Jean 1:34 - Nouveau Testament en Gulay 2004

³⁴ Man m’an nyan nè nga se kum’m; gir’n ke nè á ndɔ ke m’tam’n titeke è nè nga è Ngonn Nube kerɔte kuwe.

Jean 1:34 ပူးပေါင်းရင်းမြစ်များ

Matthieu 11:27

Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje.

Matthieu 16:16

Simon Pierre in ile jésu dè’t ede nè: – I i Krist, Ngonn le Nube ke njèndi kumgajer.

Matthieu 17:5

Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Matthieu 26:63

Nè Jésu an’n mar-mar anje kile de dè’t. Maw njèkuje nyan-mese tel deje Jésu ede nè: – Man m’deji se ri Nube ke njèndi kumgajer le kade ede jè ndàt: ké i nga i Krist Ngonn Nube kuwe wa?

Matthieu 27:40

– I ke njè tuju gile kei ke tò se ninn’n le Nube le tel ra’n gugu rang dann ndɔ mute’t nè kuwe, ke nè á i Ngonn Nube kerɔte ɓaa, i taa rai i kuwe tà yo’t, i rise nang kàde kage-ke-dese’t nè nga ade j’an ta.

Matthieu 27:43

N’unde kêmé dè Nube’t tchên. Ke nè á tur’n tedé kerɔte ɓaa, maje kade taayé tà yo’t ɗarinè ade j’an, tede ndɔ ke n’tam n’ede nè: «Man m’ee Ngonn Nube.»

Matthieu 27:54

Loo ke njèkan dè njérɔge ke aru karé se njérɔge ke ngonmi Jésu se’n, ei an-in nang ke yei ɓuk-ɓuk se nyange ke teei nè nga ɓaa, ɓel unde ndàt gang dè ade tami edi nè: – Loo naje’n goto, doo nè nga è Ngonn Nube kerɔte kuwe.

Matthieu 3:17

An! ke loon’t nè kuwe, ndu doo ɓar danran ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ.

Matthieu 4:3

E á njèkule kêm dooge age meen-meen ke rann’t ede nè: – Ke nè á i Ngonn le Nube kerɔte ɓaa, ade kuberi herge nè nga teli mapa ade use.

Matthieu 4:6

– Ke nè á i Ngonn Nube kerɔte ɓaa, inye jii dɔ oso nang ade j’an tede dé ndang kêm Magtub’t d’ede nè: «Nube à unn ndu’n kade dooge le’n ke danrán kɔje’n dèi. Dooge ke danrán nè nga, d’a geti se ji de nè bainléa a kunde njai dè kuberi her’t.»

Matthieu 8:29

Dingemge nè nga tami se ndu de ke bòi beng edi nè: – I Jésu nga ké usi ri ra jé’t wa? Ké i ree le ra kum jé ndoo ɓá ta wa?

Marc 1:1

Tà ke Maje le Jésu-Krist, Ngonn le Nube nga unn gir’n titeke bè.

Marc 1:11

Ndu Nube ɓar danran nú ede nè: – I i Ngonn’m ke m’tári ngain, i nyan ranel le’m a tɔ.

Tà ke Maje ke Luc ndang 1:35

Doo ke danran nè nga ile Marie dè’t ede nè: – Ndil-Kêmnda à ra kule rai’t a, tɔgmong le Nube Njèdum dè nyange malang à sebe dèi’t titeke ndil oso’n dè doo’t bè. Gir’n ke nè á, ngonn ke tò se ninn’n ke a oje’n nga d’a ɓar’n Ngonn Nube.

Tà ke Maje ke Luc ndang 3:22

Ndil-Kêmnda ree uwe dènn’t ade d’an tò asenan se der-nda bè. Ndu Nube ɓar danrán nú ede nè: – I nga i ngonn’m ke m’tári ngain. Ra’m nel’m dè kɔr ke m’ɔri’t nga ngain a tɔ.

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.

Jean 1:49

Nathanael tel tam ede nè: – Kuwe jé, i i Ngonn Nube a, i i Ngar le dooge ke kêm ɓeekon ke Israel a tɔ.

Jean 10:30

Man se Bɔ’m jè karé.

