Jean 1:9 - Nouveau Testament en Gulay 2004

⁹ Lookar ke get-get nga ree dè nang nè. Nanan géa è ade loo ar dènn’t.

Jean 1:9 ပူးပေါင်းရင်းမြစ်များ

Matthieu 6:23

Nè loo ke kum jéi an loo majelé ɓaa, danra jéi bere mbak ndi dann tilkus’t a tɔ. Ke nè á lookar ke kêm jéi’t kei tel è loo ndul ɓaa, danra jéi bere mbak ndi dann loo ke ndul ndin-ndin’t.

Tà ke Maje ke Luc ndang 11:36

Ke nè á danra jéi bere mbak ndi dann lookar’t anje kade kêl’n karé ndi dann tilkus’t ɓaa, danra jéi bere mbak ndi dann lookar’t bɔndum titeke lampe ade loo ndoin’n dè jéi’t kotong bè.

Jean 1:4

Takul’n è á nyange malang ndii kumgajer. Ndikumgajer nè nga è lookar le dooge.

Jean 1:7

Doo nè ree le kɔrgo tà le lookar kade dooge malang undei kêm de dè tà ke è ɔrgo.

Jean 12:46

Man nga m’ee lookar ke m’ree dè nang nè. Nanan ke unde kêm’n dèm’t ɓaa à ndi dann tilkus’t se ndɔ’n-ndɔ’n lé.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 15:1

– Man nga m’ee kage nduu ke get. Bɔ’m è kuwe-ndɔr nduu.

Jean 6:32

Jésu tel ile de dè’t ede nè: – Kerɔte kuwe, man m’ede sei ndàt, è Moise á ade sei mapa ke ndɔ ke in danrán nga lé. Nè è Bɔ’m á ade sei ngarankum mapa ke in danrán nga.

Jean 7:12

Doobulege naji nan tà ngain dann de’t ɔji dè Jésu. Njé ke karége tami edi nè: – Jésu è doo ke njèra maje. Njé ke nange tami edi nè: – Ḿ-m̀, Jésu è njè libe kum doobulege.

1 Jean 1:8

Ke nè á jè tami j’edi nè jè rai kaiya lé ɓaa, jè súi kum ra jéi jèi kuwe a, ngarankum tà goto kem̂ jéi’t a tɔ.

1 Jean 2:8

Nè né è bè géa, è ndukunn ke kige á m’ndang m’ade sei. E ndukunn ke kige ke ngarankum nyan’n ribe ra’n ke nata takul Krist a, takul si sei a tɔ. Tilkus ndi sanrin kɔke ade lookar ke get unn gir ndogó ɓá ta.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.