m dènn’t nga mbak; m’ger kem̂’t mbak tite è asekum le ngonm nyan ke um jim’t nga sár ndɔ ke ngeinn’t.

Hebreuge 7:25

Gir’n ke nè á njé ke reei ra Nube’t se takul Jésu ɓaa, è ase kaje de nja karé bere ke ngang’n. Jésu nga ndi kumgajer sár se non. E ɔje tà se Nube dɔ-dɔ tede le de.

1 Pierre 1:5

Sei nga tɔgmong le Nube an-in ngang si garar-garar takul kundekem̂ le si. E an-in ngang si titeke bè tede kaje ke è uwe dè nja tede le si nga, nain ngɔr ɓaa à kile ra’n ke nata ndɔ ke ngeinn’t.

1 Jean 1:2

Ndikumgajer ke ndɔ ke unde loo tee nga, jè j’an’n se kum jé kuwe. Gir’n ke nè á jè j’ɔr’n go tà le’n a, j’ile mber tà le’n j’ade sei a tɔ. Ndikumgajer ke se non nè nga ndi ra Bɔ jéi’t kété mari ɓita ade unde loo tee pan ke kum jé’t ɓai.

1 Jean 2:19

Njé kɔse tà se Krist nga in-in dann jéi’t nè kuwe, nè kété géa ei le jéige lé. Gir’n ke nè á undei loo teei dann jéi’t kɔke. Ke nè á né ndɔ ke ei le jéi ɓaa, né à nain-in se jéi. Nè kunde ke undei loo i teei dann jéi’t kɔke nga, ade jè geri njai titeke ei le jéige ndan lé.

1 Jean 2:25

Ndikumgajer sár se non nga, è nyan ke Krist unn’n ndu’n ade jèi kété ɓá.

1 Jean 5:11

Nube ade jèi ndikumgajer se non. Ndikumgajer se non nè nga, è ade jèi takul kum ke j’umi nan’t bɔk se Ngonn’n. E ke nè á è tà ke Nube tam ɔje’n dè Ngonn’n nga.

Jude 1:1

Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.

Jude 1:21

I ndii dann tár ke Nube tár sei. Undei kem̂ si dè Kuwe-ɓee’t le jéi Jésu-Krist, i nginei ndikumgajer se non se ke à ade sei se go kem̂kanm le’n.

Jude 1:24

Nube aw se tɔgmong le kan’n dè si kade osoi lé. Nube à ade a i ndai non ndubra’t le’n ke bò se ranel anje tà karé dè si’t.