Jacques 2:5 - Nouveau Testament en Gulay 2004

⁵ Ngakonm ke m’tár sei ooi maje. Ké è Nube kuwe á tɔr njé ke d’an de ke njéndooge ke dè nang nè le kade ei baw kundekem̂ge lé wa? Ké è Nube kuwe á tɔr de kade on-in se’n ɓee le’n titeke unn’n ndu’n ade njé ke tári nin nga lé wa?

Jacques 2:5 ပူးပေါင်းရင်းမြစ်များ

Matthieu 11:5

Njékumtɔge teli an-in loo a, njédɔge metege teli njiyei mong ɗáj-ɗáj a, banje ɔr ra njébanjege’t ndát-ndát a, njémbi mbege teli ooi tà njai-njai a, dooge undei loo teei dann njé ke koo’t a, Tà ke Maje nga géa d’ile mber’n d’ade njéndooge ɓá a tɔ.

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Matthieu 5:3

– Njé ke geri kêm de’t titeke ei njéndooge nga, ra de à nel de tede konɓee ke danran è le de!

Marc 7:14

Go’t gugu, Jésu tel ɓar doobulege rann’t ede de ede nè: – Sei malang uri mbi si ooi tà ke m’a m’tam nè tede kade i giri gir’n njai.

Tà ke Maje ke Luc ndang 12:21

Jésu tel ede de ɓai ede nè: – Doo ke kebe nyankingege ke dè nang nè ɔje’n dè ra’n è kuwe nal kade è baw tàkum Nube’t nga, le’n à è titeke bè tɔ.

Tà ke Maje ke Luc ndang 12:32

– Sei ke i tooi asinan se nyankulge le’m ke tchɔp bè nga, ebi’t ɓel; tede Bɔ jéi ade sei Konɓee le’n.

Tà ke Maje ke Luc ndang 16:22

Go’t gugu ɓaa, Lazare ke njèndoo nga wei. Njékulege le Nube ɔri non’n awi se’n danrán undeii kɔte Abraham’t. Doo ke è baw nè nga géa wei tɔ. Dooge unni ninn’n awi dubi.

Tà ke Maje ke Luc ndang 16:25

Abraham tel ilé dè’t ede nè: «Ngonn’m, ade kêmi olé dè nyankingege’t lei ke ndɔ ke inge loo ke i ndii’n se dèi dɔ ɓai nga, nè Lazare ɓaa ndi dann nyantosowur’t. Ɗarinè d’ade ndi se kêmlom ta, nè i a i ndi dann nyantosowur’t tɔ ta.

Tà ke Maje ke Luc ndang 22:29

Gir’n ke nè á m’uwe’n dè nja Konɓee m’ɔje’n dè si titeke Bɔ’m uwe’n dè nja Konɓee ɔje’n dè’m man nga tɔ.

Tà ke Maje ke Luc ndang 6:20

Loo ke Jésu ɔr kum’n dɔ an njékuwe-girnge ɓaa, è ede de ede nè: – Sei njéndooge, adi ra si nel sei tede Konɓee le Nube è le si!

Jean 7:48

Dann ngar ɓeege’t le jéi éké dann jé jèi Pharisienge’t nga, ké doo karé ke luk-luk unde kêm’n dè doo nyan le doo’t nè nga adi an-in wa?

Nyanra Njekawkulege 7:2

Etienne unn tà tam ede nè: – Sei bɔmge se ngakonmge, ooi tà lem maje: kété ɓita kade kà jéi Abraham in kêm ɓeekon ke Mésopotamie aw ndi kêm ɓee ke Haran ɓai nga, Nube ke njè ndubra tee dènn’t pan

Nje Ke Rome 8:17

Ke nè á jèi ngann Nube kerɔte ɓaa, j’ingei nyange ke ndɔ ke Nube unn’n ndu’n le kade dooge le’n se Krist nan’t. Bè ɓaa, ke nè á, j’orèi nan se Krist dè nyantosowurge’t le’n ɓaa, ndɔn’t j’à j’orèi nan se’n dè ndubra’t le’n nga tɔ.

1 Nje Ke Corinthe 2:9

Dé ndang kêm Magtub’t le Nube d’ede nè: «Kumkunju ke Nube uwe dè nja unde konn tede le njé ke tári nga, è nyan ke kum doo an lé a, mbi doo oo lé a, è nyan ke doo gir dè ɓengrenn’t lé a tɔ.»

2 Nje Ke Corinthe 4:15

Nyange malang ke ra jè nga, è tede le si. Titeke bè á nyan-noje le Nube à in’n dè made’t ke kété-kété tede kade dooge bule teli rai Nube oiyo a, ulei ndubra dènn’t a tɔ.

2 Nje Ke Corinthe 6:10

D’an jè ke dooge ke kum de ra ndoo, nè ra jé nel jè se ndɔge malang. D’an jè ke njéndooge, nè j’ade dooge ngain teli baw kundekêmge. Kerɔte kuwe, jè ke nyange taai ra jé pel-pel nga, d’an jè titeke dooge ke ndooi gɔg-gɔg.

2 Nje Ke Corinthe 8:9

Sei geri kêmnoje le Kuwe-ɓee le jéi Jésu-Krist nga mbak. Jésu-Krist nga è baw, nè è tel ra’n ke njèndoo tede tà le si. E ra titeke bè tede kade ndoo le’n tel è nyanbaw le si.

