Jacques 3:17 - Nouveau Testament en Gulay 2004

¹⁷ Nè kumkunju ke in danrán nga à ade doo unju nyang-nyang a, à ade doo à ee’n njèkem̂lom a, njè kaw lom-lom a tɔ. Kumkunju ke in danrán nga à ade doo à è njè kile koje a, kem̂kanm à taa ra’n pel-pel a, à è njè ra nyan ke maje a, à è njè kum tà go doo karé’t lé a, à è njèkede gos lé a tɔ.

Jacques 3:17 ပူးပေါင်းရင်းမြစ်များ

Matthieu 23:28

Sei géa, è titeke bè tɔ. Sei rai ra si ke njé ra nyan se dè najennge tàkum dooge’t, nè kede gos se nyan ra bann-bann rusu kêm si njin-njin.

Matthieu 5:8

Njé ke nganrankêm de unju nyang-nyang nga, ra de à nel de tede d’a d’an Nube se kum de ndan-ndan!

Matthieu 5:9

Njé ke d’ade made dege ingei kêmlom nga, ra de à nel de tede è dé kuwe á d’a ɓar de ngann Nubege!

Tà ke Maje ke Luc ndang 21:15

Tede tà kumkunju ke m’a m’ule tà si’t nga, doo karé bè géa dann njébange’t le si asekum naje sei tà’t éké kile sei dè tà’t ndan lé.

Tà ke Maje ke Luc ndang 6:36

I rai kêmkanm titeke bɔ jéi ra’n kêmkanm se dooge bè tɔ.

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 1:47

Loo ke Jésu an Nathanael à ree ke rann’t ɓaa, è tam tà ɔje’n dè’n ede nè: – An! ngonnkà Israel ke è ngarankum doo nga. E njè sú kum loo lé.

Nyanra Njekawkulege 11:24

Barnabas è doo ke maje. Ndil-Kêmnda se kundekêm taai kêm’n pel-pel. Gir’n ke nè á, kosdooge ngain teli nanmi kade Kuwe-ɓee’t.

Nyanra Njekawkulege 9:36

Dinye karé ke njètaakêm-Krist ndi kêm ɓee ke Joppé. Dinye nè nga ri’n nè Tabitha ke dé ɓar’n Dorcas se tà grec. Dorcas se tà le jéi ɓaa è «jêl». E dinye noje ke ra nyange gai-gai uwe’n noje se njéndooge bule.

Nje Ke Rome 12:18

I ndii se kêmlom se dooge malang; ke nè á asikum ra ɓaa, i rai.

Nje Ke Rome 12:9

Maje kade tár nan le si è ngarankum tár nan. Ɔri nyan ke majelé njêt. Nè i ligri dè nyanra ke maje’t lagr-lagr.

Nje Ke Rome 15:14

Ngakonmge, man m’ger kêm’t mbak titeke sei awi se tàgir ke maje. M’ger kêm’t maje titeke sei awi se gos nyanger ke deri, ade ɗarinè sei kuwe asi ndángi nan dann si sei’t.

1 Nje Ke Corinthe 12:8

Ndil ade doo ke karé tɔgmong kade tam’n tà se kumkunju a, ade doo karé ke rang gos nyanger kade ndó’n madennge ngarankum tàge le Nube. E Ndil ke karé nè kuwe á nobo nyan-nojege nè nga titeke bè.

2 Nje Ke Corinthe 10:1

Man Paul kuwe, m’ndeje sei se go ndu noje a, se go kêm-maje le Krist a tɔ. Man nga, dooge ke nange tami se’m edi nè: loo ke m’nda tàkum si’t ɓaa, m’ee doo ke sɔl lom-lom; nè loo ke m’goto dann si’t ɓaa, m’ee njè tà tur.

2 Nje Ke Corinthe 6:6

Jè tɔje ra jé j’ade dooge an-in jè ke njémade kulege le Nube se go kêmnda a, se go nyanger a, se go korè tà njak a, se kêm-maje a, se go Ndil-Kêmnda a, se go tár nan se kêmnda káng le jé a tɔ.

2 Nje Ke Corinthe 7:11

Kumndoo ke se go kêmndige le Nube nga oje nyange nè malang dann si’t ade an-in ɓá. Kumndoo nè nga á ade in-in kalang ɔri tà i taai dè’m. E ade kum si gang dè majelé’t ade i turi hal si a, i ɓeli Ndil Nube a tɔ. Kumndoo nè nga ade ngur kan’m ra sei pênn-pênn. Kumndoo nè nga ade ilei kêm si dè njé ra majelége’t. E tel sei ke njé ra nyan ke se dè najennge. Nyanra si malang tɔje jè titeke tà karé géa uwe dè si lé.

2 Nje Ke Corinthe 9:10

E Nube ke njè kade ko nyan njèdubu nyan a, ade’n nyankuse’n a tɔ nga, à ade sei ko nyan kade in dè made’t ke kété-kété a tɔ. E kuwe à ade nyanra si ke se dè naje’n à aw kum’n ke kété-kété.

Nje Ke Ephese 5:9

Nyanrage le lookar nga á tooi nè: kem̂-maje ke se ri’n ri’n a, nyanra ke se dè naje’n a, se ngarankum tà a tɔ.

Nje Ke Philippes 1:11

Jésu-Krist à ra se si kade i rai nyange ke se dè naje’n le kade d’ile’n riɓar dè Nube’t a, dé ɗɔi’n a tɔ.

