Jean 1:11 - Nouveau Testament en Gulay 2004

¹¹ E ree ɓéee le njé ke le’n, nè njé ke lé’n uwei nin ke ra de’t lé.

Jean 1:11 ပူးပေါင်းရင်းမြစ်များ

Matthieu 15:24

Jésu tel ile de dè’t ede nè: – Man nga Nube ule’m ɔje dè batege ke kêm ɓeekon ke Israel ke ndemi kuwe karé bere.

Tà ke Maje ke Luc ndang 19:14

Nè njé ke kêm ɓeekon’t le ngonn-ngar nga d’ɔr’n njêt. Dé d’ɔr dooge d’ule de goon’t d’ede nè: «Jè ndige kade è nè on jè lé.»

Jean 1:10

Lookar nè nga ndi dè nang nè kété mari. Nube ra nyange malang ke dè nang nè takul’n, nè né è bè géa dooge ke dè nang nè geri nin lé.

Jean 1:12

Nè dooge malang ke uwei nin ke ra de’t undei kêm de dènn’t ɓaa, ade de tɔgmong le kade teli ei ngann le Nube.

Jean 19:27

Go’t gugu, è ede njèkuwe-gir’n nè nga ede nè: – An koin. Unn gir kêm kàdenn’t nè kuwe, njèkuwe-gir-Jésu nè aw se kon Jésu ɓee rann’t ngonm’n.

Jean 3:32

E ɔrgo tà nyange ke è an se kum’n a, oo se mbi’n a tɔ. Nè doo karé bè géa taa tà le’n ke è ɔrgo nga lé.

Nyanra Njekawkulege 13:26

– Ngakonmge ke girkà’t le Abraham, sei ke sei Juipge lé ke i ɓeli Nube, ooi maje: Tà kaje nè nga Nube ule’n ade jèi malang.

Nyanra Njekawkulege 13:46

Paul se Barnabas ndai kêm de káng edi de ndàt edi nè: – E sei Juipge á né j’ayé kede sei tà le Nube nga desêin. Nè sei utei tà nè nga mbeng a, an-in ra si ke dooge ke asi ndii kumgajer se non lé. Gir’n ke nè á, ɗarinè j’a tel tur kum jé ke ra njé ke ei Juipge lé tá ta.

Nyanra Njekawkulege 21:6

Taɓai loo ke jè ra nan lapya gir gang ɓá ɓaa, j’al kêm bato’t. Dooge ke njé dann jège géa teli awi loo le de, le de.

Nje Ke Rome 15:8

Man m’ede sei ndàt, Krist tel ra’n ke ngonn njèkule le Juipge tede kade kunn ke ndɔ ke Nube unn ndu’n ade kà dege kété nga, aw’n loon’t deĵ.

Nje Ke Rome 9:1

Man m’ede sei ngarankum tà se ri Krist m m’lanm lé. Ndil-Kêmnda géa ade m’ger se kêm’m tite tà ke m’tam nga è ngarankum tà kuwe.

Nje Ke Rome 9:5

Juipge nga ei girkà le dooge le Nube ke ri de ɓar ngain. Krist ke è Nube ke on ɓee dè nyange’t malang nga géa d’oje’n girkà le de dé nè nga tɔ. Maje kade dè Krist mong káng-káng sár se non! Maje kade è titeke bè kuwe.

Nje Ke Galatie 4:4

Nè loo ke dè kurloo ke Nube ɔje ase deĵ ɓá ɓaa, Nube ule Ngonn’n. Ngonn’n nga dinye á oje’n a, ndi gir gute-ndu’t a tɔ.