Jacques 5:10 - Nouveau Testament en Gulay 2004

¹⁰ Ngakonmge, an-in! njéribe-dè-tàge ke tà Nube’t ke ndɔ ke ilei mber se ri Kuwe-ɓee nga, nyankem̂kon ra de kuwe, nè ei ilei kem̂ de pon-pon. An-in! de ke nyantɔjege le si bè.

Jacques 5:10 ပူးပေါင်းရင်းမြစ်များ

Tà ke Maje ke Luc ndang 13:34

Sei dooge ke i ndii kêm ɓee-bò ke Jérusalem, sei njé tile njéribe-dè-tàge ke Nube ule de ra si’t se kuberi her tɔl de. Dɔ-dɔ m’ndige le kɔse nja si nan’t titeke kon kunje kebe’n ngannenge gir bagenn’t bè. Nè sei ndigi kinyei man kade m’ra titeke bè lé.

Tà ke Maje ke Luc ndang 6:23

I rai ranel kêm ndɔn’t nè nga, ali ra si se kêmnda káng a tɔ, tede nyan-kunde nja si ke bò tò ngine sei danrán. Kà de dé njékɔr sei njêtge nè géa, kété dé ra nyange nè titeke bè se njéribe-dè-tàge ke tà Nube’t tɔ.

Nyanra Njekawkulege 3:21

Jésu-Krist nè nga, gar-gar à ra ɓee danrán sár kade kurloo gɔl nyange malang loon’t gugu ase’n deĵ. Kurloo gɔl nyange loon’t gugu nga, Nube ade njéribe-dè-tàge le’n ke tooi se ninn de edi sei tà’n kété mari ɓá.

Nyanra Njekawkulege 7:52

Ké njèribe-dè-tà ke ra dann madennge’t á kà sige nali rai kum’n ndoo wa? Ei tɔli njé ke kété ilei mber ree le njè ra nyan se dè naje’n ke karé luk-luk. E nga ɗarinè sei teli sei njé kunn dènnge se njé tɔlnge.

Hebreuge 13:7

Adi kem̂ si olé dè njékɔr non sige ke ndɔ ke ilei mber tà le Nube adi sei nga. Adi kem̂ si olé dè ndi kumgajer le de dè nang nè a, se dè kwei’t le de a tɔ. An-in kundekem̂ le de ke nyan-tɔje le si tɔ.

Jacques 4:11

Ngakonmge, i tami tà ke majelé se nan lé. Doo ke tam tà ke majelé se ngokon’n ke njètaakem̂-Krist éké gangtà dènn’t ɓaa, è tam tà ke majelé dè gute-ndu’t a, gangtà dè gute-ndu’t a tɔ. Ke nè á i gangtà dè gute-ndu’t ɓaa, i njèkan dè gute-ndu sêw-sêw lé ta, nè i tel i njègangtà dè gute-ndu’t.

Jacques 5:13

Ké nan dann si’t á ndi dann nyankem̂kon’t wa? Ke nè á doo karé dann si’t ndi dann nyankem̂kon’t ɓaa, maje kade ɔje tà se Nube kum’n ke kété-kété. Ké nan dann si’t ndi se kem̂nda káng wa? Ke nè á doo karé ndi se kem̂nda káng ɓaa, maje kade ɔse page ɗɔi’n Nube.

Jacques 5:7

Ngakonmge, ilei kem̂ si pon-pon sár ndɔ tel ree le Kuwe-ɓee. An-in! njèndɔr. E ndi ngine njar ko. Unn gir dè ndi hel’t kuwe ile kem̂’n pon ndi ngine njar ko sár ade ndi aw’n ɓéee.

Jacques 5:9

Ngakonmge, ke nè á i ndigi kade Nube gangtà dè si’t lé ɓaa ebi ra si kim nan. An-in! njègangtà nga in nda dɔ tàbit kei’t ɓá ta.