Jacques 2:23 - Nouveau Testament en Gulay 2004

²³ Tà ke dé ndang kem̂ Magtub’t d’ede nè: «Abraham unde kem̂’n dè Nube’t. Gir’n ke nè á Nube an’n ke doo ke tà ɔr dènn’t a, ɓar’n made’n a tɔ» nga, aw loon’t deĵ.

Jacques 2:23 ပူးပေါင်းရင်းမြစ်များ

Marc 12:10

Magtub ke tò se ninn’n tam ede nè: «Kuberi her ke njékunde keige an-in ke nyan lé nga, tel è njè mong kum kei ke get-get.

Marc 15:27

Kêm ndɔn’t nè nga, dé ɓer njékaltàge tà gute-ndu’t joo kàde kage-dese’t kɔte Jésu’t. Dé ɓer è ke karé dè jikonn’t a, è ke karé dè jigeln’t a tɔ.

Tà ke Maje ke Luc ndang 4:21

Taɓai Jésu unn gir kede de ede nè: – Nyange ke Magtub tam tà’n ade ooi se mbi si nga ɓila aw loon’t deĵ ɓá ta.

Nyanra Njekawkulege 1:16

– Ngakonmge se kon nannemge, tà ke Ndil-Kêmnda tam kété kêm Magtub ke tò se ninn’n nga, aw loon’t deĵ. Ndil-Kêmnda ule tà tà David’t ade tam ɔje’n dè Judas kété. Judas nè ɔse wan tel è njèkɔr non njé kuwe Jésuge.

Nje Ke Rome 11:2

Dooge ke Nube tɔr de kété mari ke desêin nga à mbate de ndan lé. Tà ke Magtub ke tò se ninn’n tam ɔje’n dè Elie nga, sei i geri mbak. Eli, njèribe-dè-tà ke tà Nube’t nga, ndɔ ke ile tà dè kosdooge ke Israel, non’n ra’n non Nube’t ede nè:

Nje Ke Rome 9:17

Jè tutei tà kêm Magtub ke tò se ninn’n titeke Nube ede pharaon, ngar ke ɓeekon ke Egypte ede nè: «Man m’ɔri m’undei ngar le tɔje’n tɔgmong le’m rai’t a, tede kade riɓar le’m oso’n se loo mbit-mbit dè nang nè bere mbak a tɔ.»

Nje Ke Galatie 3:22

Nè Magtub ke tò se ninn’n tam ndàt ede nè: Dooge malang ndii gir tɔgmong’t le kaiya. Nyan ke Nube unn’n ndu’n le kade dooge nga, njétaakem̂-Kristge ingei takul kundekem̂ le de.

Nje Ke Galatie 3:6

Abraham géa, ndɔ ke le’n è titeke bè tɔ. E unde kem̂’n dè Nube’t a, Nube an’n ke doo ke tà ɔr dènn’t a tɔ.

2 Timothee 3:16

Magtub malang ke tò se ninn’n nga, è tà ke in tà Nube’t. Maje tede le ndó’n dooge nyan, le kin’n se de dè tà’t, le ndáng’n de, le kile’n de danné a, le tɔje’n de nyanra ke se dè naje’n a tɔ.

Jacques 2:24

Sei an-in mbak titeke kule ra doo á Nube ɔr’n tà dènn’t an’n ke njè ra nyan se dè naje’n m è takul kundekem̂ á se kar’n lé.

1 Pierre 2:6

Gir’n ke nè á dé ndang’n kem̂ Magtub ke tò se ninn’n d’ede nè: «An! man m’ɔr kuberi her ke gate’n è ngain ke njè mong dè kum kei m’unde’n kem̂ ɓee-bò ke Sion. Nanan ke unde kem̂’n dènn’t ɓaa à ndi dann rasɔl’t ndan lé.»