Jacques 3:14 - Nouveau Testament en Gulay 2004

¹⁴ Ke nè á ra jang éké nin se naje nan tà rusu ɓengre si njin-njin ɓaa, i ti ra si dè kumkunju’t le si i tami tà lanm utei ngarankum tà nga mbeng lé.

Jacques 3:14 ပူးပေါင်းရင်းမြစ်များ

Matthieu 27:18

Pilate ger kété titeke d’uwe Jésu d’ule’n jinn’t se go kêmkein karè.

Jean 16:2

D’ade rɔ sei kêm kei kebe nange’t. Kàde ke ndɔn’t nè, dooge malang à in-in tami kedi nè: «sei njé mbate Nubege» à ree non. Gir’n ke nè á, ndɔn’t d’a tɔl’n sei ke nyankuje-mese kede nè n’ilei riɓar dè Nube’t.

Nyanra Njekawkulege 13:45

Njé ke reei le kooi tà bulei ngain. Loo ke Juipge an-in kosdoo-bulege nè nga bè ɓaa, jang unn gir ra de. Gir’n ke nè á, d’ute’n tàge le Paul mbeng-mbeng a, dé taje’n a tɔ.

Nyanra Njekawkulege 26:9

Kerɔte kuwe, man nga kété m’gir kêm’t le tuju ri Jésu ke Nazareth nè nga gar-gar kɔke.

Nyanra Njekawkulege 5:17

E ke nè á maw njékuje nyan-mese se dooge malang ke umi go Saddusienge’t nga, kêmkein rusu kêm de njin-njin ade ɔsi nang in-in

Nyanra Njekawkulege 7:9

Kà jéige ke dɔg-gidé-joo nè nga rai kêmkein dè Joseph’t uwei nin igii ade d’aw se’n kêm ɓeekon ke Egypte. Nè Nube è der gir’n.

Nje Ke Rome 1:29

Nyanrage ke se dè naje’n lé gai-gai se kêmyêr, se kêmkein, se kêm majelé rusu kêm de njin-njin. Ngur tɔl doo, se tɔl nan, se tà sú kum nan, se nyanra ke majelé rusu kêm de njin-njin.

Nje Ke Rome 13:13

Ade jè njiyei danné sêw tite doo ke njiye dann kada bè. Ebi ra si dè k’ee doo nyankuse se doo nyankain. Ebi ra si dè tò se nan ke kaiya’t se dè nyanrage ke pás-pàs a, dè kɔl nan’t se dè ra jang’t a tɔ.

Nje Ke Rome 2:17

Nè i ke i ɓar rai Juip, i ke i ndune rai kàde gute-ndu’t unde’n kàdi se ri Nube;

Nje Ke Rome 2:8

Nè wong se kêmkon le Nube à nder dè njé naje tàge’t se dè njé ra nyan ke se dè naje’n lé utei ngarankum tà mbeng.

1 Nje Ke Corinthe 13:4

Doo ke tár nan tò kêmn’t à è njèkile kêm’n pon-pon a, à è njè ra maje a, à è njè ra kêmkein lé a, à è njè tɔje ra’n lé a, à è njè tin ra’n lé a tɔ.

1 Nje Ke Corinthe 3:3

tede sei dooge ke karè m nyan le Ndil goto kêm si’t. Ke nè á ra jang se kɔl nan tooi dann si’t ɓaa, ké sei dooge ke kundekêm le si goto ade majelé on ɓee dè si’t lé ɓai wa? Ké nyanra si se tà tam si è nyanra dooge ke nang nè karè lé ɓai wa?

1 Nje Ke Corinthe 5:2

Nè sei ɓaa, dè si in tchakm ade i ndii a i tii ra si mugug-mugug. E soo’t kade né i ndii tite doo ke yo tɔl’n bè a, njè ra nyan ke titeke bè nga né a ɔri nin dann si’t kɔke a tɔ.

1 Nje Ke Corinthe 5:6

Ti ra le si nga majelé karè. Ké sei geri titeke pululu ke ndêin bè kuwe ade nduju ke loin bere mbak in ngiring-ngiring lé wa?

