Jean 1:51 - Nouveau Testament en Gulay 2004

⁵¹ Jésu ede Nathanael se njé ke rang malang ede nè: – Kerɔte kuwe, man m’ede sei ndàt, unn gir’n ɗarinè kum danran à teen. Sei a kan-in dooge ke danrán le Nube à ali kawi dɔ a, à risi nang a tɔ tede rai nyan kadi man Ngonn doo.

Jean 1:51 ပူးပေါင်းရင်းမြစ်များ

Matthieu 25:31

Loo ke man ke m’ee Ngonn doo m’a m’tel ree se dooge ke danrán malang dann ndubra’t le’m, kêm ndɔn’t nè nga m’a m’al ɗáng ndi dè kutu-ngar’t le’m.

Matthieu 26:24

Man ke m’ee Ngonn doo nga, m’a m’ɔte kaw se go tà ke dé ndang kêm magtub’t d’ɔje’n dè’m. Nè doo ke njèkule’m ji dooge’t nga, à an ɓai! Doo nè nga, ke nè á ndɔ ke d’oje’n lé géa è soo’t.

Matthieu 3:16

Loo ke Jean ule Jésu manné njonm ɓá ɓaa, Jésu unde loo tee nata. An! ke loon’t nè kuwe, kum danran teen halal ade an ndil Nube rise ndi dènn’t tite der-nda bè.

Matthieu 4:11

Sú ɔr ra’n ra Jésu’t kɔke ɔte aw. An! ke loon’t nè kuwe, dooge ke danran reei rann’t rai nyan adi nin.

Matthieu 8:20

Jésu tel ile’n dè’t ede nè: – Njange géa bolè tò de tò tutu a, helge géa ndis tò de tò tutu a tɔ. Nè man ke m’ee Ngonn doo nga, m’inge loo kule dè’m tutu taa kebe lé.

Matthieu 9:6

Jésu ede dingem ke ra’n wei tonrin nè nga ede nè: – Ɔse nang in dɔ, unn tuwe-tooi, aw kei lei. M’ra titeke bè le kade i geri titeke man ke m’ee Ngonn doo nga m’aw se tɔgmong le kɔr’n kaiyage dè dooge’t dè nang nè.

Marc 1:10

Loo ke à unde loo dann mann’t le tee ɓaa, ke loon’t nè kuwe è an kum danran teen halal, Ndil ree ndi dènn’t tite der-nda bè.

Marc 14:62

Jésu tel ilé dè’t ede nè: – Ma m’ee è nga kuwe. Ndɔn’t a an-in man Ngonn doo; m’a m’ndi dè jikon Nube ke njètɔgmong. Ndɔn’t a an-in man loo tel ree dann bum’t danrán a tɔ.

Tà ke Maje ke Luc ndang 2:13

Ke loon’t nè kuwe, kosdooge ke danrán teei pan gan-in dè made de ke Kuwe-ɓee ule’n nga wàk. Dé mbak d’ɔse pa dé ɗɔi’n Nube d’ede nè:

Tà ke Maje ke Luc ndang 2:9

Doo ke danrán ke Kuwe-ɓee ule’n tee hɔi ke ra de’t. Ndubra le Kuwe-ɓee ndogó gan dè de wàk ade ɓel unde de ndàt gang de.

Tà ke Maje ke Luc ndang 22:43

Ke loon’t nè kuwe doo ke danrán tee hɔi ke rann’t ule dingem kêmn’t.

Tà ke Maje ke Luc ndang 22:69

Nè unn gir ɗarinè man Ngonn doo m’a m’ndi dè jikon Nube’t ke njètɔgmong le konɓee se’n.

Tà ke Maje ke Luc ndang 24:4

Dé tel dé nda giw ɓaa, an! ke loon’t nè kuwe doo ke danránge joo ke Nube ule de undei loo teei hɔi ra de’t se kubuge ke ndoin kein-kein.

