Jacques 4:1 - Nouveau Testament en Gulay 2004

¹ Kɔl nan se tin nan le si nga, ké i geri loo ke in-in tutu wa? Kɔl nan se tin nan le si nga in-in ra ngur nyange’t le danra si sei’t á ndii à rɔi se si.

Jacques 4:1 ပူးပေါင်းရင်းမြစ်များ

Matthieu 15:19

Tàgirge ke majelé, tɔl doo, sang dinye le doo, tò se nan ke kaiya’t, mêndé nyan, tête tà kunde tà doo’t, taje ndu a tɔ nga, in-in dè ɓengre doo’t.

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

Nje Ke Rome 7:23

Nè m’an titeke gute-ndu karé ke rang ndi ra kule ram’t. Gute-ndu nè nga ndi à rɔ se gute-ndu ke ɓengre’m ke kei um nan’t se’n. Gute-ndu karé ke rang ke ndi à rɔ se’m nga on ɓee dèm’t ade m’ee ɓer le majelé ke ndi kêm’t nga.

Nje Ke Rome 7:5

Loo ke ndɔ ke jè nain-in gir danra’t ɓai nga, ngur ra nyange ke majelé ke gute-ndu le Moise ɔge jèi dè’t taa ra jéi pel-pel. Ngur nyanrage nè nga aw se jéi ile jèi tà yo’t.

Nje Ke Rome 8:7

Tàgir le danra è njèban le Nube tede ase kile koje dè gute-ndu Nube’t lé. Kerɔte kuwe, dooge ke njiyei se go tàgir le danra nga asi kilei koje dè gute-ndu Nube’t lé.

Nje Ke Galatie 5:17

Tede ngur nyange ke majelé le danra ute ngur nyange le Ndil-Kem̂nda mbeng a, ngur nyange le Ndil-Kem̂nda ute ngur nyange ke majelé le danra mbeng a tɔ. Gir’n ke nè á sei asikum rai nyange ke kem̂ si ndige nga se ndɔ’n-ndɔ’n lé.

Nje Ke Colosses 3:5

Gir’n ke nè á inyei go tò se nan ke kaiya’t se nyan ke mine, se kem̂kein se ngur nyan ke majelé se nede nyan ke è mage polé nga, adi wei ra si’t mbɔrɔk-mbɔrɔk. Nyange malang nè nga ei le nang nè.

2 Timothee 2:23

Tà naje neng-neng ke raikarè nga, ute de mbeng kɔke. I ger mbak titeke tà najege nè nga à oji rɔ nan.

Tite 3:3

Jè géa, kété jè njé kem̂ tɔ kuju tà lége, njé dum nange tà Nube’t a, njé ndemge a tɔ. Jè nga kété jè ɓerge le ngur nyange ke gai-gai a, jè njé ra majelége se njé kem̂keinge a, jè njé kɔr nan njêtge a tɔ.

Tite 3:9

Nè tà najege ke raikarè se tute girkàge se tà tin nan, se tà najege ke ɔje dè gute-ndu nga, maje kade ute de mbeng. Tede ei nyange ke rai karè ke asikum rai se doo lé.

Jacques 1:14

Nè nanan géa è ngur nyange le’n ke dè ɓengrenn’t kuwe á leŝe’n aw se’n dann nyan nange’t.

Jacques 4:3

I kɔi nyan ɓaa ingei lé tede sei kɔi le kawi tuji kɔke dè ngur nyange ke majelé ke ra si’t nga karè.

1 Pierre 1:14

Ilei koje dè Nube’t. Inyei go nyanrage ke majelé ke kété i rai loo ke ndɔ ke i geri Krist lé ɓai nga kɔke ta.

1 Pierre 2:11

Kotárge le’m, sei tooi asinan se njé nanmge a, se mbage ke ndii dè nang nè. M’ndeje sei kade ɔgi ra si dè ngur nyange le danra ke ndi à rɔ se ngarankum ra si.

2 Pierre 2:18

Njé tête tà kunde tà Nube’t nè nga leŝi dooge ke nange ilei de dann ngur nyange ke pás-pàs se tàge ke raikarè ke oji nan tà de’t pɔt-pɔt. Njé ke dé leŝe de d’ile de dann ngur nyange ke pás-pàs nè nga, ei dooge ke ɔri ra de dann njé ndemge’t ngɔr nè ɓai.

2 Pierre 3:3

Gar-gar, maje kade i geri nyange nè kété ɓita kade ndɔ’n ree ɓai. Njé sɔke looge à undei loo teei le ringei se tà sɔke loo titeke kem̂ de ɔje,