Jacques 5:5 - Nouveau Testament en Gulay 2004

⁵ Sei i ndii deŝ dann ranelge’t dè nang nè. Sei usei a, an-in a, adi kem̂ si ndann gɔj-gɔj a tɔ, i nginei ndɔ gangtà le Kuwe-ɓee. Sei uli ra si eri lɔt-lɔt asinan se dange ke uli ra de nginei ndɔ ke kade dé tɔl’n de bè.

Jacques 5:5 ပူးပေါင်းရင်းမြစ်များ

Tà ke Maje ke Luc ndang 16:19

Kété mari doo karé bè ke è baw ndi tutu. E tule kubuge ke ker perm-perm ke maje rann’t. Doo nè nga use a, an-in a, ra ranel se ndɔge malang a tɔ.

Tà ke Maje ke Luc ndang 16:25

Abraham tel ilé dè’t ede nè: «Ngonn’m, ade kêmi olé dè nyankingege’t lei ke ndɔ ke inge loo ke i ndii’n se dèi dɔ ɓai nga, nè Lazare ɓaa ndi dann nyantosowur’t. Ɗarinè d’ade ndi se kêmlom ta, nè i a i ndi dann nyantosowur’t tɔ ta.

Nje Ke Rome 13:13

Ade jè njiyei danné sêw tite doo ke njiye dann kada bè. Ebi ra si dè k’ee doo nyankuse se doo nyankain. Ebi ra si dè tò se nan ke kaiya’t se dè nyanrage ke pás-pàs a, dè kɔl nan’t se dè ra jang’t a tɔ.

1 Timothee 5:6

Nè njèkei-kinge ke ndi tede ranel le danra nga, né ndi kumgajer ɓai géa, è nain ke doo ke wei ɓá ta.

2 Timothee 3:4

Kem̂ ndɔge ke ngeinn’t nga, dooge à ei njé kunn dè nange a, à ei njé kin kur dè nyange’t bigm ra, à ei njé ndige ranel ke ɔje dè de tá ngain dum ndige Nube.

2 Pierre 2:13

Nyanra ke se dè naje’n lé le de nga, kure’n à ɔde kum de ɓai. Nyanrage ke pás-pàs ke d’ule ra de tutu mbiriri dann kada ndái-ndái nga, d’an ke nyan ranel le de. Dé dooge ke ra de ɔr ɓál a, mine a tɔ, loo ke dé ndii’n se si tà nyankuse tár nan’t. Libe ke dé libe kum si loo nyankuse’t nga, d’an ke nyan ranel.

Jude 1:12

Dé nè nga dé d’asenan se her ke à tuge sei kile sei tà nyankuse’t tár nan’t le si nga. D’on mur se si se go dege non dege anje ɓel d’ul’n ra de dé kuwe. Dé tò d’asenan se ndi ke in ngiring-ngiring ke nel ɔr’n aw se’n ade ede lé bè. Dé d’asenan se kagege ke anni lé a, dé tite kagege ke nel dann-ɔr-made tɔr de se ngire’n bere mbak ade weii njanm-njanm.

Lookilera’n 18:7

Ɓee-bò nè nga ndɔ ke unde kàde’n ngain a, ndi deŝ dann maje’t a tɔ. Titeke ndɔ ke unde kàde’n a, ndi deŝ dann maje’t a tɔ nga, sei géa, i rai se’n nyantosowur adi ndii’n se kubu ndoo. Ɓee-bò nè nga tam kem̂n’t ede nè: N’ndi tite dinye le ngar bè, n’ee dinye ke njèkei-kinge lé a, kumndoo yo à ra’n ndan lé a tɔ.