Jean 1:49 - Nouveau Testament en Gulay 2004

⁴⁹ Nathanael tel tam ede nè: – Kuwe jé, i i Ngonn Nube a, i i Ngar le dooge ke kêm ɓeekon ke Israel a tɔ.

Jean 1:49 ပူးပေါင်းရင်းမြစ်များ

Matthieu 14:33

Loo ke njé ke ndii kêm bato’t an-in bè ɓaa, ei ɗɔyi Jésu edi nè: – Kerɔte, i i Ngonn Nube nga kuwe.

Matthieu 2:2

Ei deji edi nè: – Ké ngar le Juipge ke d’oje’n ngɔr nè nga è loo ke ra’t wa? Tede jè j’an kɔnyon le’n loo tee’t le kade gugu nú á jè ree le ɗɔi’n.

Matthieu 21:5

«Edi dooge ke kêm ɓee-bò ke Jérusalem edi nè: An-in! ngar le si à ree ke ra si’t. Ngar le si nga è doo ke aw lom-lom, è al dè kon koro’t. E al dè ngonn koro ke dingem tɔ.»

Matthieu 23:7

Dé ndigi le kade dooge rai de lapya ndá-looge’t a, le kade dooge ɓari de njé nyangerge a tɔ.

Matthieu 23:8

Nè sei ɓaa, adi dooge ɓari sei titeke bè lé, tede sei nga njè ndó sei nyan kuwe è karé bere. Gute si malang ɓaa, sei ngakon nange.

Matthieu 27:11

Jésu nda non Pilate njèkonɓee’t. E deje Jésu ede nè: – Ké i ngar le Juipge wa? Jésu tel ile’n dè’t ede nè: – E nga kuwe á i tam non ɓá.

Matthieu 27:42

Njékuje nyan-mesege tami edi nè: – Ndɔ ke n’aje njé ke rang nè n’ase kaje rayé n’ee kuwe lé. Ke nè á n’ee ngar le Israelge kerɔte ɓaa, maje kade n’rise nang kade kage-ke-dese’t ɗarinè n’ade j’an ɓaa, j’à j’um kêm jé dèyé’t.

Matthieu 4:3

E á njèkule kêm dooge age meen-meen ke rann’t ede nè: – Ke nè á i Ngonn le Nube kerɔte ɓaa, ade kuberi herge nè nga teli mapa ade use.

Marc 15:32

Krist ke è ngar ke bò le kosdooge ke Israel nga, gar-gar maje kade i rise nang ɗarinè kàde kage-ke-dese’t. Ke nè á è rise ade j’àn ɓaa, j’à j’unde kêm jé dènn’t kerɔte. Njé ke dé ɓer de kàde kage-ke-dese’t kɔte Jésu nga géa taji nin ke le de a tɔ.

Tà ke Maje ke Luc ndang 1:35

Doo ke danran nè nga ile Marie dè’t ede nè: – Ndil-Kêmnda à ra kule rai’t a, tɔgmong le Nube Njèdum dè nyange malang à sebe dèi’t titeke ndil oso’n dè doo’t bè. Gir’n ke nè á, ngonn ke tò se ninn’n ke a oje’n nga d’a ɓar’n Ngonn Nube.

Tà ke Maje ke Luc ndang 19:38

– Maje kade Kuwe-ɓee Nube tɔr ndu’n dè ngar ke è kuwe ule’n. Jè j’inge kêmlom ke ra Nube’t. Gir’n ke nè á jè j’ule’n ndubra dènn’t dè nang nè.

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.

Jean 1:34

Man m’an nyan nè nga se kum’m; gir’n ke nè á ndɔ ke m’tam’n titeke è nè nga è Ngonn Nube kerɔte kuwe.

Jean 1:38

Jésu mer goo’n. Loo ke è an de d’unn rebe goon’t ɓaa, è deje de ede nè: – Ké i sangi ri wa? Dé tel d’ile’n dè’t d’ede nè: – Rabbi (tel se tà koje jéi ɓaa, è Kuwe jé) ké loo ndii è ra wa?

Jean 1:50

Jésu ile Nathanael dè’t ede nè: – Ké um kêmi dèm’t tede tam ke m’tam sei kété m’ede nè m’an-in gir kage koté’t nga wa? A an nyange ke dum dè ège ke nè ɓai.

Jean 18:37

Pilate tel deje Jésu ede nè: – A ɓaa, ké i ngar wa? Jésu tel ilé dè’t ede nè: – E kuwe i tam non. Man Ngar. Kede dooge ngarankum tà á è gir nyan ke d’oje’m d’ade m’ree’n dè nang nè. Nanan ke è le ngarankum tà ɓaa, à ur mbi’n le koo’n ndu’m.

Jean 4:31

Loo ke nja de nain rebe ɓai-ɓaa, njékuwe-gir-Jésuge awi se’n kabr-kabr edi nè: – Ngar, use nyan ndêin ɓita.