Jacques 5:7 - Nouveau Testament en Gulay 2004

⁷ Ngakonmge, ilei kem̂ si pon-pon sár ndɔ tel ree le Kuwe-ɓee. An-in! njèndɔr. E ndi ngine njar ko. Unn gir dè ndi hel’t kuwe ile kem̂’n pon ndi ngine njar ko sár ade ndi aw’n ɓéee.

Jacques 5:7 ပူးပေါင်းရင်းမြစ်များ

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 16:28

Kerɔte kuwe, man m’ede sei ndàt, njé ke nange dann dooge ke ndii nè nga à an-in Konɓee le’m man Ngonn doo se kum de pa ɓita à weii ɓai.

Matthieu 24:27

Titeke ndi têl loo tee’t le kàde ndoin sár tee loo kur’t le kàde nga, ndɔ tel ree le’m man ke m’ee Ngonn doo nga géa à è titeke bè to.

Matthieu 24:44

Gir’n ke nè á sei géa, uwei dè nja ra si tede man ke m’ee Ngonn doo nga m’a m’tel ree dè kàde ke sei giri’t nga lé.

Tà ke Maje ke Luc ndang 18:8

Man m’ede sei ndàt, à in kalang le gang rebe tà le de kuwe. Nè loo ke man ke m’ee Ngonn doo m’a m’tel ree nga, ké m’a kinge njé ke undei kêm de dèm’t se dè Nube’t dè nang nè kuwe wa?

Tà ke Maje ke Luc ndang 21:27

D’a d’an’m man Ngonn doo loo tel ree’t le’m dann bum’t se tɔgmong a, se ndubra a tɔ.

Tà ke Maje ke Luc ndang 8:15

Njar ko ke tée toso dè nang ke maje’t nga, ei dooge ke ooi Tà ke Maje se kêmnda káng ɓaa ngonmi dè ɓengre de’t a, ligri dè’t lagr-lagr sár adi kann de tò tutu.

Jean 21:22

Jésu tel ede Simon ede nè: – Ke nè á m’ndige le kade n’ndi bè sár kade m’tel m’ree’n ɓaa, ké usi ri wa? I ɓaa, unn rebe goom’t.

Jean 21:23

Njékuwe-gir-Jésuge turi tà nè ilei gel edi nè: – Njèkuwe-gir-Jésu nè nga, ayé kwei lé. Nè Jésu tam ede nè: «Njèkuwe-girnge nè nga ayé kwei lé» lé. Nè è tam ede nè: « Ke nè á m’ndige kade n’ndi sár le kade m’tel m’ree’n ɓaa, ké usi ri wa?»

Nje Ke Rome 15:4

Nyange malang ke dé ndang tà’n kêm magtub’t kété mari nga, dé ndang de le ndó’n jèi nyan. Magtub ke tò se ninn’n ndó jèi korè tà njak se sɔlkêm ke j’ingei tà’n kêm Magtub’t le Nube tede kade j’undei kêm jéi tchên ke dènn’t.

Nje Ke Rome 2:7

Njé ke sangi le rai nyan ke maje se ndɔ de-ndɔ de tede le kinge’n ndubra le Nube a, riɓar a, se ndikumgajer se non a tɔ nga, Nube à ade à ndii se’n sár se non.

1 Nje Ke Corinthe 1:7

Bè ɓaa, ɗarinè nyan-noje karé bè géa nal sei ke i ndii a i nginei ndɔ tel ree le Kuwe-ɓee le jéi Jésu-Krist nga lé.

Nje Ke Galatie 5:5

Jèi njétaakem̂-Kristge ɓaa, j’undei kem̂ jéi tchên se go Ndil titeke Nube à ɔr tà dè jéi’t takul kundekem̂.

Nje Ke Galatie 6:9

Adi kem̂ jéi tête mann dè ra nyan ke maje’t nga lé. Ke nè á j’adi ji jéi sɔl giré lé ɓaa, ndɔn’t j’à j’ujei kann’n ɓai.

Nje Ke Colosses 1:11

Jè deje Nube kade ule dingem kem̂ si’t se go tɔgmong le ndubra le’n. Titeke bè á sei a koréi tà si njak a, a kilei kem̂ si pon dè nyange malang ke ra sei nga.

1 Nje Ke Thessalonique 1:3

Non Bɔ jéi Nube’t nga, kem̂ jé olé dè kule ke sei rai dè kundekem̂’t le si. Kem̂ jé olé dè ra si ke ulei ndibe dè tár nan’t a tɔ. Non Bɔ jéi Nube’t nga, kem̂ jé olé dè korè tà njak le si dè kundekem̂ tchên dè Kuwe-ɓee le jéi Jésu-Krist nga a tɔ.

1 Nje Ke Thessalonique 2:19

Loo ke ndɔn’t Kuwe-ɓee le jéi Jésu à tel ree ɓaa, nyan kundekem̂ tchên se nyan ranel le jé nga ké è sei lé ɓai wa? Dè jé à in tchakm nonn’t tede kem̂ ndɔn’t nè nga sei a i tooi kasinan se jɔkɔ kunn banga le jé bè.

1 Nje Ke Thessalonique 3:13

Maje kade Kuwe-ɓee Nube ade ɓengre si ɓisir. Titeke bè á ndɔ tel ree le Kuwe-ɓee le jéi Jésu se njé ke ei lennge malang ɓaa a k’eei dooge ke i tooi se ninn si non Bɔ jéi Nube’t. Doo karé à kase kile tà dè si’t ndan lé.

Hebreuge 6:15

Ndɔ ke Abraham ile kem̂’n pon ngine’n titeke bè ɓita Nube ade’n nyan ke ndɔ unn’n ndu’n le kade nga ɓai.

Jacques 4:11

Ngakonmge, i tami tà ke majelé se nan lé. Doo ke tam tà ke majelé se ngokon’n ke njètaakem̂-Krist éké gangtà dènn’t ɓaa, è tam tà ke majelé dè gute-ndu’t a, gangtà dè gute-ndu’t a tɔ. Ke nè á i gangtà dè gute-ndu’t ɓaa, i njèkan dè gute-ndu sêw-sêw lé ta, nè i tel i njègangtà dè gute-ndu’t.

Jacques 5:10

Ngakonmge, an-in! njéribe-dè-tàge ke tà Nube’t ke ndɔ ke ilei mber se ri Kuwe-ɓee nga, nyankem̂kon ra de kuwe, nè ei ilei kem̂ de pon-pon. An-in! de ke nyantɔjege le si bè.

Jacques 5:3

Nar-ɔr se nar-nda le si nga kar uwe de. Kar ke uwe de nga à ile tà dè si’t a, à bɔr ra si mbɔtch-mbɔtch tite por bè. Ngei ndɔge è ngɔr ta, nè sei unni kum si dɔ i kebi nyanbawge le si ke dè nan’t, dè nan’t.

2 Pierre 3:4

à tami kedi nè: «Ndɔ ke Jésu unn ndu’n ede nè n’a n’tel ree. A ɓaa, ké tel ree le’n nga à è ndɔ ke ra’t wa? Tede bɔ jége weii ɓá, nè nyange malang tooi se loo tò de titeke mari desêin loo kunde gir nyange’t nga kuwe ɓai.»