Jacques 5:16 - Nouveau Testament en Gulay 2004

¹⁶ Ɔri gir majelé le si adi nan. Ɔji tà se Nube tede nan le kade ratur ɔr’n dè si’t. Doo ke Nube ɔr tà dènn’t nga, nyan ke è deje’n se kundekem̂ ke nunge tchanm nga, è ase ra nyan ke bòi ngain.

Jacques 5:16 ပူးပေါင်းရင်းမြစ်များ

Matthieu 21:22

Nyan ke rara ke sei deji Nube se kundekêm ɓaa, a ingei nyan nè nga kuwe.

Matthieu 3:6

Dooge nè nga malang reei ra Jean’t ɔri gir kaiyage le de ke nata adi nin ade ule’n de manné njonm dann ba ke Jourdain.

Marc 1:5

Dooge ke ɓeekon ke Judée bere mbak se njé ke kêm ɓee-bò ke Jérusalem malang awi rann’t ɔri gir kaiyage le de ke nata adi ule’n de manné njonm dann ba ke Jourdain loo ke ɔri gir kaiyage le de ke nata.

Tà ke Maje ke Luc ndang 9:6

Titeke bè á, njékuwe-gir-Jésuge awi se kêm ɓee-ɓee ilei mber Tà ke Maje a, ɔri ratur ra dooge’t se loo malang a tɔ.

Jean 9:31

Jè geri titeke Nube ur mbi’n oo’n tà le njé ra majelége lé. Taɓai è ile de dè tà ke d’ɔje senn’t nga lé a tɔ. Nè ke nè á doo karé ile koje dè Nube’t a, ra nyan ke kêm’n ndige ɓaa, Nube ur mbi’n oo’n tà le doo nè nga kerɔte.

Nyanra Njekawkulege 10:38

Jésu ke Nazareth ke Nube ule’n nga, Nube ade’n tɔgmong le Ndil-Kêmnda. Jésu aw se loo-loo ra maje se dooge malang a, aje njé ke sú uwe de a tɔ, tede Nube è der gir’n.

Nyanra Njekawkulege 19:18

Dooge ngain dann njétaakêm-Kristge reei ɔri gir nyanra dege ke majelé ke nata.

Nyanra Njekawkulege 8:24

Simon tel ede Pierre se Jean ede nè: – Sei kuwe i deji Kuwe-ɓee tede tà le’m, le kade nyan ke sei tami tà’n nga tee dèm’t lé.

Nje Ke Rome 3:10

Magtub le Nube tam ede nè: «Doo ke njè ra nyan se dè naje’n goto, doo karé ke luk-luk bè géa goto.

Nje Ke Rome 5:19

Kaltà le doo karé bere á ndɔ ke kosdooge ei njé ra majelége. Takul kile koje le doo karé bere á tà à ɔr’n dè kosdooge’t tɔ.

Nje Ke Colosses 1:9

Gir’n ke nè á jè géa, unn gir kem̂ ndɔn’t ke tà’n oso’n mbi jé’t nga, ndɔ karé bè géa j’ebe ra jé kɔje tà se Nube tede le si lé. Jè deje’n le kade ade kum si gang dè nyan ke kem̂’n ndige’t a, taɓai jè deje’n le kade Ndil-Kem̂nda ade sei kumkunju se gos ter nyan ke deri taa ra si pel-pel.

1 Nje Ke Thessalonique 5:17

Ebi’t kɔje tà se Nube lé.

1 Nje Ke Thessalonique 5:23

Maje kade Nube ke kem̂lom in ra’n è’t kuwe tel sei ke dooge le’n ke i tooi se ninn si gai. Maje kade Nube ngonm ra si bere mbak, ngonm ndil si se nganrankum ra si a, ngonm danra ra si a tɔ, le kade tà karé géa uwe dè si ndɔ tel ree’t le Kuwe-ɓee le jéi Jésu-Krist nga lé.

1 Nje Ke Thessalonique 5:25

Ngakon jége, ɔji tà se Nube tede le jé tɔ.

Hebreuge 11:4

Takul kundekem̂ á Abel ree’n se nyankuje-mese ke maje dum le Cain ade Nube. Takul kundekem̂ á Nube ɔr’n tà dè Abel’t a, tam’n tà ke maje ɔje dè nyankuje-mesege ke è ree’n a tɔ. Abel nga wei mari kuwe, nè takul kundekem̂ le’n á ɓila ndi à ɔdenan tam’n tà ɓai.

Hebreuge 11:7

Nyange ke ndɔn’t ayé teei ɓai nga, ndɔ ke Nube ribe dè de ede Noé kété ade oo takul kundekem̂. Noé ile koje dè tà ke Nube ede’n, è in ra bato ade njé ke kem̂ kei le’n awi kem̂é ajii. Ra ke Noé ra titeke bè nga è ile’n tà dè dooge ke dè nang nè. Taɓai, takul kundekem̂ á ndɔ ke Nube ɔr’n tà dè Noé’t ade tel ee’n njè ra nyan se dè naje’n.

Hebreuge 12:13

I rai rebege ke ndai danné sêw i njiyei tutu, tede kade njèmete tel njiye maje tá m kade ɔse rebe pat nal lé.

Hebreuge 13:18

Ɔji tà se Nube ngain tede le jé. Kerɔte kuwe, jè ger mbak titeke tàgir le jé ke kem̂ jé’t nga unju nyang-nyang. Taɓai jè ndige kade pa njiye jé maje se ndɔge-ndɔge.

1 Pierre 2:24

Krist nga oto majelége le jéi dènn’t aw’n weii’n kade kage-ke-dese’t tede kade j’ebi ra jéi dè ra majelége’t le jéi le teli ndii kumgajer ɔje dè nyanra ke se dè naje’n. Takul dòge ke è inge rann’t á j’aji.

1 Jean 3:22

Nyange malang ke jè kɔi Nube nga, j’à j’ingei tede kan ke j’an-in dè ndukunnge le’n sêw-sêw a, jè rai nyan ke taa kum’n a tɔ.