Jacques 2:8 - Nouveau Testament en Gulay 2004

⁸ Kerɔte kuwe, gute-ndu ngar ke dé ndang kem̂ Magtub’t d’ede nè: «I tár doo ndul madi titeke i tár’n danrai i kuwe bè» nga, ke nè á i rai ɔri son’n njêt ɓaa, sei rai maje.

Jacques 2:8 ပူးပေါင်းရင်းမြစ်များ

Matthieu 22:39

Ndukunn ke njékon’t joo nga tò tanan se è ke desêin kuwe ɓai ede nè: «Gar-gar i a tár doo madi titeke i ra’n se rai bè tɔ.»

Matthieu 25:21

Kuwe’n tel ile’n dè’t ede nè: «Maje ngain, i i ngonn njèndi ke maje, m’ase kum kêm’m dèi’t kuwe. Nyan ke ndêin bè ke ndɔ ke m’adi nga, i tɔse kumi dè’t ade tee kɔde. M’a m’ɔri kundei ke njèkan dè nyange le’m ke rang ɓai. I ree, i ra ranel se’m man kuwei.»

Matthieu 25:23

Kuwe’n tel ede’n ede nè: «Maje ngain, i i ngonn njèndi ke maje, m’asekum kêm’m dèi’t kuwe. Nyan ke ndêin ke ndɔ ke m’adi nga, i tɔse kumi dè’t ade tee kɔde. Man m’ɔri kundei ke njèkan dè nyange le’m ke rang ɓai. I ree i ra ranel se’m man kuwei.»

Matthieu 7:12

Nyan malang ke sei i ndigi kade dooge ke rang rai tede le si nga, sei géa i rai titeke bè tede le de tɔ. E ke nè á è tà ke ndɔ ke Moise se njéribe-dè-tàge ke tà Nube’t ndooi dooge.

Nje Ke Rome 13:10

Doo ke tár doo made’n nga à tel ra se’n majelé lé. Tár nan nga, è ra nyan ke gute-ndu ɔje kade ɔr njêt.

Nje Ke Galatie 5:14

Ke nè á sei rai titeke bè ɓaa, a i rai gute-ndu nga kade maje ɔr njêt. Tede gute-ndu bere mbak nga d’oré nan’t d’ade è ndukunn ke karé bere d’ede nè: «I a tár doo madi titeke i tár’n rai i kuwe bè tɔ.»

Nje Ke Galatie 6:2

I taai nyankoto ke wɔi dè nan’t. Titeke bè á a i rai gute-ndu le Krist nga tɔli mbas.

Nje Ke Philippes 4:14

Nè né è bè géa, sei oréi se’m nan dè nyantosowur’t le’m. E maje ke i rai se’m.

1 Nje Ke Thessalonique 4:9

Tà ke ɔje dè tár nan le si sei ngakon nange éké kon nann nange ke njétaakem̂-Kristge nga, sei ɓaa awi ndoo kade doo ndang magtub’n ade sei lé ta. Nube ndó sei kuwe tà ke ɔje dè tár nan ade i geri kété ɓá.

Jacques 1:25

Nè doo ke ter gute-ndu ke maje ɔr njêt ke njè kade jè ndii dè jéi pal nga, nda dè’t njáng ra nyan’n, oo ade kem̂’n wei nal sêl dè’t lé ɓaa, doo nè nga ra’n à nel’n dè kule rann’t kuwe.

Jacques 2:12

Bè ɓaa, i tami tà á in-in i rai nyan’n a tɔ. Sei sei dooge ke d’a gangtà dè si’t se go gute-ndu ke ade i ndii dè si pal nga gar-gar.

Jacques 2:19

I gir titeke Nube è karé bere luk-luk. Tàgir lei aw loon’t kuwe. Nè ndilge ke majelé géa giri kem̂ de’t titeke bè tɔ, nè ɓel ra de ade ndebi nginn-nginn.

Jacques 4:11

Ngakonmge, i tami tà ke majelé se nan lé. Doo ke tam tà ke majelé se ngokon’n ke njètaakem̂-Krist éké gangtà dènn’t ɓaa, è tam tà ke majelé dè gute-ndu’t a, gangtà dè gute-ndu’t a tɔ. Ke nè á i gangtà dè gute-ndu’t ɓaa, i njèkan dè gute-ndu sêw-sêw lé ta, nè i tel i njègangtà dè gute-ndu’t.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.