Jean 1:19 - Nouveau Testament en Gulay 2004

¹⁹ E ke nè á è tà ke Jean ɔrgo loo ke Juipge ke kêm ɓee-bò ke Jérusalem ulei njékuje nyan-mesege se njé ke girkà’t le Lévi le kade dejii edi nè: – Ké i nga i nan wa?

Jean 1:19 ပူးပေါင်းရင်းမြစ်များ

Jean 1:7

Doo nè ree le kɔrgo tà le lookar kade dooge malang undei kêm de dè tà ke è ɔrgo.

Jean 10:24

Juipge an-in dè Jésu girm ulei nan’t ɓaa, deji nin edi nè: – Ké ndɔ ke ra a ade kêm jé à oso nang pon wa? Ke nè á i Krist nga ɓaa, ede jè ndàt ade j’oo.

Jean 10:31

Juipge teli ɔyi kuberi her raw le tilei Jésu tɔlii kɔke.

Jean 11:19

Gir’n ke nè á Juipge reei ngain ra Marthe se Marie le sɔli kêm de tede ngokon de ke wei.

Jean 2:18

Nè Juipge deji Jésu edi nè: – Ké nyankɔbe ri á a i ra le kade j’an titeke i aw se tɔgmong le ra’n nyange nè nga titeke bè wa?

Jean 2:20

Juipge tami se Jésu edi nè: – Kei ke tò se ninn’n nè nga, dé ra’n ase ɓal kɔr-sɔ-gidé-mute-mute ɓita dé tɔl’n ɓai. Nè i ɓaa, i tam ede nè ayé tel ra’n gugu kêm ndɔ mute bere.

Jean 5:10

Juipge ɓari go dingem ke ratur ɔr dènn’t nga tami se’n edi nè: – Ɓila è ndɔ taa kebe. Ké nan á unn ndu’n adi kade oto tuwe tooi i ringe’n wa?

Jean 5:15

Dingem nè nga unde loo tee aw ede Juipge titeke njè kɔr ratur rann’t se ndɔ taa kebe nga, è Jésu.

Jean 5:16

E gir’n ke nè á Juipge awi se Jésu se tà, tede nyange ke ndɔ ke ra se ndɔ taa kebe.

Jean 5:18

Unn gir kêm ndɔn’t nè, Juipge sangi loo ngain dum ke kété le tɔl Jésu. E tede kal ke è al tà tà gute-ndu’t á karé lé, nè è tede ɓar ke ɓar Nube Bɔ koje’n a, an ra’n ke Nube a tɔ.

Jean 6:41

Kêm ndɔn’t nè nga Juipge unni gir murin tà ɔji dè Jésu tede tam ke kété tam ede nè: «Mapa ke in danrán ree nga, è man.»

Jean 6:52

Juipge naji nan tà ngain dann de’t edi nè: – Ké n’ee nga n’asekum kade jèi danrayé kade j’usei titeke bain wa?

Jean 7:1

Go’t gugu Jésu aw se loo-loo kêm ɓeekon ke Galilée. E ndige le tel kaw kêm ɓeekon ke Judée lé tede Juipge sangi rebe le kade dé tɔl’n.

Jean 7:11

Juipge sangi Jésu loo ra nan kei kamge’t nè nga. Ei deji nan edi nè: – Ké n’ee nga n’ee ra wa?

Jean 7:15

Tà ige Juipge sêl adi tami edi nè: – N’ee nga, n’ndó nyan lé, à ké se go rebe ke ra n’ger’n magtub bè wa?

Jean 8:22

Juipge deji nan edi nè: – Tam ke n’tanm n’ede nè: «Sei asikum kawi loo ke m’a m’aw tutu lé» nga, ké n’ee kuwe n’ayé tɔl rayé ta wa?

Jean 8:48

Juipge teli deji Jésu edi nè: – Tam ke jè tam kété j’ede nè i doo ke kêm ɓee-bò ke Samarie karè a, kumen tò kêmi’t a tɔ nga, ké è loon’t lé wa?

Jean 8:52

Juipge edi Jésu edi nè: – Ɗarinè jè ger titeke kumen tò kêmi’t kerɔte kuwe. Abraham wei ɓá, njéribe-dè-tàge ke tà Nube’t géa weii ɓá a tɔ. Nè i ɓaa i tam ede nè: «Ke nè á doo karé an dè tà le’m sêw-sêw ɓaa, yo à tɔl’n ndan lé.»

Jean 8:57

Juipge deji Jésu edi nè: – I nga, ɓali ase kɔr-mi lé ɓai, à ké an Abraham ra wa?

Nyanra Njekawkulege 13:25

Loo ke nain ngɔr kade Jean ɔr son ngɔde kan-in’n ɓaa, è deje de ede nè: «Ké sei i giri kété edi nè man nga m’ee nan wa? Man m’ee njèkaje dooge ke sei ngineii nga lé ɓai. Nè an-in! doo karé à ree goom’t non. Doo nè nga, gabang’t ke njann’t géa, m’ase tute lé.» Paul tel tam ede nè:

Nyanra Njekawkulege 19:4

Nè Paul ede nè: – Kule dooge manné njonm ke ɔje dè tur hal á è nyan ke ndɔ ke Jean ra. E ede kosdooge le kade undei kêm de dè è ke à ree goon’t. E ke à ree go Jean’t nga è Jésu.

1 Jean 1:5

Nube è lookar, tilkus karé bè géa goto rann’t. E ke nè a è tà ke j’oo tà Jésu-Krist’t á j’ɔr gir ndát-ndát j’ade sei.