2 Nje Ke Corinthe 12:20

M’ɓel kêm’t tede bainléa loo ke m’a m’aw ra si’t nga, m’a m’inge sei dè nyanra ke kêm’m ndige lé’t. Sei géa, bainléa a ingei man dè nyange ke kêm si ndige’t lé nga a tɔ. Man ɓel kêm’t m’ede nè bainléa m’a kaw kinge sei dè kɔl nan’t, dè ra jang’t, dè ra wong’t, dè kaw se nan se tà, dè tam tede nan, dè ti ra’t, dè tà kede yer éké dè sule nan dè tà’t a tɔ.

Nje Ke Galatie 5:15

Ke nè á ndi dè pal le si aw se si sár ade i ton-in nan a, ujei ngire nan se tà nyanm-nyanm a tɔ ɓaa, undei kumkunju dè ra si’t lé ɓaa a i tuji nan.

Nje Ke Galatie 5:20

Polé mage, ra nan se kuge, kɔr nan njêt, ra jang se nan, kɔl nan, ra kem̂kein, ra wong, ra nan tà, tà tin nan, kai nan, kɔr kum nan.

Nje Ke Galatie 5:21

Ra ngur nyan pênn-pênn, ra ɓer le yibe, kunn gon nyankuse se nyange ke nange ke taai nan se de bè. Man m’ede sei ndàt kété titeke ndɔ ke m’ede’n sei nga: Dooge ke inyei ra de nyein dann nyange ke nè nga, loo le de goto kem̂ Konɓee’t le Nube sár se non.

Nje Ke Galatie 5:26

Ade jè rai ngur riɓar ke raikarè lé a, ade jè tɔsi nan tà lé a, ade jè rai kem̂kein dè nan’t lé a tɔ.

Nje Ke Galatie 6:13

Njé kuje tà mɔte dege kuwe géa an-in dè gute-ndu nga sêw-sêw lé. Nè né è bè géa, dé ndige le kade adi d’uje tà mɔte si tede le kunn’n tà ra de’t tede mɔte si ke adi d’uje.

Nje Ke Philippes 1:15

Kerɔte kuwe, loo naje’n goto, dooge ke nange dann de’t ilei mber Tà le Krist se kem̂kein a, se ra jang a tɔ. Nè njé ke karége ɓaa ilei mber se tàgir ke maje.

Nje Ke Philippes 2:3

I rai nyan karé bè géa se go jang éké tede riɓar ke raikarè nga lé. Nè an-in njé ke rang ke dooge ke bòi dumi sei se go kule dè kade nan le si.

1 Timothee 2:4

ke ndige le kade dooge malang ingei kaje a, le kade kum de gang dè ngarankum tà’t maje a tɔ.

1 Timothee 6:4

è doo ke ti ra libe kum’n m è ger nyan karé lé. E doo ke ngur naje tà se kɔl nan ra’n pênn-pênn. Naje tàge ke titeke bè nga oje kɔl nan se kem̂kein se taje ndu se girtà ke majelé dè nan’t

Tite 3:3

Jè géa, kété jè njé kem̂ tɔ kuju tà lége, njé dum nange tà Nube’t a, njé ndemge a tɔ. Jè nga kété jè ɓerge le ngur nyange ke gai-gai a, jè njé ra majelége se njé kem̂keinge a, jè njé kɔr nan njêtge a tɔ.

Jacques 1:18

E ɔje se go kem̂ndige le’n le kade jèi ndikumgajer takul Tà ke Maje le’n ke è ngarankum tà. Gir’n ke nè á jéi le’n kuwe deri dann nyankundege le’n malang.

Jacques 3:16

Oiyo, Tede loo ke rara ke ra nan jang éké ra nan nin se naje nan tà tooi tutu nga, dooge awi dè nan’t kutri a, nyanrage ke majelé gai-gai in-in dè made’t ke kété-kété a tɔ.

Jacques 5:19

Ngakonmge, ke nè á doo karé dann si’t ndem rebe ngarankum tà, doo karé ase tel ree se’n tu rebe ke maje’t.