Jean 10:25 - Nouveau Testament en Gulay 2004

²⁵ Jésu ile de dè’t ede nè: – Tà nè nga m’ede sei kété ɓá, nè unni mbi si dè’t. Nyankɔbege ke Bɔ’m ade’m m’ra se ri’n nga, ɔri go tàge le’m titeke m’ee Krist nga kuwe.

Jean 10:25 ပူးပေါင်းရင်းမြစ်များ

Jean 10:32

Jésu tel ile de dè’t ede nè: – M’ra nyange ke maje bule se tɔgmong le Bɔ’m m’ade an-in ɓá. Ké è tede è ke ra taɓai á a i tilei man se kuberi her tɔli man wa?

Jean 10:37

Ke nè á m’ra nyange se tɔgmong le Bɔ’m lé ɓaa, undei kêm si dèm’t lé.

Jean 10:38

Ke nè á undei kêmi si dè’m man’t lé géa, undei kêm si dè nyange ke ndɔ ke m’ra se tɔgmong le Bɔ’m. Titeke bè á a i geri nja karé ke ngang’n titeke Bɔ’m um se’m nan’t bɔk a, man géa m’um se’n nan’t bɔk a tɔ.

Jean 11:47

Maw njékuje nyan-mesege se Pharisienge ɔsi nja njégangtàge nan’t deji de edi nè: – Ké ri á j’à rai ta wa? Doo nyan le doo ke dé ɓar’n Jésu nè nga ra nyankɔbege ngain.

Jean 12:37

Jésu ra nyankɔbege ngain ade Juipge an-in kuwe. Nè né è bè géa unni mbi de dè tà’t le’n.

Jean 14:11

M’um se Bɔ’m nan’t bɔk, Bɔ’m géa um se’m nan’t bɔk tɔ. Ke nè á umi kêm si dè tà’t le’m lé géa, undei kêm si dè nyange ke m’ra kété m’ade an-in nga.

Jean 20:30

Jésu ra nyankɔbege ke rang bule ngain tàkum njékuwe-girnge’t. Nyankɔbege nè nga, dé ndang tà’n kêm magtub’t nè malang lé.

Jean 3:2

Dingem nè nga ree inge Jésu ndɔɔ ede’n ede nè: – Ngar, jè ger titeke Nube ulei kade i ndó jè nyan. Tede ke nè á Nube è der gir doo lé ɓaa, è asekum ra nyankɔbege titeke i ra’n nga lé.

Jean 7:31

Dooge ngain dann doobulege’t umi kêm dè Jésu’t. Ei tami edi nè: – Loo ke ndɔn’t Krist à ree nga, ké à ra nyankɔbege ngain dum ège ke doo nè ra nga wa?

Jean 8:12

Jésu tel unn tà tam ede doobulege ede nè: – Man nga m’a m’ee lookar le dooge ke dè nang nè. Nanan ke unn rebe goom’t ɓaa à njiye dann loo ndul’t lé, nè à ndi dann lookar’t. Lookar nè nga, à ɔr non’n kaw se’n loo ndikumgajer se non.

Jean 8:24

Gir’n ke nè á kété m’ede’n sei m’ede nè a weii dann kaiya’t le si. Ke nè á umi kêm si dèm’t titeke man m’ee Krist nga lé ɓaa, a weii dann kaiyage’t le si kerɔte kuwe.

Jean 8:56

Kà si Abraham nga ndɔ ke ra ranel kêmn’t tede le kan ndɔ ree le’m. Ndɔ ke è an ndɔ nè nga se kum’n a, ra ranel dè’t ngain a tɔ.

Jean 8:58

Jésu ede de ede nè: – Kerɔte kuwe, man m’ede sei ndàt, man m’ndi tutu kété ɓita kade d’oje kà si Abraham nga ɓai.

Nyanra Njekawkulege 10:38

Jésu ke Nazareth ke Nube ule’n nga, Nube ade’n tɔgmong le Ndil-Kêmnda. Jésu aw se loo-loo ra maje se dooge malang a, aje njé ke sú uwe de a tɔ, tede Nube è der gir’n.

Nyanra Njekawkulege 2:22

– Sei dooge ke Israel, i neli mbi si maje ooi tà ke m’a m’ede sei: Jésu ke Nazareth nga sei geri nin ɓá. E doo ke ndɔ ke Nube kuwe ule ji’n njung dènn’t ɔr’n unde’n se ninn’n gai. Nube ade ra nyankɔbege se nyange ke dum kum a, se nyan-tɔjege dann si’t ade i geri ɓá a tɔ.

Hebreuge 2:3

Kaje ke bò nè nga, ke nè á j’an-in ke nyan lé ɓaa, ké tà à uwe dè jéi lé titeke bain wa? Kaje ke bò nè nga, Kuwe-ɓee kuwe unn gir kile mber’n kété ɓita njé ke ooi tà’n tànn’t se mbi de edi jèi ade aw go lenn’t deĵ ɓai.