Jean 1:42 - Nouveau Testament en Gulay 2004

⁴² E ɔr’n aw se’n ra Jésu’t. Loo ke Jésu tête kum’n pan an’n ɓaa, è tam ede nè: – I i Simon ngonn le Jean. D’a ɓari Céphas (tel se tà koje jéi è kuberi her ke mong).

Jean 1:42 ပူးပေါင်းရင်းမြစ်များ

Matthieu 10:2

Njékawkulege ke dɔg-gidé-joo nga ri de á tò nè: E ke desêin è Simon ke dé ɓar’n Pierre se ngokon’n André, Jacques ngonn Zébédée se ngokonn Jean,

Marc 3:16

Dooge ke dɔg-gidé-joo ke Jésu tɔr de unde de ke njékawkulege nga, ri de á tò nè: Simon ke Jésu ile ri tɔy’n nè Pierre,

Tà ke Maje ke Luc ndang 5:8

Loo ke Simon ke dé ɓar’n Pierre an bè ɓaa, ɔse keje’n nanga non Jésu’t ede’n ede nè: – Kuwe-ɓee ute rai ram’t kɔke, tede man m’ee njè ra majelé.

Tà ke Maje ke Luc ndang 6:14

Njékawkulege nè nga ri de á nè: Simon ke Jésu ile ri’n nè Pierre se André ngokon’n ke ndêin, Jacques se Jean, Philippe se Barthélemy,

Jean 13:18

Tà ke m’tam nè nga m’ɔje’n dè si malang lé. Njé ke man kuwe m’tɔr de nga m’ger de mbak. Nè nyan nè nga tee titeke bè tede kade tà ke Magtub ke tò se ninn’n tam ede nè: «E ke use se’m mapa nan’t nga kuwe à tel kɔr nja’n kube’m» nga, aw loon’t deĵ.

Jean 21:2

Simon Pierre, Thomas ke ri tɔy’n nè: «Ndunge», Nathaniel ke ɓee le’n è Cana ɓeekon ke Galilée, ngann le Zébédéege ke joo se njékuwe-girnge ke rang joo tɔ. Ei nè malang ndii nan’t loo karé kêm ndɔn’t nè.

Jean 4:16

Jésu edé ede nè: – Aw i ɓar ngawi ɓita i tel i ree nè ɓai.

1 Nje Ke Corinthe 1:12

An-in! tà ke m’oo á tò nè: Nanan géa dann si’t tam ede nè: «Man m’ee le Paul», «Man m’ee le Apollos»,«Man m’ee le Céphas», éké «Man baa, m’ee le Krist.»

1 Nje Ke Corinthe 15:5

Krist tee pan ke ra Céphas’t ɓita tee hɔi ke ra njékawkulege ke dɔg-gidé-joo nga ɓai.

1 Nje Ke Corinthe 3:22

Paul se Apollos éké Céphas ei ngann njékulege le si. Ndikumgajer éké kwei, nyange ke ɗarinè éké nyange ke à reei ɓai, nyan malang ke dè nang nè è le si.

1 Nje Ke Corinthe 9:5

Ké m’aw se tɔgmong le kaw se kon nann’m karé ke neen’m loo kile mber’t titeke njékawkulege ke rang éké ngakon Kuwe-ɓeege éké Céphas rai nga tɔ lé wa?

Nje Ke Galatie 1:18

M’ra ɓal mute ɓita m’tel m’aw kem̂ ɓee-bò ke Jérusalem le sang ger gel Céphas. M’ra ndɔ dɔg-gidé-mi rann’t.

Nje Ke Galatie 2:11

Nè loo ke Pierre ree kem̂ ɓee-bò ke Antioche ɓeekon ke Syrie ɓaa, m’in se’n dè nyanra’n ke se go rebe’n lé tàkum dooge’t.

Nje Ke Galatie 2:9

Jacques se Céphas se Jean ke ndɔ ke d’an de ke kage ngadann kei nga, loo ke an-in noje ke Nube uwe se’m ɓaa, ulei jikon de adi jè se Barnabas umi se jé nan’t bɔk. Gir’n ke nè á man se Barnabas jee’n njékaw kile mber Tà ke Maje kade njé ke ei Juipge lé, nè ei ɓaa ei njékaw kile mber Tà ke Maje kade Juipge tɔ.