Nje Ke Philippes 4:8

Ngakonmge, gute nyange ke nain á tooi nè: Nyan ke è nyan ke get, éké riɓar éké nyan ke se dè naje’n éké nyan ke unju nyang-nyang éké nyan ke taa kum dooge ɗekm éké nyan ke maje dum éké nyan ke kum kinge pite tò tutu ɓaa, uwei kem̂ si mong dè’t.

Nje Ke Colosses 1:10

Titeke bè á pa njiye si à uwe’n made nan se le Kuwe-ɓee kade i rai nyan ke kem̂’n ndige. Sei a i rai nyange ke se ri de-ri de a, ger gel Nube le si à in dè made’t ke kété-kété a tɔ.

1 Nje Ke Thessalonique 2:7

Kerɔte kuwe, j’asekum kunde nyankoto ke wɔi dè si’t le kul’n ra jé tede k’ee ke njékawkulege le Krist bè lé. Nè ndɔ ke jè ndi lom dann si’t asenan se kon ngannge ke tɔse kum’n dè ngannenge’t maje oto’n de bè.

1 Timothee 5:21

Man m’ndeji tàkum Nube’t a, tàkum Jésu-Krist a, se tàkum dooge ke danrán le Nube a tɔ: an dè nyange nè nga sêw-sêw anje ndête éké kɔr kum doo a tɔ.

2 Timothee 2:24

Gar-gar, ɓer kule le Kuwe-ɓee à è njè ɓeekos lé; nè gar-gar à è njè kaw lom-lom ra dooge’t malang. Gar-gar à è njè ger gos ndó dooge nyan a, njè koré tà’n njak dè kem̂ majelé’t le njé ke rang a tɔ.

Tite 1:15

Njé ke unji nyang-nyang nga, nyan malang è ke unju nyang-nyang tede le de. Nè njé ke minei se njé ke unni mbi de dè tà’t nga, nyan karé bè ke unju nyang-nyang tede le de goto. Gos nyanger se tàgir ke kem̂ de’t è ke mine tanm-tanm.

Tite 3:2

Olé kem̂ de le kade ei njé taje nduge lé a, njé ɓeekosge lé a tɔ. Nè maje kade ei njé tam tà se ndu noje a, ei njé kaw lom-lom ra dooge’t malang a tɔ.

Hebreuge 12:11

Kɔje doo kumkunju ke rara nga, kété ɓaa è kumndoo m è ranel lé. Nè go’t gugu ɓita njé ke dé tɔje de kumkunju à teli ndii se kem̂lom, tede nyanra de ke se dè naje’n ke unni gir rai nga.

Hebreuge 12:14

Uwei ra si mong le ndii se kem̂lom se dooge malang. Awi kum si ke kété-kété le k’eei dooge ke tooi se ninn de gai. Ke nè á è bè lé ɓaa, doo karé bè géa à an Kuwe-ɓee se kum’n ndan lé.

Jacques 1:17

Nyan kade noje ke maje se nyan kunde njage ke maji ɔri njêt nga in-in dɔ danrán ra Bɔ jéi Nube ke njè kunde kàde se kɔnyonge. Nube nga tur hal’n rang lé a, loo ke rann’t tel tuge ndul ndɔ karé bè lé a tɔ.

Jacques 1:5

Ke nè á doo karé dann si’t nal kumkunju ɓaa, maje kade kɔ Nube. Nube è njè kade dooge malang nyan se kem̂ karé anje ndáng de.

Jacques 2:13

Doo ke an kumndoo le madennge lé ɓaa, ndɔn’t Nube à unn kum’n mbeng le gangtà dènn’t nal kan kumndoo le’n tɔ. Nè doo ke an kumndoo le madennge ɓaa, à nda loo gangtà’t se kem̂ ɓel ndan lé.

Jacques 2:4

Ke nè á sei rai titeke bè, à ɓaa ké è kɔr kum nan ke sei ɔri dann si’t lé ɓai wa? Ké è tà ke sei kuwe in-in kalang i gangi dè nan’t se go tàgirge ke majilé ke dè ɓengre si’t lé wa?

Jacques 3:15

Kerɔte kuwe, kumkunju nè nga è kumkunju ke in danrán lé. Kumkunju nè nga è kumkunju ke in ra doo ke dè nang nè a, in ra njè kem̂ majelé’t a tɔ.

Jacques 4:8

Agi ngɔr ke ra Nube’t ɓaa, è géa à age ngɔr ke ra si’t tɔ. I togoi ji si, sei njé ra majelége; ɔri se-nyange ke majelé kɔke dè ɓengre si’t, sei njé kem̂ jooge.

1 Pierre 1:22

Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.

1 Pierre 2:1

Bè ɓaa, inyei go kem̂yêr se nyanra ke se go ngein, se kede gos, se kem̂kein a, se tam tede nan a tɔ. Inyei go nyange nè bere mbak kɔke.

1 Pierre 2:18

Sei ngann njéndige, ulei dè si adi kuwe sige a, ilei koje ke deri dè de’t a tɔ. Kuwe sige ke njé kem̂ majege ke awi lom-lom tá ulei dè si adi de se kar de lé, nè kuwe sige ke njé ndɔje lɔk-lɔkge géa ulei dè si adi de a tɔ.

1 Jean 3:18

Ngannemge, ade jè tári nan se tà ke tà jéi’t karè lé. Nè ade jè tári nan se nyanra jéige. Nyanra jéi á à tɔji titeke tár ke jè tári nan nga è ngarankum tár kerɔte.

1 Jean 3:3

Nanan ke unde kem̂’n tchên dè Krist’t ɓaa, maje kade ade ra’n unju nyang-nyang titeke Krist géa ade ra’n unju’n nyang-nyang bè tɔ.