Jean 1:43 - Nouveau Testament en Gulay 2004

⁴³ Barè lookar’n, Jésu ndige tel kaw ɓeekon ke Galilée. E inge Philippe ɓaa ede’n ede nè: – Unn rebe goom’t.

Jean 1:43 ပူးပေါင်းရင်းမြစ်များ

Matthieu 10:3

Philippe se Barthélemy, Thomas se Matthieu ke njètaa tirge, Jacques ngonn Alphée se Thadée.

Matthieu 4:12

Loo ke Jésu oo titeke d’uwe Jean d’ile’n dangai ɓaa, è ɔr ra’n aw kêm ɓeekon ke Galilée.

Matthieu 8:22

Jésu tel ile njèkuwe-gir’n nè nga dè’t ede nè: – Unn goo’m, inye njé ke weii ade ei kuwe dubi nan.

Matthieu 9:9

Loo ke Jésu in loon’t nè à dese ɓaa, è an dingem karé ndi kêm kei taa tirge’t. Dingem nè nga ri’n nè Matthieu. Jésu ɓar’n ede’n ede nè: – Unn rebe goom’t. Ke loon’t nè kuwe, è ɔse nang in unn rebe go Jésu’t.

Tà ke Maje ke Luc ndang 19:10

Man ke m’ee Ngonn doo nga, m’ree le sang njé ke ndemi osoi kɔke le tel se de ke ra Nube’t.

Jean 1:28

Nyange nè teei kêm ɓee ke Béthanie gide ba ke Jourdain’t. E loo nè á Jean ule dooge manné njonm tutu.

Jean 1:29

Barè lookar’n, loo ke Jean an Jesu à ree ke rann’t ɓaa, è tam ede nè: – An-in! Ngonn Bate le Nube ke njèkɔr kaiya dè dooge’t dè nang nè nga.

Jean 1:35

Barè lookar’n, Jean se pajage le’n joo teli ndai loo’t nè nga ɓai.

Jean 1:37

Loo ke pajage le Jean ke joo nè nga ooi tà ke kété è tam nè nga ɓaa, ei unni rebe go Jésu’t.

Jean 1:44

Philippe nga è doo ke Bethsaida ɓee le André se ngokon’n Pierre.

Jean 12:21

Grecge nè nga awi ra Philippe’t ke ɓee le’n è Bethsaida, ɓeekon ke Galilée ei deji edi nè: – Dingem, jè ndige le kan Jésu.

Jean 14:8

Philippe deje Jésu ede nè: – Kuwe-ɓee, i tɔje jé Bɔi nga ade j’an’n ɓaa, è kuwe ase jè.

Jean 2:11

E á è kunn gir nyankɔbe ke desêin ke Jésu ra kêm ɓee ke Cana, ɓeekon ke Galilée. Jésu tɔje tɔgmong le’n ke nata ade njékuwe-girnge umi kêm de dènn’t.

Jean 6:5

Loo ke Jésu tête kum’n an kosdoo-bulege à reei ke rann’t ɓaa, è deje Philippe ede nè: – Ké j’à j’in-in se mapa ra le ndogo kade kosdoo-bulege nè nga usei wa?

Jean 6:7

Philippe ile jésu dè’t ede nè: – Né doo ndogo’n mapa kum nar kule ke ndɔ aru joo tá le tête mes-mes nobo de géa ayé kase de ndan lé.

Nje Ke Philippes 3:12

Nyan ke m’an-in ngɔde’n nga, m’uwe se ji’m mêtch lé ɓai a, m’maje m’ɔr njêt lé ɓai a tɔ. Nè m’an-in ngɔde kum’m ke kété-kété le kuwe nyan ke m’an-in ngɔde’n nga se ji’m mêtch, titeke Jésu-Krist géa uwe’m se ji’n mêtch tɔ.

1 Jean 4:19

Jèi ɓaa, jè tári Nube tede è kuwe á tár jèi kété.