Jean 10:16 - Nouveau Testament en Gulay 2004

¹⁶ M’aw se batege ke rang ke ndai kêm gar’t nè nga lé ɓai. Dé nè nga, gar-gar è tà le kade m’ɔse nja de nan’t tɔ. D’a d’oo ndu’m, d’a dé kos batege ke karé luk-luk, njèkul de géa à è karé luk-luk a tɔ.

Jean 10:16 ပူးပေါင်းရင်းမြစ်များ

Matthieu 17:5

Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Tà ke Maje ke Luc ndang 15:8

Eké loo ke dinye karé aw se nar kule ke ndɔ dɔg jinn’t. Ke nè á nar karé tee dann madege’t oso nang kêm kei le’n. Ké dinye nè nga à unde por tu lampe’t kɔii’n loo tede le sang’n nar nè nga jêke^-jêke^ sár kade tel inge gugu lé wa?

Jean 10:11

Man m’ee njèkul batege ke get. Njèkul batege ke get ile ra’n kɔke tede batege le’n.

Jean 10:2

Nè doo ke aw kei go batege se tà rebe gar batege nga, è njèkul batege kuwe.

Jean 10:27

Batege le’m nga uri mbi de ooi ndu’m. Man m’ger de mbak, à umi nan goom’t a tɔ.

Jean 10:3

Njè ngonm tà rebe gar batege teen tà rebe ade’n. Batege uri mbi de ooi ndu njèkul de nga. Batege ke ei lennge nga, è ɓar de se ri de karé-karé tee se de nata.

Jean 10:4

Loo ke è tee se batege ke kinge’n malang nata ɓá ɓaa, è oso non de’t kété. Batege geri ndu’n. Gir’n ke nè á umi nan goon’t.

Jean 10:5

Doo ke in rang ke batege geri ndu’n lé nga, à umi nan goon’t ndan lé. Nè loo an-in doo ke in rang ɓaa, à an-in nan kawi ndai heb se’n, tede dooge ke in-in rang nga ei mbage m dé ger ndu de lé.

Jean 11:52

Jésu à wei tede girkoje le Juipge á go karé lé, nè le kɔse nja ngann le Nube ke ɗarinè yali nan se loo-loo nan’t tede kade teli umi nan’t bɔk tite kosdooge ke karé bere.

Jean 17:20

M’ɔje sei tà tede le njékuwe-girmge á se kar de lé. Nè m’ɔje sei tà tede le njé ke à undei kêm de dèm’t se go tà ke à edi de.

Jean 6:37

Njé ke Bɔ’m ade’m se de malang nga à reei ram’t. Doo ke ree ram’t nga, m’a m’ute’n mbeng kile’n nata ndan lé.

Nyanra Njekawkulege 15:14

Kété mari kuwe, Nube ɔje le tɔr dooge dann dooge ke ei Juipge lé le kade ei kosdooge le’n ke kinge’n. E tà nè á Simon ɔrgir ɗarinè ade jèi.

Nyanra Njekawkulege 18:10

M’a m’ee der giri, doo karé bè géa à kuwei rai majelé lé, tede m’aw se kosdooge le’m ke bulei ɗik-ɗik kêm ɓee-bò’t nè nga.

Nyanra Njekawkulege 22:14

Ananias ede’m ede nè: «Nube le kà jéige ɔri kété mari bere le kade i ger nyan ke kêm’n ndige. E ɔri le kade an njèra nyan se dè naje’n karé bere se kumi a, le kade oo tà tànn’t a tɔ.

Nje Ke Rome 11:25

Ngakonmge, man m’ndige le kade i geri nyan ke tò loo ɓɔyɔn’t nè nga maje, nè bainléa a kin-in kan-in ra si ke njékumkunjuge. Kunn mbi dè tà’t le Juipge ke nange nga à tò bè sár kade dooge malang ke ei Juipge lé ingei kaje pa ɓita.

2 Nje Ke Thessalonique 2:13

Ngakon jége, sei kotárge le Kuwe-ɓee, jè ɓaa jè ra Nube oiyo se ndɔge malang tede le si. Jè ra’n oiyo tede tɔr ke è tɔr sei kété mari ke desêin tede le kaje si se go tɔgmong le Ndil-Kem̂nda. Ndil-Kem̂nda tɔr sei undei sei se ninn’n gai tede kem̂ si ke undei dè ngarankum tà’t nga.

Hebreuge 13:20

Nube ke njè kade jèi kem̂lom, è ade Kuwe-ɓee le jéi Jésu unde loo tee dann njé ke koo’t. Nube ɔr’n unde’n ke maw njèkul batege. Jésu unde gir mann-ra ke à tò sár se non se mese’n è kuwe.

1 Pierre 2:10

Sei nga kété mari sei kosdooge le Nube lé, nè ɗarinè sei dooge le’n ta. Sei nga kété mari ingei kem̂ tin mbit dè majelége’t le si ndan lé, nè ɗarinè Nube ade kem̂’n tin mbit dè majelége’t le si.

1 Pierre 2:25

Kété sei tooi asinan se batege ke ndemi awi yo-yo, nè-nè bè. Nè ɗarinè, dé tel se si ke ra è ke njèkul si se njèkan dè ngarankum ra si a tɔ.

1 Pierre 5:4

Titeke bè á loo ke ndɔn’t maw njèkul bate kosge à tel kunde loo tee pan ɓaa, à ingei jɔkɔ kunn banga le riɓar ke à ndis ndan lé.

Lookilera’n 3:20

An! m’nda tà kei’t nata m’unde tà kei. Ke nè á doo karé oo ndu’m á ɔr tà kei ade’m ɓaa, m’a m’aw kem̂ kei goon’t, m’a m’use se’n nyan a, è géa à use se’m nyan a tɔ.