Jacques 3:9 - Nouveau Testament en Gulay 2004

⁹ Ndon jéi á jè ɗɔyi Kuwe-ɓee a, Bɔ jéi a tɔ. Ndon jéi ke karé nè kuwe á j’ubi se dooge ke Nube ra de adi taai nan se’n tcha-tcha a tɔ.

Jacques 3:9 ပူးပေါင်းရင်းမြစ်များ

Matthieu 26:74

E á Pierre unn gir mann ra’n dap-dap ede nè: – Naje, doo le si non nga m’ger’n lé njing. Ke loon’t nè kuwe kuren kunje non kɔkerɔ kon.

Matthieu 5:44

Nè man m’ede sei ndàt, i tári njébange le si a, ɔji tà se Nube tede njé ke ɔri sei kororoi a tɔ.

Nyanra Njekawkulege 2:26

Gir’n ke nè á ɓengre’m ndii’n dann ranel’t a, ndon’m géa ɔse’n pa ranel. Taɓai danra’m à taa kebe se kundekêm tchên a tɔ.

Nje Ke Rome 3:14

Kubu-yo se wurkate rusi kêm de njin-njin.

1 Nje Ke Corinthe 11:7

Dingem à ɓir dè’n éké à kule nyan dènn’t tá kɔje’n tà se Nube lé gar-gar, tede è kum gute tà Nube a, è riɓar le Nube a tɔ. Nè dinye ɓaa, è riɓar le dingem.

Nje Ke Ephese 1:3

Nube Bɔ Kuwe-ɓee le jéi Jésu-Krist nga, maje kade dè’n mong káng-káng. E tɔr ndu’n dè jéi’t takul kum nan’t bɔk le jéi se Jésu-Krist a, è ade jéi nyan-majege gai-gai malang ke ɔje dè Ndil kem̂ danran’t.

Jacques 1:27

Tɔse kum dè ngann halge’t se njékei-kingege dè nyantosowurge’t le de a, kan go ra sêw-sêw dè nyange ke mine ke dè nang nè a tɔ, è ngarankum ger Nube ke taa kum Bɔ jéi Nube.

Jacques 3:10

Tà doo ke karé bere nè kuwe tee se ndutɔr a, tee se ndu mann a tɔ. Ngakonmge, i rai titeke bè lé gar-gar.

1 Pierre 1:3

Bɔ Kuwe-ɓee le jéi Jésu-Krist nga, maje kade dè’n mong káng-káng. E tel oje jèi kige se go kem̂kanm le’n ke al dè loo takul kunde ke è ade Jésu unde loo tee dann njé ke koo’t. Gir’n ke nè á j’undei kem̂ jéi tchên dè ndikumgajer’t.