Jean 10:36

Man nga, Bɔ’m Nube ɔr’m unde’m se ninn’n kété ɓita ule’m dè nang nè ɓai. Ké bain á m’ede nè man Ngonn’n ɓaa sei tami edi nè m’nede’n taɓai wa?

Jean 11:27

Marthe tel ile jésu dè’t ede nè: – Oiyo Kuwe-ɓee, m’um kêm dè’t titeke i i Krist Ngonn Nube ke ndɔ ke ule’n ade ree dè nang nè nga kuwe mbain.

Jean 19:7

Juipge teli ilei Pilate dè’t edi nè: – J’aw se gute-ndu karé. Se go gute-ndu le jé nè nga ɓaa, d’a tɔlé gar-gar. Tede n’ee nga n’ra rayé ke Ngonn Nube kuwe njing.

Jean 20:28

Thomas tel ile Jésu dè’t ede nè: – Kuwe-ɓee le’m, Nube le’m.

Jean 20:31

Nè tà nyankɔbege ke dé ndang tà’n kêm Magtub’t nè nga, è tede le kade awi kum si ke kété dè kunde kêm si dè Krist’t titeke è Ngonn Nube nga kuwe. Ke nè á undei kêm si dènn’t ɓaa, a ingei ndikumgajer se non takul ri’n è.

Jean 6:69

Jè ɓaa, j’unde kêm jé dèi’t tede jè ger titeke i i doo ke Nube ɔri undei se ninn’n gai.

Nje Ke Rome 1:4

Dé ger’n ke Ngonn le Nube se go Ndil-Kêmnda. Nube ade’n tɔgmong ade unde’n loo tee’n dann njé ke koo’t.

2 Nje Ke Corinthe 1:19

Tede Jésu-Krist Ngonn Nube, ke man a, Silas a, Timothée a tɔ, j’ile mber tà le’n dann si’t nga, è njè kum tà minye’t joo lé. Ke nè á tam ede nè: «ḿ-m̀» ɓaa, è «ḿ m̀». Ke nè á tam ede nè : «oiyo» ɓaa, è «oiyo». Jésu-Krist è njè tam ngarankum tà se ndɔge malang.

Hebreuge 7:3

Melkisédec nga, Magtub ke tò se ninn’n tam tà ɔje’n dè bɔ’n se kon’n éké girkà le’n ade j’ooi lé. Jè geri ndɔ koje’n éké ndɔ kwei’n lé a tɔ. E tò asenan se Ngonn le Nube. E njèkuje nyan-mese se ndɔge malang a, se ɓal-ɓal a tɔ.

1 Jean 2:23

Nanan ke naje se ra’n ede nè Jésu-Krist è Ngonn le Nube lé ɓaa, è naje se ra’n dè Bɔ jéi Nube’t a tɔ. Nanan ke tam ndàt ede nè Jésu è Ngonn Nube kerɔte ɓaa, è um nan’t bɔk se Bɔ jéi Nube nga ɓá ta.

1 Jean 3:8

Nanan ke ra kaiya se ndɔ’n-ndɔ’n ɓaa in ra njè kem̂ majelé’t, tede njè kem̂ majelé nga unn gir ra majelé se ndɔge malang kété mari ke desêin. Gir’n ‘ke nè á Krist, Ngonn Nube unde’n loo tee’n pan tede le tuju nyanrage le njè kem̂ majelé nga kɔke.

1 Jean 4:9

Nube ule Ngonn’n ke dagi dè nang nè tede kade jè ndii kumgajer takul’n. E ke nè á tár ke Nube tár jèi too’n nata ndái-ndái.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.

2 Jean 1:9

Nanan ke nda njáng dè nyan-ndó’t le Krist lé á unn tà ke rang karè ile dè’t ɓaa, um se Nube nan’t bɔk lé. Nanan ke nda njáng dè nyan-ndó’t le Krist ɓaa, um nan’t bɔk se Nube a, se Ngonn’n a tɔ.

Lookilera’n 2:18

«I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Thyatire. Ngonn le Nube ke kum’n taa por bilm-bilm tite ndon por bè a, nja’n ndoin tite ninge-kase a tɔ nga, tam ede nè: