Jacques 2:6 - Nouveau Testament en Gulay 2004

⁶ Nè sei ɓaa, ilei rasɔl dè njèndoo’t. Ké nange á ei njékon sei njanm-njanmge a, njé kali sei kawi se si loo gangtà’t nga wa? Ké è dé bawge nè nga lé ɓai wa?

Jacques 2:6 ပူးပေါင်းရင်းမြစ်များ

Jean 8:49

Jésu ile de dè’t ede nè: – Ḿ-m̀, kumen goto kêm’t. Man m’ile koje dè Bɔm’t, nè sei á ilei koje dèm’t lé.

Nyanra Njekawkulege 13:50

Dinyege ke njé ɗɔi Nubege ke ei njényan-kingege ndii kêm ɓee-bò’t nè tɔ. Juipge sulei de se dooge ke kum de unju ke kêm ɓee-bò’t nè nga adi unni gir rai kum Paul se Barnabas ndoo. Dé rɔ Paul se Barnabas kêm ɓeekon’t le de kɔke.

Nyanra Njekawkulege 17:6

Loo ke d’inge de lé ɓaa, d’uwe Jason se njétaakêm-Kristge ke nange. Dé ndɔr de ngander-ngander d’aw se de non njégangtàge ke kêm ɓee-bò’t nè nga. Taɓai dé tam tà se ndu de ke bòi beng d’ede nè: – Dooge ke njé bungul loo dè nang nè bere mbak nga, ɗarinè teei laa tɔ ta.

Nyanra Njekawkulege 18:12

Loo ke Gallion ee’n njèkonɓee ke ɓeekon ke Achaie nga, Juipge umi tà le de nan’t karé in-in uwei Paul awi se’n loo gangtà’t edi nè:

Nyanra Njekawkulege 8:3

Nè Saul ra kum njékebe nange le Nube ndoo, yal de karé-karé. E toso kêm keige malang tɔr njétaakêm-Kristge ke dingemge se njé ke dinyege nata ndát-ndát ɓuku de dangai’t.

1 Nje Ke Corinthe 11:22

Ké kei le si ke kade usei se an-in nyan tutu goto wa? Ké njékebe nange le Nube nga an-in de ke nyan lé kuwe sár wa? Ké i rai titeke bè tede kile’n rasɔl dè njé ke nyan le de goto nga wa? Ké i nginei kade m’ede sei m’ede nè ri wa? Ké è tà le kade m’pite sei dè nyan ra si’t nè nga gar-gar wa? Ḿ-m̀, m’a pite sei dè è ke nè’t ndan lé.

Jacques 2:3

Nè sei oréi kum si dè doo ke njè kule kubu ke ndolé kein-kein se ndɔ’n-ndɔ’n nè tá edi nin edi nè: «I ɓaa, i ree i ndi loo ke maje’t nè tá.» Nè njèndoo ɓaa edi nin edi nè: «I ɓaa, i nda se njai dɔ loo ke nè’t» éké «I ndi nang njam’t dè nang ndul’t nè.»

Jacques 5:4

An-in! dooge ke adi rai kule sa ko kem̂ ndɔrge’t le si nga géa, ɔgi de nar kuge dè ji de mbeng kɔke. Kure nar kuge dè ji de nga ɓar yoror-yoror a, non le njé sa koge nè nga oso mbi Kuwe-ɓee’t ke Njèkunde nyange malang.

Jacques 5:6

Sei ilei tà dè njé ra nyan se dè najennge, i tɔli de se ndáng karè anje kade ilei rɔ adi sei.