Ulei dè si i taai jug le’m, ulei ra si bàj dann nyan-ndóge’t le’m tede man nga m’ee doo ke m’aw lom-lom anje ti ra’m. Titeke bè á nganrankum ra si à kinge’n loo taa kebe.
Rebe ke Nube ɔr’n tà dè dooge’t nga dé ger lé. Nè dé sang le kade Nube ɔr tà dè de’t se go rebe le de ke kinge de. Gir’n ke nè á dé mbate’n rebe ke Nube ɔr’n tà dè dooge’t nga.
Dé ndang kêm Magtub ke tò se ninn’n d’ede nè: «Man Kuwe-ɓee ke njèndi kumgajer m’tam ndàt: Girkoje dooge karé-karé malang à ɔsi keje de nang nonm’t a, tà dooge karé-karé malang à ile riɓar dè Nube’t a tɔ.»
Gir’n ke nè á, otoi nyankatege le Nube uwei ji si’t tede kade ndɔ ke majelé unde loo tee ɓaa utei nin mbeng. Loo ke sei dumi dè ndɔ nè nga ɓá ɓaa, i ndaii dè nja si’t garang-garang.
Bɔ jéige ke d’oje jèi nga, loo ke d’ɔje jèi kumkunju tede kade jè ndii maje ɓaa, j’ulei dè jéi j’adi de. Bɔ jéi Nube ke njè kade jèi ndikumgajer nga, ké j’à kulei dè jéi kadi nin dum bɔ jéige ke oji danra jéi nga ɓai lé wa?