Jacques 5:19 - Nouveau Testament en Gulay 2004

¹⁹ Ngakonmge, ke nè á doo karé dann si’t ndem rebe ngarankum tà, doo karé ase tel ree se’n tu rebe ke maje’t.

Jacques 5:19 ပူးပေါင်းရင်းမြစ်များ

Matthieu 18:15

Ke nè á ngokoin ra majelé ɓaa aw inge’n se kar’n, i tɔje’n majelé le’n ke ra ade kum’n gang dè’t. Loo ke è oo tà lei ɓaa, i inge ngokoin ɓá.

Tà ke Maje ke Luc ndang 22:32

Nè man m’ɔje tà se Nube le kade kundekêm tchên lei tel wei soin lé. I nga, loo ke a kɔse wan tel ke ram’t ɓaa, ule dingem kêm ngakoinge’t.

Nje Ke Galatie 6:1

Ngakonmge, ke nè á uwei doo karé dè ra nyan ke se go rebenn’t lé ɓaa, sei ke i njiyei se go Ndil-Kem̂nda ɓai nga, i gɔli nin ilei nin rebe ke danné se ndu noje. Sei géa, kem̂ si dè ra si’t nè bainléa a teli rai majelé se’n tɔ.

1 Timothee 6:10

Mwei-yo-nar è ngire nyange ke majelé malang. Njé ke nange ke an-in ngɔde go nar’t nga ndemi osoi kɔke heb dè kundekem̂’t le de, uwei nyantosowurge gai-gai ɓuki dè de ei’t kuwe adi wur de ndir’n njàk-njàk.

1 Timothee 6:21

Njé ke nange ke ndigi le teli njé nyangerge ke lanm nè nga ɔsi kundekem̂ le de pat nali. Maje kade kem̂noje le Nube nain se si.

2 Timothee 2:18

Dé nè nga d’ute ngarankum tà mbeng dé tam d’ede nè: «Kunde loo tee dann njé ke koo’t le jéi der ɓá ta.» Titeke bè á dé ndonm’n kundekem̂ dè Nube’t le njé ke nange nang ndalang-ndalang.

Hebreuge 5:2

Maw njèkuje nyan-mese nga géa, è njè ra majelé tite dooge nga tɔ. Gir’n ke nè á è ase kile’n kem̂’n pon dè njé ke geri nyan lé a, dè njé ke ndemi’t a tɔ.

Jacques 1:16

Sei kotárge le’m, adi kum si sú sei dè tà’t nè nga lé.

Jacques 1:19

Ooi tà nè maje, kotárge le’m. Maje kade nanan géa in kalang ur mbi’n oo’n tà. Nè maje kade in kalang tam tà éké ade wong in se’n kalang lé a tɔ.

Jacques 3:14

Ke nè á ra jang éké nin se naje nan tà rusu ɓengre si njin-njin ɓaa, i ti ra si dè kumkunju’t le si i tami tà lanm utei ngarankum tà nga mbeng lé.

Jacques 5:20

Maje kade i geri titeke njè tel se njè ra majelé kile’n rebe ke maje’t nga, taa ngarankum ra’n tà yo’t a, utu kum majelége le’n bule a tɔ.

2 Pierre 3:17

Sei geri tà nè kété ɓá. Bè ɓaa, kotárge le’m, undei kumkunju dè ra si’t nè bainléa njékaltàge à ndonmi sei nang ndalang dè nda njáng’t le si se sútàge le de nga.

Jude 1:11

Dé dooge nè nga, d’a d’an ɓai! tede d’unn rebe le Cain. Kum de sú de ade dé tam tà lanm le taa’n nar titeke ndɔ ke kété Balaam ra’n bè. D’ile rɔ d’ade Nube titeke ndɔ ke Koré ra’n bè tɔ. Kerɔte kuwe, d’ade tuju titeke ndɔ ke Koré tuju’n nga bè tɔ.