Jacques 4:11 - Nouveau Testament en Gulay 2004

¹¹ Ngakonmge, i tami tà ke majelé se nan lé. Doo ke tam tà ke majelé se ngokon’n ke njètaakem̂-Krist éké gangtà dènn’t ɓaa, è tam tà ke majelé dè gute-ndu’t a, gangtà dè gute-ndu’t a tɔ. Ke nè á i gangtà dè gute-ndu’t ɓaa, i njèkan dè gute-ndu sêw-sêw lé ta, nè i tel i njègangtà dè gute-ndu’t.

Jacques 4:11 ပူးပေါင်းရင်းမြစ်များ

Tà ke Maje ke Luc ndang 6:37

Ilei tà dè dooge’t lé ɓaa, Nube à ile tà dè si’t lé tɔ. Uwei dooge se tà lé ɓaa, Nube géa à uwe sei se tà lé tɔ. Adi kêm si tin mbit dè majelége’t le dooge ɓaa, Nube géa à ade kêm’n à tin mbit dè majelége’t le si tɔ.

Nje Ke Rome 2:1

I nanan ke i ndi a i gangtà dè dooge ke rang’t nga, i géa ile tà dè rai’t tɔ. Tede nyan ke rai á i gang’n tà dè de’t nè nga, i géa i njè ra nyan nè nga tɔ.

Nje Ke Rome 2:13

Dooge ke Nube ɔr tà dè de’t nga, ei njé ke dé tute gute-ndu d’ade ooi se mbi de karè lé. Nè Nube ɔr tà dè dooge ke rai nyange ke gute-ndu ɔje.

Nje Ke Rome 7:7

Ké j’à tami kedi nè ri wa? Bainléa a i geri titeke m’tam m’ede nè gute-ndu se kaiya ei nyan ke karé kuwe mbak. Ḿ-m̀ è bè lé! Kum’m gang dè majelé’t takul gute-ndu kuwe karé bere. Gute-ndu tam ede nè: «I a ra kêmkein dè nyan’t le doo lé.» Ke nè á ndɔ ke gute-ndu tam tà nè nga bè lé ɓaa, m’ayé ger titeke kêmkein è nyan ke majelé lé.

1 Nje Ke Corinthe 4:5

Gir’n ke nè á maje kade i gangi tà dè doo’t se ndáng karè kété anje ndɔ tel ree’t le Kuwe-ɓee lé. I nginei sár adi Kuwe-ɓee kuwe tel ree pa ɓita. E è á à ade loo ar dè nyange ke tooi loo ɓoyɔn’t ɗarinè dann tilkus’t nga. Nyange ke dooge ɔji dè ɓengre de’t le rai se go ngein ɓai nga, Kuwe-ɓee à ribe dè ke nata tàkum kosge’t malang. Ndɔ’n nè nga, nanan géa Nube à pite’n ɔje dè nyan ra’n-ra’n.

2 Nje Ke Corinthe 12:20

M’ɓel kêm’t tede bainléa loo ke m’a m’aw ra si’t nga, m’a m’inge sei dè nyanra ke kêm’m ndige lé’t. Sei géa, bainléa a ingei man dè nyange ke kêm si ndige’t lé nga a tɔ. Man ɓel kêm’t m’ede nè bainléa m’a kaw kinge sei dè kɔl nan’t, dè ra jang’t, dè ra wong’t, dè kaw se nan se tà, dè tam tede nan, dè ti ra’t, dè tà kede yer éké dè sule nan dè tà’t a tɔ.

Nje Ke Ephese 4:31

Maje kade kumkil kororo se ndáng ra se wong se kɔl nan beng-beng se taje ndu se kem̂yêr ke rara bere mbak nga, i sanrin de dann si’t kɔke.

1 Timothee 3:11

Neen dege géa, gar-gar à ei dinyege ke ri de ɓar maje, à ei njé tam tede dooge lé, à ei njé kain yibe kade ule mbe dè de’t lé a tɔ. Gar-gar à ei ke maje-kojege ɔje dè nyange malang.

2 Timothee 3:3

Kem̂ ndɔge ke ngeinn’t nga, dooge à ei njé wurkatege a, à ei njé ra nyange kum de ke kété-kété a, à ei njé tam tede made dege a, à ei njé ra nyange ke se go rebe’n lé a, à ei tite dan-tonge bè a, à ei njébange le dooge ke njé ra majege a tɔ.

Tite 2:3

Kon-dinyege géa, maje kade nyanra de uwe made nan se nyanra dinyege ke tooi se ninn de gai. Maje kade ei njé tam tede dooge lé a, njé kinye ra de nyein dann yibe’t lé a tɔ. Nè maje kade ei njé ndó made dege rebe nyan ke maje.

Jacques 1:16

Sei kotárge le’m, adi kum si sú sei dè tà’t nè nga lé.

Jacques 1:19

Ooi tà nè maje, kotárge le’m. Maje kade nanan géa in kalang ur mbi’n oo’n tà. Nè maje kade in kalang tam tà éké ade wong in se’n kalang lé a tɔ.

Jacques 1:25

Nè doo ke ter gute-ndu ke maje ɔr njêt ke njè kade jè ndii dè jéi pal nga, nda dè’t njáng ra nyan’n, oo ade kem̂’n wei nal sêl dè’t lé ɓaa, doo nè nga ra’n à nel’n dè kule rann’t kuwe.

Jacques 2:8

Kerɔte kuwe, gute-ndu ngar ke dé ndang kem̂ Magtub’t d’ede nè: «I tár doo ndul madi titeke i tár’n danrai i kuwe bè» nga, ke nè á i rai ɔri son’n njêt ɓaa, sei rai maje.

Jacques 5:10

Ngakonmge, an-in! njéribe-dè-tàge ke tà Nube’t ke ndɔ ke ilei mber se ri Kuwe-ɓee nga, nyankem̂kon ra de kuwe, nè ei ilei kem̂ de pon-pon. An-in! de ke nyantɔjege le si bè.

Jacques 5:7

Ngakonmge, ilei kem̂ si pon-pon sár ndɔ tel ree le Kuwe-ɓee. An-in! njèndɔr. E ndi ngine njar ko. Unn gir dè ndi hel’t kuwe ile kem̂’n pon ndi ngine njar ko sár ade ndi aw’n ɓéee.

Jacques 5:9

Ngakonmge, ke nè á i ndigi kade Nube gangtà dè si’t lé ɓaa ebi ra si kim nan. An-in! njègangtà nga in nda dɔ tàbit kei’t ɓá ta.

1 Pierre 2:1

Bè ɓaa, inyei go kem̂yêr se nyanra ke se go ngein, se kede gos, se kem̂kein a, se tam tede nan a tɔ. Inyei go nyange nè bere mbak kɔke.