Jacques 5:20 - Nouveau Testament en Gulay 2004

²⁰ Maje kade i geri titeke njè tel se njè ra majelé kile’n rebe ke maje’t nga, taa ngarankum ra’n tà yo’t a, utu kum majelége le’n bule a tɔ.

Jacques 5:20 ပူးပေါင်းရင်းမြစ်များ

Jean 5:24

Kerɔte kuwe, man m’ede sei ndàt, nanan ke oo tà le’m, unde kêm’n dè è ke njèkulem’t nga ɓaa ndi kumgajer se non nga ɓá ta. Nube à gangtà dènn’t lé. E doo nè nga tee tà yo’t aw loo ndikumgajer se non ɓá ta.

Nje Ke Rome 11:14

M’unn tà kule le’m titeke bè tá bainléa jang à ra’n ngakonmge ke ei Juipge kade maje’n njé ke nange dann de’t.

1 Nje Ke Corinthe 1:21

Loo ke Nube tɔje ra’n dè gos nyanger’t le’n tutu nga, dooge asi geri nin se go nyanger le de ke dè nang nè lé. Gir’n ke nè á Nube ɔje njáng le kaje dooge ke undei kêm de dè Tà ke Maje’t ke j’ile mber’n. Tà ke Maje ke j’ile mber’n nga, njégos nyangerge ke ndii à tuji ooi ke tà mbe.

1 Nje Ke Corinthe 9:22

Ke nè á m’ee se njè ke kundekêm le de ɓeɓer lé ɓaa, m’tel ra’m ke doo ke kundekêm le’n ɓeɓer lé. M’ra titeke bè tede le kinge’n njé ke kundekêm le de ɓeɓer lé kade Krist. M’tel ra’m ke gàr dooge malang dè nyange’t malang tede le kaje’n njé ke nange kade Krist.

1 Timothee 4:16

An go rai sêw-sêw a, unde kumkunju dè rai’t ɔje dè nyan ke i ndi a i ndó dooge. Ke nè á i nda njáng dè nyange’t nè ɓaa, i kuwe a aje’n rai a, a aje’n njé ke i ndi a i ndó de nyan nga a tɔ.

Philemon 1:19

Man Paul kuwe m’ndang magtub nè se jii’m m’unn’n ndu’m madi titeke m’a m’ugei kure ke tò dènn’t. M’a m’aw ndoo kedi titeke kure le’m tò dèi i’t kuwe tɔ lé ta.

Jacques 1:15

Ke nè á j’inyei loo j’adi ngur nyange nè ɓaa, à ndann ngonn le koje kaiya. Loo ke kaiya nè ra tɔge ɓá ɓaa à in ke kété koje yo tɔ.

Jacques 1:21

Gir’n ke nè á ɔri ra si kɔke dann nyan ke mine’t bere mbak se gute nyange ke rang ke majelé. I taai Tà ke Maje ke Nube dubu ɓengre si’t se ngonn koje. Tà nè nga ase kaje ngarankum ra si.

Jacques 5:15

Ke nè á ngatɔgege ɔji tà se Nube kerɔte ɓaa, Nube à unn njèratur nè kur’n dɔ. Ke nè á njèratur nè ra majelé ɓaa, Kuwe-ɓee à ade kem̂’n à tin mbit dènn’t.

Jacques 5:19

Ngakonmge, ke nè á doo karé dann si’t ndem rebe ngarankum tà, doo karé ase tel ree se’n tu rebe ke maje’t.

1 Pierre 4:8

I tári nan se kem̂nda káng. E ke nè á i rai kété gar-gar. Oiyo, tár nan nga utu dè kaiyage bule ngain.

Lookilera’n 20:6

Njé ke tooi se ninn de ke undei loo teei desêin dann njé ke koo’t nga, ra de à nel de. Yo ke joo à on ɓee dè de’t ndan lé ta. D’a dé njékuje nyan-mesege le Nube a, se le Krist a tɔ. D’a d’on ɓee se Krist nan’t loge aru dɔg.