Jean 1:14 - Nouveau Testament en Gulay 2004

¹⁴ Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 1:14 ပူးပေါင်းရင်းမြစ်များ

Matthieu 1:16

Jacob oje Joseph; Joseph ngaw Marie ke njèkoje Jésu ke dé ɓar’n Krist.

Tà ke Maje ke Luc ndang 2:11

Ɓila d’oje njèkaje sei kêm ɓee’t le ngar David. E nè nga à è Kuwe-ɓee a, Krist a tɔ.

Tà ke Maje ke Luc ndang 2:7

E oje ngonn der’n ke dingem. E ɓir’n se tà kubu ile’n kêm begre kuse nyan le dange, tede dooge ubei nan loo njàng-njàng kêm kei tò mbage’t.

Tà ke Maje ke Luc ndang 9:32

Ɓi ase Pierre se njé ke ei se’n nák. Nè ei uwei ra de mong kêm ndɔn’t nè an-in Jésu se dingemge ke joo ke ndai se’n dann ndubra’t le’n nga.

Jean 1:1

Kété ɓita kade Nube unde nang nè nga, tà ndi tutu. Tà nè ndi nan’t se Nube kété mari. Tà nè nga kuwe è Nube a tɔ.

Jean 11:40

Jésu tel ede’n ede nè: – Ke nè á unde kêmi dèm’t ɓaa a an tɔgmong le Nube se kumi. Ké kété m’edi bè lé wa?

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 14:9

Jésu tel ile Philippe dè’t ede nè: – Philippe, man ke m’ndi se si nan’t mari bere nè kuwe i ger’m lé ɓai wa? Doo ke an’m ɓaa, an Bɔ’m tɔ. A ɓaa, ké bain taɓai á i tam se’m ede nè: «I tɔje jè Bɔi wa?»

Jean 17:22

Ndubra ke kété ule dèm’t nga, man géa m’tel’n m’ule dè de’t tede kade d’um’n nan’t bɔk titeke jè sei j’um’n nan’t bɔk bè tɔ.

Jean 17:24

Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

Jean 18:37

Pilate tel deje Jésu ede nè: – A ɓaa, ké i ngar wa? Jésu tel ilé dè’t ede nè: – E kuwe i tam non. Man Ngar. Kede dooge ngarankum tà á è gir nyan ke d’oje’m d’ade m’ree’n dè nang nè. Nanan ke è le ngarankum tà ɓaa, à ur mbi’n le koo’n ndu’m.

Jean 2:11

E á è kunn gir nyankɔbe ke desêin ke Jésu ra kêm ɓee ke Cana, ɓeekon ke Galilée. Jésu tɔje tɔgmong le’n ke nata ade njékuwe-girnge umi kêm de dènn’t.

Jean 3:16

Nube tár dooge malang ke dè nang nè, gir’n ke nè á ule’n Ngonn’n ke dagi le kade nanan ke unde kêm’n dènn’t ɓaa à udu lé nè à ndi kumgajer se non.

Jean 3:18

Doo ke unde kêm’n dènn’t ɓaa, dé gangtà dènn’t lé. Nè doo ke unde kêm’n dènn’t lé ɓaa, dé gangtà dènn’t ɓá tede è unde kêm’n dè Ngonn Nube ke dagi’t nga lé.

Jean 6:51

Mapa ndikumgajer ke in danrán nga è man. Doo ke use mapa nè nga ɓaa à ndi kumgajer se non. Mapa ke m’a m’ade le kade dooge ke dè nang nè ndii kumgajer nga, è danra’m man kuwe.

Jean 8:32

Sei a i geri ngarankum tà nga a, ngarankum tà nga ade a i ndii dè si pal a tɔ.

Nyanra Njekawkulege 13:33

è ra nyan’n ade jèi ngannkà dege ɗarinè. E ade Jésu unde loo tee loo yo se go tà ke dé ndang kêm magtub Pa ke njèkon’t joo ede nè: «I i Ngonn’m, ɓila man m’oji.»

Nje Ke Rome 8:3

Gute-ndu le Moise ase ra nyan nè nga lé, tede yai le danra ra gute-ndu Moise ade tɔg’n goto. Nè Nube ra nyan ke gute-ndu ase ra lé nga. E ule Ngonn kêm’n è kuwe ade ree dè nang nè se danra’n ke tò tanan se le njé ra majelége tede kɔr’n de dann majelé’t.

Nje Ke Rome 9:5

Juipge nga ei girkà le dooge le Nube ke ri de ɓar ngain. Krist ke è Nube ke on ɓee dè nyange’t malang nga géa d’oje’n girkà le de dé nè nga tɔ. Maje kade dè Krist mong káng-káng sár se non! Maje kade è titeke bè kuwe.