Tà ke Maje ke Luc ndang 3:21

Loo ke Jean ule kosdooge malang manné njonm ɓá ɓaa, Jésu géa ree ade ule’n manné njonm tɔ. Loo ke Jésu nda ɔje tà se Nube bè-bè ɓai ɓaa, kum danran teen ngalal.

Jean 1:50

Jésu ile Nathanael dè’t ede nè: – Ké um kêmi dèm’t tede tam ke m’tam sei kété m’ede nè m’an-in gir kage koté’t nga wa? A an nyange ke dum dè ège ke nè ɓai.

Jean 10:1

Kerɔte kuwe, man m’ede sei ndàt, doo ke ree se tà rebe gar batege lé, nè al se tà rebe ke rang tá ree’n go batege ɓaa, è njèɓog a, è gon-ɓog a tɔ.

Jean 10:7

Jésu tel ede de ede nè: – Kerɔte kuwe, man m’ede sei ndàt, man nga m’ee tàbit kei rebe gar batege.

Jean 13:16

Kerɔte kuwe, man m’ede sei ndàt, ngonn njèndi à bòi dum dè kuwe’n lé a, ngonn njèkule à dum dè njèkule’n lé a tɔ.

Jean 13:38

Jésu tel deje Pierre ede nè: – Ké a ile rai kɔke tede’m wa? Kerɔte kuwe, man m’edi ndàt, a i naje se rai dèm’t nja mute ɓita kuren kunje à non kɔkerɔ kon ɓai.

Jean 14:12

Kerɔte kuwe, man m’ede sei ndàt, doo ke um kêm’n dèm’t ɓaa à ra nyange ke m’a m’ra nè nga tɔ. Doo nè nga à ra nyange ke bò dum dè ège ke nè ɓai, tede m’a m’tel kaw ra Bɔm’t nú ta.

Jean 16:20

Kerɔte kuwe, m’ede sei ndàt, a i noin a, a undei kade si dai-dai a tɔ. Nè njé ke dè nang nè à ali ra de. Sei a i ndii dann kumndoo’t kuwe, nè kumndoo le si nga à tel k’ee ranel ɓai.

Jean 16:23

Kêm ndɔn’t nè nga, a i teli deji man tà dè nyan karé’t ndan lé ta. Kerɔte kuwe, man m’ede sei ndàt, ke nè á i deji Bɔ’m nyan karé se ri’m ɓaa, à ade sei nyan nè nga kuwe.

Jean 21:18

Kerɔte man m’edi ndàt, kété ke i basa ɓai nga i kuwe i tɔ́ ɓedi se ndar aw’n loo titeke kêmi ndige. Nè ndɔn’t a i ɓuge ɓaa, a i sure jii kade doo karé ke rang à tɔ ɓedi se ndar a, à ndɔri kaw sei loo ke i ndige’t lé.

Jean 3:3

Jesu tel ile Nicodème dè’t ede nè: – Kerɔte kuwe, man m’edi ndàt, ke nè á dé tel d’oje doo gugu kige lé ɓaa, è asekum kan Konɓee le Nube se kum’n lé.

Jean 3:5

Jesu tel ile Nicodème dè’t ede nè: – Kerɔte kuwe, man m’edi ndàt: ke nè á d’ule doo manné njonm d’ade Ndil oje’n lé ɓaa, è asekum kule dè’n kêm Konɓee’t le Nube ndan lé.

Jean 5:19

Jesu tel unn tà tam ede de ede nè: – Kerɔte kuwe, man m’ede sei ndàt, Ngonn asekum ra nyan karé bè se dè ra’n lé, nè nyan ke è an ra Bɔn’t á è ra. Tede nyan malang ke Bɔ ngonn ra nga, ngonn’n géa à ra titeke bè tɔ.

Jean 5:27

Bɔ Ngonn ade’n tɔgmong le gang’n tà tede k’ee ke è Ngonn doo nga.

