Jacques 3:13 - Nouveau Testament en Gulay 2004

¹³ Ké nan dann si’t á è njèkumkunju a, njègos nyanger a tɔ wa? Ke nè á njè kumkunju éké njègos nyanger è dann si’t ɓaa, maje kade ra nyange ke maje a, aw lom-lom a tɔ.

Jacques 3:13 ပူးပေါင်းရင်းမြစ်များ

Matthieu 11:29

Ulei dè si i taai jug le’m, ulei ra si bàj dann nyan-ndóge’t le’m tede man nga m’ee doo ke m’aw lom-lom anje ti ra’m. Titeke bè á nganrankum ra si à kinge’n loo taa kebe.

Matthieu 21:5

«Edi dooge ke kêm ɓee-bò ke Jérusalem edi nè: An-in! ngar le si à ree ke ra si’t. Ngar le si nga è doo ke aw lom-lom, è al dè kon koro’t. E al dè ngonn koro ke dingem tɔ.»

Matthieu 5:5

Njé ke awi lom-lom nga, ra de à nel de tede Nube à ade de Konɓee ke danran ke nyan-ndube le de!

Matthieu 7:24

Nanan ke ree ram’t ur mbi’n oo’n tàge le’m ra nyan’n ɓaa, tò asenan se doo karé ke njè kêm tɔ kuju tà ke unde gir kei le’n dè kuberi herge’t bè.

1 Nje Ke Corinthe 6:5

M’tam tà nè nga bè m’ile’n rasɔl dè si’t. Ké doo karé ke njèkumkunju ke asekum gangtà le njétaakêm-Kristge goto dann si’t kuwe sár wa?

2 Nje Ke Corinthe 10:1

Man Paul kuwe, m’ndeje sei se go ndu noje a, se go kêm-maje le Krist a tɔ. Man nga, dooge ke nange tami se’m edi nè: loo ke m’nda tàkum si’t ɓaa, m’ee doo ke sɔl lom-lom; nè loo ke m’goto dann si’t ɓaa, m’ee njè tà tur.

2 Nje Ke Corinthe 8:24

I tɔji de adi d’an titeke i tári de kerɔte kuwe tàkum njékebe nange’t le Nube malang. Titeke bè á dè jé à in’n tchakm. Taɓai, ngakon jéige nè à geri titeke jè pite sei tàkum de’t se ndáng karè lé

Nje Ke Galatie 5:23

kaw lom-lom se kunde kumkunju dè ra’t a tɔ. Gute-ndu ute nyange nè nga mbeng lé.

Nje Ke Galatie 6:1

Ngakonmge, ke nè á uwei doo karé dè ra nyan ke se go rebenn’t lé ɓaa, sei ke i njiyei se go Ndil-Kem̂nda ɓai nga, i gɔli nin ilei nin rebe ke danné se ndu noje. Sei géa, kem̂ si dè ra si’t nè bainléa a teli rai majelé se’n tɔ.

Nje Ke Galatie 6:4

Maje kade nanan géa ter kule ra’n ke le’n-le’n an. Ke nè á kule ra’n maje kade dè’n in-in’n tchakm ɓaa, maje kade dè’n in tchakm ɔje dè’n è kuwe se kar’n m à kuwe dè kin tchakm le’n kɔje’n le doo ke rang lé.

Nje Ke Ephese 4:2

Ulei dè si adi nan a, awi lom-lom dann nan’t a, ilei kem̂ si pon dè nan’t a, oréi tà si njak dè nan’t se go tár ke Krist tár jèi.

Nje Ke Philippes 1:27

Nyan karé ɓaa, adi pa njiye si uwe made nan se Tà ke Maje le Krist. Titeke bè á, né m’aw m’an sei, éké m’aw lé géa, m’a m’oo titeke sei umi tàgir le si nan’t bɔk a, undei tɔge si nan’t i rɔi se kem̂ karé. I rai titebè tede kade dooge ke rang undei kem̂ de dè Tà ke Maje’t nga.

Nje Ke Colosses 3:12

Nube tár sei ngain. Gir’n ke nè nè á è tɔr’n sei le kade sei dooge le’n ke i tooi se ninn de. Bè ɓaa, an-in kumndoo le nan, i rai kem̂kanm se nan, ulei dè si adi nan a, awi lom-lom a, ilei kem̂ si pon a tɔ.

1 Timothee 4:12

An tá nè kade doo karé bè géa nedi tede k’ee ke i basa. Nè i tel i nyan-ndaje kum le njétaakem̂-Kristge se tà tami, se pa njiyei, se tár lei, se kundekem̂ lei a, se ra kunju nyang-nyang lei a tɔ.

1 Timothee 6:11

Nè i doo le Nube nga, ute rai mbeng kɔke dè nyange’t nè. I tel ɔr nja nyanra ke se dè naje’n a, ɔr nja kile koje dè Nube’t a, ɔr nja kundekem̂ a, ɔr nja tár nan a, ɔr nja koré tà njak a, ɔr nja kaw lom-lom a tɔ têr-têr.

2 Timothee 2:25

Gar-gar, ɓer kule le Kuwe-ɓee à è njèndó nyan njé naje se’n tàge se ndu noje tede bainléa Nube à ade d’ade tur hal de le ger’n ngarankum tà.

Tite 3:2

Olé kem̂ de le kade ei njé taje nduge lé a, njé ɓeekosge lé a tɔ. Nè maje kade ei njé tam tà se ndu noje a, ei njé kaw lom-lom ra dooge’t malang a tɔ.

Hebreuge 13:5

Adi ngur nar ule aljem̂ tà si’t uwe’n sei ɓer lé. I rai ranel dè nyan ke tò ji si’t tede Nube kuwe tam ndàt nè: «M’a m’inyei sengel lé a, m’a m’inye gooi ndan lé a tɔ.»

Jacques 1:21

Gir’n ke nè á ɔri ra si kɔke dann nyan ke mine’t bere mbak se gute nyange ke rang ke majelé. I taai Tà ke Maje ke Nube dubu ɓengre si’t se ngonn koje. Tà nè nga ase kaje ngarankum ra si.

Jacques 2:18

Nè doo karé à tam kede nè: «I, i ndi se kundekem̂ a, man m’aw se kule rage a tɔ.» M’a m’tel deje’n kede nè: «I tɔje’m kundekem̂ lei ke anje ra kule dè’t nga ade m’an ɓaa, man géa m’a m’tɔji kundekem̂ le’m se kulege ke m’ra dè’t kade an tɔ.»

Jacques 3:1

Ngakonmge, è soo’t kade dooge bule teli ei njé ndó nyan made dege lé. Sei geri mbak titeke tà ke d’a gang dè jéi jèi njéndó nyan made jéige’t nga à tur ngain dum le dooge ke rang.

Jacques 3:17

Nè kumkunju ke in danrán nga à ade doo unju nyang-nyang a, à ade doo à ee’n njèkem̂lom a, njè kaw lom-lom a tɔ. Kumkunju ke in danrán nga à ade doo à è njè kile koje a, kem̂kanm à taa ra’n pel-pel a, à è njè ra nyan ke maje a, à è njè kum tà go doo karé’t lé a, à è njèkede gos lé a tɔ.

1 Pierre 1:15

Nube è ke njè ɓar sei nga tò se ninn’n gai. Bè ɓaa, sei géa adi nyanra si tò se ninn’n gai a tɔ,

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.

1 Pierre 3:4

Nè maje kade i sangi mande ke dè ɓengre si’t tá. Kaw lom-lom se ndi lom á ei nyange ke à udi lé taɓai ei nyange ke gate de è ngain tàkum Nube’t.