Jean 1:33 - Nouveau Testament en Gulay 2004

³³ Man m’ger’n kété lé ɓai, nè è ke njèkule’m kade m’ule dooge manné njonm nga ede’m ede nè: «E ke Ndil à in dɔ le ree ndi dènn’t nga á è njèkɔr dooge kunde de se ninn’n gai takul Ndil-Kêmnda.»

Jean 1:33 ပူးပေါင်းရင်းမြစ်များ

Matthieu 3:11

Man ɓaa, mann á m’ule sei njonm tutu karè kade i turi hal si. Nè doo karé ke tɔgmong le’n dum le’m à ree goom’t gugu non. Gabang ke njann’t géa, man m’asekum tɔr se dè ra’m lé. Doo nè nga à ɔr sei kunde sei se ninn si gai se Ndil-Kêmnda a, se por a tɔ.

Tà ke Maje ke Luc ndang 3:16

Nè Jean ede de ndàt ede nè: – Man m’ɔr sei kunde sei se ninn si gai se mann. Nè doo karé ke tɔgmong le’n dum dè le’m à ree goom’t non. Man m’ase tutu sa ke njann’t lé. Doo nè nga, à ɔr sei kunde sei se ninn’n gai se Ndil-Kêmnda a, se por a tɔ.

Jean 1:31

Man géa m’ger’n kété lé, nè m’ree m’ule dooge manné njonm tede kade kum ngannkà Israel gang’n dènn’t njai.

Jean 14:26

Ndil-Kêmnda ke njè ra se si ke Bɔ’m à ule’n se ri’m nga à ndó sei nyange malang a, à olé kêm si dè nyange malang ke m’ede sei ɓá nga a tɔ.

Jean 3:34

E ke Nube ule’n nga ɔrgir tàge le Nube, tede Nube ade’n Ndil se girson’n bere mbak.

Jean 3:5

Jesu tel ile Nicodème dè’t ede nè: – Kerɔte kuwe, man m’edi ndàt: ke nè á d’ule doo manné njonm d’ade Ndil oje’n lé ɓaa, è asekum kule dè’n kêm Konɓee’t le Nube ndan lé.

Jean 7:39

E tam tà nè nga titeke bè ɔje’n dè Ndil-Kêmnda ke njé ke undei kêm de dènn’t ayé kingei. Kêm ndɔn’t nè nga Ndil-Kêmnda ree lé ɓai tede d’ule ndubra dè Jésu’t lé ɓai.

Nyanra Njekawkulege 1:5

Jean ule dooge manné njonm kété, nain ndɔ ngain lé kade d’ɔr sei d’unde sei se ninn si gai se Ndil-Kêmnda ɓai.

Nyanra Njekawkulege 2:4

Dé malang, Ndil-Kêmnda taa kêm de pel-pel ade d’unn gir tam tà tam dooge ke rang gai-gai se go tà ke Ndil ade de le kade dé tam.

1 Nje Ke Corinthe 12:13

Oiyo, né Juipge se njé ke ei Juipge lé, né ee’n ɓerge éké njé ndi dè palge géa, ndɔ ke d’ule jéi manné njonm d’ade j’umi nan’t bɔk se Ndil-Kêmnda ke karé nè kuwe. Jèi malang jè teli jèi danra ke karé bere ke j’an-in mann ke an-in kutch-kutch ke in ra Ndil-Kêmnda’t.