Jean 10:10 - Nouveau Testament en Gulay 2004

¹⁰ Njèɓog nga ree tede ɓoge batege a, tɔl de a, le tuju de a tɔ. Nè man ɓaa, m’ree le kade dooge se batege ndii kumgajer adi ase de nák-nák.

Jean 10:10 ပူးပေါင်းရင်းမြစ်များ

Matthieu 18:10

An-in! tá nè a kin-in nedi ngonn karé bè dann madennge’t nè. Man m’ede sei titeke dooge le de ke danrán ndai tàkum Baa ke ndi danrán ndêrm se ndɔ karé-karé malang tede tà le de.

Matthieu 18:11

Man ke m’ee Ngonn doo nga, m’ ree le tel se njé ke kété ndemi osoi kɔke ke ra Nube’t.

Matthieu 20:28

E titeke bè á man ke m’ee Ngonn doo nga, m’ree’n dè nang nè. M’ree le kade dooge ei ngann njékulege le’m lé, nè m’ree tede le k’ee ngonn njèkule le dooge a, le kinye ra’m kade yo tede le kuge’n dè de a tɔ.

Matthieu 21:13

Jésu ede de ede nè: – Dé ndang kêm magtub ke tò se ninn’n d’ede nè: «Kei le’m nga ,d’a ɓar’n kei kɔje tà se Nube.» Nè sei ɓaa, i telii ke mbonreen loo ɓɔyɔ ra le gon-ɓogege.

Matthieu 23:13

Sei njékɔrgir gute-nduge se sei Pharisienge ke njékede gosge, a an-in ɓai! Tede sei ilei dooge kage ɔgi de loo kile nja de kêm Konɓee ke danrán’t. Njé ke ndigi kilei nja de tutu nga, sei ɔgi de rebe’n. Bè ɓaa, sei géa a ilei nja si tutu ndan lé tɔ. [

Marc 11:17

E deje de ede nè: – Kei le’m nga, ké njéribe-dè-tàge ke tà Nube’t ndangi kêm magtub’t edi nè: «A è kei kɔje tà se Nube le kosdooge malang» lé wa? Ké bain á sei i telii ke mbonreen loo ɓɔyɔ ra le gon-ɓogege wa?

Tà ke Maje ke Luc ndang 19:10

Man ke m’ee Ngonn doo nga, m’ree le sang njé ke ndemi osoi kɔke le tel se de ke ra Nube’t.

Jean 10:1

Kerɔte kuwe, man m’ede sei ndàt, doo ke ree se tà rebe gar batege lé, nè al se tà rebe ke rang tá ree’n go batege ɓaa, è njèɓog a, è gon-ɓog a tɔ.

Jean 10:11

Man m’ee njèkul batege ke get. Njèkul batege ke get ile ra’n kɔke tede batege le’n.

Jean 12:47

Ke nè á doo karé oo tàge le’m á an go sêw-sêw lé ɓaa, è man á m’a m’gangtà dènn’t lé. Man ɓaa, m’ree tede gangtà dè dooge ke dè nang nè lé, nè tede kaje de.

Jean 12:6

Judas nga usu’n nyan dè njéndooge’t lé, nè è tam tà nè nga titeke bè tede k’ee ke è njè koto mbu nar nyankuse ke dé tann d’ade ngonm. E mêndé nar nè nga ndêin-ndêin.

Jean 3:17

Kerɔte kuwe, Nube ule Ngonn’n dè nang nè le kade gangtà dè dooge’t lé ɓai, nè le kade dooge ke dè nang nè ingei kaje takul’n è.

Jean 5:40

Nè sei ndigi reei ram’t le kinge’n ndikumgajer se non nga lé.

Jean 6:33

Tede mapa ke ade dooge ke dè nang nè ndii kumgajer nga, è mapa ke in danrán ra Nube’t.

Jean 6:51

Mapa ndikumgajer ke in danrán nga è man. Doo ke use mapa nè nga ɓaa à ndi kumgajer se non. Mapa ke m’a m’ade le kade dooge ke dè nang nè ndii kumgajer nga, è danra’m man kuwe.

Nje Ke Rome 2:21

A ɓaa, ké i ke njèndó nyan dooge ke rang nga, i ndó rai i kuwe nyan lé wa? I ke i ra rai ke njèkile mber kade dooge ɓogi lé nga, ké bain taɓai á i ɓoge wa?

1 Timothee 1:15

Tà nè nga è tà kerɔte ke le kade nanan géa taa um kem̂’n dè’t bɔk-bɔk: Jésu-Krist ree dè nang nè le kaje njé ra majelége. Man nga kuwe m’ee ke desêin sàk-sàk le njé ra majelége.

Hebreuge 6:17

Ndɔ ke Nube ra se Abraham titeke bè tɔ. Ngannkà Abrahamge ayé kingei nyange ndɔ ke Nube unn’n ndu’n ade’n. Nube ndige kade ngannkà Abraham geri njai titeke kunn-ndu le’n n’ee Nube nga, è kunn-ndu ke tò njáng. Gir’n ke nè á è tɔl’n tà’n se kubu ra.

Hebreuge 7:25

Gir’n ke nè á njé ke reei ra Nube’t se takul Jésu ɓaa, è ase kaje de nja karé bere ke ngang’n. Jésu nga ndi kumgajer sár se non. E ɔje tà se Nube dɔ-dɔ tede le de.

2 Pierre 1:11

Titeke bè á Nube à ɔr’n tà rebe kaw kem̂ konɓee ke à tò sár se non le Jésu-Krist Kuwe-ɓee le jéi ke njèkaje jèi kinye wei bendeng kade jèi.