Nje Ke Ephese 1:18

M’deje Nube le kade ade kum ɓengre si gang tchat. Titeke bè á a i geri nyan kundekem̂ tchên dè’t ke è ɓar sei tede nga. Taɓai sei a geri bò ndubra le’n se bò nyan-ndube ke uwe dè nja unde konn tede le njé ke tooi se ninn de.

Nje Ke Ephese 3:8

Man m’ee tà mbà le njétaakem̂-Kristge malang. Nè né è bè géa, Nube uwe se’m noje ade m’ile mber nyanbaw le Krist ke doo asekum ger lé m’ade dooge ke ei Juipge lé.

1 Nje Ke Thessalonique 2:12

Jè ndeje sei a, j’ule dingem kem̂ si’t a, le kade pa njiye si ile riɓar dè Nube ke njè ɓar sei kade on-in ɓee se’n a, ingeii ndubra le’n nga a tɔ.

2 Nje Ke Thessalonique 1:5

Nyankumndooge se nyantosowurge nè nga ei nyan-tɔje titeke ndɔ gangtà’t ke se dè naje’n le Nube ɓaa, sei asikum kingei konɓee le’n ke kum si ndi à ra’n ndoo.

1 Timothee 6:18

I ndeje de le kade dé njé ra majege, éké kade dé baw nyanrage ke maje a, le kade d’uwe noje se go dege, non dege. I ndeje de le kade d’in kalang dé kai nyange le de d’ade dooge ke rang se de se kem̂nda káng.

2 Timothee 4:18

Kuwe-ɓee à ɔr’m dann nyan ke majelé’t malang, è à aje’m le kade m’aw sár kem̂ konɓee’t le’n ke danrán se ra’m ke mong maj-maj. Maje kade riɓar è le’n è kuwe sár se non. Maje kade è titeke bè kuwe.

2 Timothee 4:8

Unn gir’n ɗarinè, jɔkɔ kunn banga le nyanra ke se dè naje’n tò ngine’m. Kuwe-ɓee ke njègangtà se dè naje’n à ade’m kem̂ ndɔn’t nè nga. Kuwe-ɓee à ade’m man á se kar’m lé. Nè dooge malang ke undei kem̂ de tchên dè ndɔ tel kunde loo tee pan’t le’n nga, è à ade jɔkɔ kunn banga nè nga tɔ.

Hebreuge 11:26

Moise an rasɔl ke ndɔn’t d’a d’ile dè Krist’t nga ke nyanbaw ke dum dè nyanbawge malang ke ɓeekon ke Egypte. E oré kum’n sêw dè nyankuge dè jinn’t ke ndɔ ke rang.

Jacques 1:12

Doo ke oré tà’n njak dè nyange ke nann’t ɓaa, ra’n à nel’n. Doo ke orè tà’n njak dè nyange ke nan-in nin ɓaa à inge jɔkɔ kunn banga le ndii’n kumgajer. Jɔkɔ kunn banga nga, ndɔ ke Nube unn’n ndu’n le kade njé ke tárii.

Jacques 1:16

Sei kotárge le’m, adi kum si sú sei dè tà’t nè nga lé.

Jacques 1:19

Ooi tà nè maje, kotárge le’m. Maje kade nanan géa in kalang ur mbi’n oo’n tà. Nè maje kade in kalang tam tà éké ade wong in se’n kalang lé a tɔ.

Jacques 1:9

Maje kade njètaakem̂-Krist ke njèndoo ade dè’n in tchakm tede kunde ke Nube unde’n dɔ ɗeng.

1 Pierre 1:4

Jè ndii jè nginei nyan-majege ke Nube uwe dè nja unde konn tede njé ke le’n. E nyan-majege ke à jɔri lé a, à mite lé a, a ndolè lé a tɔ. Nyan-majege nè nga Nube uwe dè nja unde konn tede le si kem̂ Konɓee ke danrán nú.

2 Pierre 1:11

Titeke bè á Nube à ɔr’n tà rebe kaw kem̂ konɓee ke à tò sár se non le Jésu-Krist Kuwe-ɓee le jéi ke njèkaje jèi kinye wei bendeng kade jèi.

Lookilera’n 2:9

Nyantosowur ke rai se ndoo ke rai nga, m’ger mbak kuwe. Nè né è bè géa i baw nyankinge. Tà ke majelé ke njé ke ei kuwe edi nè n’ei juipge tami sei nga, m’ger mbak kuwe. Nè dé nè nga, ke get-get ɓaa, dé kei kebe nan le njèkem̂yêr.

Lookilera’n 21:7

Doo ke tête rɔ ɓaa, m’a m’ade’n nyan nè nga kuwe. M’a m’ee Nube le’n a, à è ngonn’m ke dingem a tɔ.

Lookilera’n 3:18

M’a m’ra ndoo rai’t, tài tò njak kuwe, i ndogo se’m nar-ɔr ke dé leen poro d’ade yede’n tee ɓaa, a i baw nyankinge. I ndogo se’m kubuge ke nda i tule rai’t utu’n dè rasɔl mburi ke tò suturu. M’ra ndoo rai’t, tài tò njak kuwe, i ndogo se’m kuge i rii’n kumi ɓaa, a i tel kan loo njai-njai.