Jacques 4:12 - Nouveau Testament en Gulay 2004

¹² Nube kuwe karé á njèkunde gir gute-ndu a, è njègangtà a tɔ. E nga asekum kaje doo éké asekum tuju doo a tɔ. Nè i ke njègangtà dè doo ndul madi’t nga, ké i nan wa?

Jacques 4:12 ပူးပေါင်းရင်းမြစ်များ

Matthieu 10:28

Njé ke à tɔli danra si nè asikum tɔl nganrankum ra si lé nga, i ɓeli de lé. Nè è soo’t kade i ɓeli ndil Nube ke asekum kade dé tɔl danra si se nganrankum ra si nan’t bere mbak kum de dann loo ke tur’t.

Tà ke Maje ke Luc ndang 12:5

M’a m’ede sei è ke kade i ɓelii gar-gar. I ɓeli Nube ke aw se tɔgmong le kɔr kebe le si a, le gangtà dè si’t a, kile sei dann por’t a tɔ.

Nje Ke Rome 14:13

Gir’n ke nè á adi j’ebi ra jéi gangtà dè nan’t. Nè maje kade jè giri le tel kile kage non ngakon jéige’t le kade jè gendere de kade awi tebel-tebel éké osoi dann majelé’t lé.

Nje Ke Rome 14:4

Ké i nga i nan á in se dèi i gangtà dè ngonn njèndi’t le madi ke rang wa? Ke nè á è nda dɔ éké oso géa è tà le kuwe’n. Nè è à nda dɔ tede Kuwe-ɓee aw se tɔgmong le kade in nda’n dɔ njáng.

Nje Ke Rome 2:1

I nanan ke i ndi a i gangtà dè dooge ke rang’t nga, i géa ile tà dè rai’t tɔ. Tede nyan ke rai á i gang’n tà dè de’t nè nga, i géa i njè ra nyan nè nga tɔ.

Nje Ke Rome 9:20

Hai! doo, ké i nga i nan á i naje Nube tà’t wa? Jó hanje à deje njèkube’n kede nè: «Ké bain á ube’m bè wa?» lé.

Hebreuge 7:25

Gir’n ke nè á njé ke reei ra Nube’t se takul Jésu ɓaa, è ase kaje de nja karé bere ke ngang’n. Jésu nga ndi kumgajer sár se non. E ɔje tà se Nube dɔ-dɔ tede le de.

Jacques 5:9

Ngakonmge, ke nè á i ndigi kade Nube gangtà dè si’t lé ɓaa ebi ra si kim nan. An-in! njègangtà nga in nda dɔ tàbit kei’t ɓá ta.