Jean 1:17 - Nouveau Testament en Gulay 2004

¹⁷ Nube ade jéi gute-ndu se rebe ke ra Moise’t, nè kêm-maje se ngarankum tà reei takul Jésu-Krist.

Jean 1:17 ပူးပေါင်းရင်းမြစ်များ

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 18:37

Pilate tel deje Jésu ede nè: – A ɓaa, ké i ngar wa? Jésu tel ilé dè’t ede nè: – E kuwe i tam non. Man Ngar. Kede dooge ngarankum tà á è gir nyan ke d’oje’m d’ade m’ree’n dè nang nè. Nanan ke è le ngarankum tà ɓaa, à ur mbi’n le koo’n ndu’m.

Jean 5:45

An-in tá nè a i giri titeke è man á m’a m’ile tà dè si’t non Bɔm’t, nè è Moise ke sei undei kêm si tchên dènn’t nga á è njèkile tà dè si’t.

Jean 7:19

Ké è Moise kuwe á ade sei magtub gute-ndu Nube nga lé wa? Nè doo karé dann si’t ra nyan ke gute-ndu ɔje nga se ndɔge-ndɔge lé. A ɓaa, ké bain á sei sangi le kade dé tɔl’m wa?

Jean 8:32

Sei a i geri ngarankum tà nga a, ngarankum tà nga ade a i ndii dè si pal a tɔ.

Jean 9:29

Jè ɓaa, jè ger titeke Moise á ndɔ ke Nube ede’n tà. Nè doo nyan le doo nè nga, jè ger loo ke in tutu lé.

Nyanra Njekawkulege 28:23

Paul se Juipge ɔji ndɔ tede tel kinge’n nan. Loo ke ndɔ nè ase deĵ ɓaa, Juipge reei ngain dum ke kété ingei nin kêm kei ndinn’t kuwe. Paul ɔrgir tà se ndɔgé sár loo sɔlé a, ile mber Konɓee le Nube nga ndàt ade de a tɔ. E uwe ra’n mong le kade kum de gang dè Jésu’t se go tà ke kêm magtub gute-ndu’t le Moise sár tee’n dè magtubge’t le njéribe-dè tàge ke tà Nube’t.

Nyanra Njekawkulege 7:38

Loo ke ndɔ ke kosdooge ke Israel kebi nan kêm dile’t nga, Moise nè è dann de’t. E è kuwe á ndɔ ke unn tà ke doo ke danrán ede’n dè mbal ke ri’n nè Sinai ede kà jéige. E taa tàge ke le ndii’n kumgajer ra Nube’t ree’n ade jèi.

Nje Ke Rome 6:14

Kaiya à on ɓee dè si’t lé ta, tede sei i ndii gir gute-ndu’t lé ta, nè i ndii gir noje’t le Nube.

2 Nje Ke Corinthe 1:20

Krist è «oiyo» ke ribe dè ndukunnge le Nube malang ke ɔje kêm’n le ra. E se takul’n á j’ede’n nè «Maje kade è titeke bè» tede kule’n ndubra dè Nube’t.

Nje Ke Galatie 3:17

An-in! tà ke m’ndige tam á tò nè: Ndɔ ke Nube unn ndu’n njang ade Abraham. Ndukunn le Nube nga tò njáng sár ɓal aru sɔ se kɔr-mute ɓita magtub gute-ndu tee ɓai. Gute-ndu asekum tuju ndukunn ke Nube unn ade Abraham kété nga ndan lé.

Hebreuge 9:22

Se go gute-ndu nga, nyange ke mese ɔr se-de á bulei ngain gée. Loo ke mese oso nang lé ɓaa, loo kinge kem̂ tin mbit dè majelége’t goto.