1 Nje Ke Corinthe 15:47

Adam doo ke desêin nga, è nduju nang á Nube ube. Nè Adam ke njèkon’t joo nga in danrán.

2 Nje Ke Corinthe 12:9

Nè è tel ile’m dè’t ede nè: «Kêm-maje le’m asi nák tede tɔgmong le’m kile ra’n ke nata gir yai’t lei.» M’unde kàde’m ngain dè yai’t le’m tede kade tɔgmong le Krist taa’n ra’m pel-pel.

Nje Ke Galatie 4:4

Nè loo ke dè kurloo ke Nube ɔje ase deĵ ɓá ɓaa, Nube ule Ngonn’n. Ngonn’n nga dinye á oje’n a, ndi gir gute-ndu’t a tɔ.

Nje Ke Ephese 3:8

Man m’ee tà mbà le njétaakem̂-Kristge malang. Nè né è bè géa, Nube uwe se’m noje ade m’ile mber nyanbaw le Krist ke doo asekum ger lé m’ade dooge ke ei Juipge lé.

Nje Ke Colosses 1:19

Nube ndige kum nan’t bɔk-bɔk se Ngonn’n.

Nje Ke Colosses 2:3

Krist nga nyanbawge le kumkunju se le gos nyanger ke se ri de-ri de ɓɔyɔi ra de rann’t sɔk-sɔk.

Nje Ke Colosses 2:9

Nube urkei kem̂ Krist’t a, taa ra’n pel-pel a tɔ.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

Hebreuge 1:3

Ngonn nè nga, è njè kade ndubra le Bɔ’n Nube kile ra’n ke nata a, è kum gute tà Bɔ’n kuwe tcha-tcha a tɔ. Ngonn nè nga gete nyankundege malang se go tà ke tee tànn’t. Loo ke Ngonn nè nga ɔr se-kaiyage tɔl kon’n ɓá ɓaa, è aw ndi dɔ nú dè jikon Nube ke njè dum dè nyange malang.

Hebreuge 1:5

Kerɔte kuwe, Nube nga teen tà’n nja karé bè kuwe ede doo ke danrań ede nè: «I i Ngonn kem̂’m, ɓila man m’ee Bɔi ke m’ojii» bè ndan lé. Taɓai Nube nga teen tà’n nja karé bè kuwe tam’n tà se doo ke danrán ede nè: «M’a tel k’ee bɔ koje’n a, è à tel k’ee Ngonn kem̂’m a tɔ» bè ndan lé.

Hebreuge 10:5

Gir’n ke nè á loo ke Krist ayé ree dè nang nè nga, è ede Nube ede nè: «I ndige nyankuje-mese se nyan kade noje lé, nè i unde danra’m.

Hebreuge 2:11

Jésu togo se-kaiyage le dooge ɔr de unde de se ninn de gai. E a, dooge ke è unde de se ninn de gai a tɔ nga, ei girkà karé. Gir’n ke nè á ra Jésu sɔl’n dè ɓar dooge ngakonnge lé.

Hebreuge 5:5

Krist géa, le’n è titeke bè tɔ. E kuwe in se dè’n naje riɓar ke ɔje dè maw njèkuje nyan-mese lé. Nè è Nube kuwe á ede’n ede nè: «I i Ngonn kem̂’m, unn gir ɓila man m’ee bɔi.»

1 Jean 4:14

Bɔ jéi Nube ule Ngonn’n le kade è njèkaje dooge dè nang nè. Ngonn’n ke ule’n nga, jè j’an’n se kum jé. Gir’n ke nè á j’ɔr’n go tà le’n j’ede’n sei.

1 Jean 4:9

Nube ule Ngonn’n ke dagi dè nang nè tede kade jè ndii kumgajer takul’n. E ke nè á tár ke Nube tár jèi too’n nata ndái-ndái.

2 Jean 1:7

Njé tam tà lanm sú’n dooge kade ndemi bule ngain undei loo teei ɗarinè ɓá ta. Njé lanmge nè nga mbati tami ndàt titeke Jésu-Krist ree dè nang nè se danra’n. Doo ke tam ndàt ede nè Jésu-Krist ree se danra’n dè nang nè lé nga, è njè tà lanm a, è njè kɔse tà se Krist a tɔ.

Lookilera’n 19:13

Kubu ke ule rann’t nga è ke d’ule dann mese’t. Doo nè nga ri’n nè «Tà le Nube.»

Lookilera’n 21:3

M’oo ndu doo ɓar beng se ke dè kutu-ngar’t ede nè: «An! kei kubu le Nube nga è dann dooge’t! Nube à ra ɓee se dooge a, d’a dé kosdooge le’n a tɔ. E Nube kuwe á nain se de a, à è Nube le de kuwe a tɔ.