Jean 6:26

Jésu ile de dè’t ede nè: – Kerɔte kuwe, man m’ede sei ndàt, sei sangi man tede nyankɔbege ke ndɔ ke an-in nga lé, nè tede mapa ke sei usei i ndanni.

Jean 6:32

Jésu tel ile de dè’t ede nè: – Kerɔte kuwe, man m’ede sei ndàt, è Moise á ade sei mapa ke ndɔ ke in danrán nga lé. Nè è Bɔ’m á ade sei ngarankum mapa ke in danrán nga.

Jean 6:47

Kerɔte kuwe, man m’ede sei ndàt, doo ke unde kêm’n dèm’t ɓaa, ndi kumgajer se non ɓá ta.

Jean 6:53

Jésu tel ede de ede nè: – Kerɔte kuwe, man m’ede sei ndàt, ke nè á sei usei danra’m man Ngonn doo lé a, an-in mese’m lé a tɔ ɓaa, ndikumgajer nga goto ra si’t ɓá ta.

Jean 8:34

Jésu tel ede de ede nè: – Kerɔte kuwe, man m’ede sei ndàt, nanan á ke inye ra’n nyein dann kaiya’t se ndɔ’n-ndɔ’n ɓaa, è ɓer le kaiya kuwe.

Jean 8:51

Kerɔte kuwe, man m’ede sei ndàt, ke nè á doo karé an dè tà le’m sêw-sêw ɓaa, à wei ndan lé.

Jean 8:58

Jésu ede de ede nè: – Kerɔte kuwe, man m’ede sei ndàt, man m’ndi tutu kété ɓita kade d’oje kà si Abraham nga ɓai.

Nyanra Njekawkulege 10:11

Pierre an kum danran teen. E an nyan karé in danran jurr ree rise nang. Nyan nè nga tò tite tà kubu ke bòi ke dé tɔ kule dè kumennge ke sɔ.

Nyanra Njekawkulege 7:56

Etienne tam ede nè: – An-in! man m’an kum danran teen ra’n. M’an Ngonn doo nda se nja’n dɔ dè jikon Nube’t.

2 Nje Ke Thessalonique 1:7

Sei ke dé ra se si nyantosowurge nè nga, ndɔ ke kuwe jéi Jésu à in danrán le kunde loo tee pan se dooge le’n ke njé tɔgmong-ge ɓaa, Nube à ade a i taai kebe se jé nan’t tɔ.

2 Nje Ke Thessalonique 1:9

Dé nè nga, kure nyanra de ke à ɔde kum de nga, è tuju ke se non a, d’a ndi heb tàkum Kuwe-ɓee ke tɔgmong le’n dum dè loo.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

Hebreuge 1:14

Dooge ke danrán malang nga, ké ei nel nyange ke ei ngann njékulege le Nube kuwe lé wa? Ké è Nube á ule de kade dé ra se njé ke à ingei kaje nga lé wa?

Jude 1:14

Hénok ,ngonnkà dɔg Adam ke njèkon’t ji sejimute nga, ndɔ ke tam tà kété mari ɔje’n dè de ede nè: «An-in! Kuwe-ɓee à ree se dooge le’n ke danrán aru dɔg loo bule,

Lookilera’n 19:11

Go’t gugu, m’an danrán teen tà’n. An! ke loon’t nè kuwe, sinde-gaglam unde loo tee pitring se doo gidenn’t. Doo ke al dènn’t nga, dé ɓar’n Ngarankum Maje kule. E gangtà a, rɔ se dè naje’n a tɔ.

Lookilera’n 4:1

Go nyange’t nè nga ɓaa, m’an tàbit kei karé ke danrán teen. M’oo ndu doo ke ndɔ ke tam se’m tà nga ɓar tite burunju bè. Doo nè nga tam se’m ede nè: «Al ke ram’t nè ade’m tɔji nyange ke à reei kuti go nyange nè nga gar-gar.»