Jacques 3:15 - Nouveau Testament en Gulay 2004

¹⁵ Kerɔte kuwe, kumkunju nè nga è kumkunju ke in danrán lé. Kumkunju nè nga è kumkunju ke in ra doo ke dè nang nè a, in ra njè kem̂ majelé’t a tɔ.

Jacques 3:15 ပူးပေါင်းရင်းမြစ်များ

Tà ke Maje ke Luc ndang 16:8

Kuwe njèkan-dè-nyange ke njègos nè nga ede nè: «I ger nyan ngain kuwe.» E ke nè á ke nyan ra dooge ke ei le nang nè ke rai se nan dum njé ke dé le lookar.

Jean 3:17

Kerɔte kuwe, Nube ule Ngonn’n dè nang nè le kade gangtà dè dooge’t lé ɓai, nè le kade dooge ke dè nang nè ingei kaje takul’n è.

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

Nyanra Njekawkulege 13:10

– An! i ke tà sú se nyanra ke majelé taa rai pel-pel. I ngonn le sú, i njèban le nyanra ke se dè naje’n malang. Rebege le Kuwe-ɓee ke ndai jap nga ke i uwe de i ɗuge de ngong-ngong, ké ndɔ ke ra á i a ebe rai dè’t wa?

Nje Ke Rome 1:22

Dooge nè nga tami edi nè n’ei njékumkunjuge, nè ei mbege karè.

1 Nje Ke Corinthe 1:27

Nè Nube tɔr nyange ke dooge an-in ke nyan mbe tede kile’n rasɔl dè njékumkunjuge’t a, è tɔr nyange ke tɔge de goto tede kile’n rasɔl dè njétɔgege’t a tɔ.

1 Nje Ke Corinthe 2:14

Doo ke karé ke Ndil Nube ndi kêmn’t lé ɓaa asekum taa nyan le Ndil Nube lé. Nyan le Ndil Nube tò asenan se nyan mbe tàkumn’t m è asekum ger gir lé. Oiyo, Ndil le Nube è njè kade doo ter nyange ger gir.

1 Nje Ke Corinthe 3:19

Oiyo, kumkunju éké gos nyangerge ke dè nang nè nga ei nyan mbege tàkum Nube’t. Gir’n ke nè á Magtub ke tò se ninn’n tam’n ede nè: «Nube uwe njékumkunjuge dè ra gos’t le de.»

1 Nje Ke Corinthe 3:3

tede sei dooge ke karè m nyan le Ndil goto kêm si’t. Ke nè á ra jang se kɔl nan tooi dann si’t ɓaa, ké sei dooge ke kundekêm le si goto ade majelé on ɓee dè si’t lé ɓai wa? Ké nyanra si se tà tam si è nyanra dooge ke nang nè karè lé ɓai wa?

2 Nje Ke Corinthe 1:12

Nyan ke ade dè jé in’n tchakm nga, è tàgir ke kêm jé’t. Jè ger kêm jé’t titeke nyanra jé taa kum dooge ke dè nang nè. Sei kuwe mbain géa, i geri titeke nyanra jé è nyanra ke se dè naje’n. E kêmnoje le Nube á ɔr non jé ade jè ra’n nyan se dè naje’n m è kumkunju le doo lé.

2 Nje Ke Corinthe 11:3

Titeke ndɔ ke li ra’n gos sú’n kum Eve nga, m’ɓel kade tàgir le si tel tur gide’n ade noje kêmnda ke Krist uwe se si.

Nje Ke Philippes 3:19

Dooge nè nga loo tɔl tà’n ɓaa, d’a tuju. Nyankuse ke kem̂ de’t á d’oré kum de dè’t asenan se Nube le de bè a, nyan rasɔl á d’an ke riɓar le de a tɔ. Nyange le nang nè á dé gir dè’t se ndɔge malang.

2 Nje Ke Thessalonique 2:9

Loo ke ndɔn’t njè kɔse tà se Nube nè nga à unde loo tee ɓaa, è à ra kule se tɔgmong le Sú. E aw se tɔgmong ke bò le ra’n nyankɔbege se nyange ke dum kum a se nyan-tɔjege gai-gai le sú’n dooge.

1 Timothee 4:1

Ndil-Kem̂nda tam ndàt ede nè: kem̂ ndɔge ke ngeinn’t dooge ke nange à surei kundekem̂ le de kinyei tede le liger go sú’t se dè nyan-ndóge le ndilge ke majelé a tɔ.

Jacques 1:17

Nyan kade noje ke maje se nyan kunde njage ke maji ɔri njêt nga in-in dɔ danrán ra Bɔ jéi Nube ke njè kunde kàde se kɔnyonge. Nube nga tur hal’n rang lé a, loo ke rann’t tel tuge ndul ndɔ karé bè lé a tɔ.

Jacques 1:5

Ke nè á doo karé dann si’t nal kumkunju ɓaa, maje kade kɔ Nube. Nube è njè kade dooge malang nyan se kem̂ karé anje ndáng de.

Jacques 3:17

Nè kumkunju ke in danrán nga à ade doo unju nyang-nyang a, à ade doo à ee’n njèkem̂lom a, njè kaw lom-lom a tɔ. Kumkunju ke in danrán nga à ade doo à è njè kile koje a, kem̂kanm à taa ra’n pel-pel a, à è njè ra nyan ke maje a, à è njè kum tà go doo karé’t lé a, à è njèkede gos lé a tɔ.

Jude 1:19

E dé dooge nè á dé njé tin njétaakem̂-Kristge! Tàgirge le de ei tàgirge ke in-in ra dooge’t m è tàgir ke se go Ndil Nube lé.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 2:24

Nè gute si sei njékebe nange le Nube ke kem̂ ɓee-bò ke Thyatire ke i taai nyan-ndó nè nga lé a, i sangi le geri nyanger ke dé ɓar’n «dunge nyangerge le njè kem̂ majelé» nga lé a tɔ. Man m’ede sei ndàt titeke man m’unde nyankoto ke wɔi ke rang dè si’t lé ta.

Lookilera’n 9:11

Ngar le bêteĝe nè nga è doo karé ke ndi kem̂ bolè ke son’n goto. Ngar le de nga, ri’n tà Hébreu nè «Abaddon», ke se tà grec ɓaa è «Apollyon», tel se tà koje jéi è «Njè tɔ ko dooge.»