Jacques 2:19 - Nouveau Testament en Gulay 2004

¹⁹ I gir titeke Nube è karé bere luk-luk. Tàgir lei aw loon’t kuwe. Nè ndilge ke majelé géa giri kem̂ de’t titeke bè tɔ, nè ɓel ra de ade ndebi nginn-nginn.

Jacques 2:19 ပူးပေါင်းရင်းမြစ်များ

Matthieu 8:29

Dingemge nè nga tami se ndu de ke bòi beng edi nè: – I Jésu nga ké usi ri ra jé’t wa? Ké i ree le ra kum jé ndoo ɓá ta wa?

Marc 1:24

– Ké usi ri ra jé’t wa? I Jésu ke Nazareth. Ké i ree le tuju jè kɔke ta wa? Man m’geri mbak, i i ke njè maje kɔr njêt le Nube.

Marc 12:29

Jésu tel ile doo nè dè’t ede nè: – Sei Israelge, uri mbi si maje ooi gute-ndu ke desêin ke dum dè madege malang á tò nè: «Kuwe-ɓee Nube le jéi kuwe è Nube karé bere luk-luk.

Marc 5:7

E tam tà se ndu’n ke bòi ede nè: – Ké usi ri ram’t wa? I Jésu Ngonn Nube ke Njèndi sêm danran’t. M’ndêti se ri Nube le kade i ra se’m ndáng lé.

Marc 7:9

Jésu aw se de ke kété-kété ede nè: – Kerɔte kuwe, sei surei go ndukunnge le Nube inyei tede le liger dè nyangirkà’t le si tá lagr-lagr.

Tà ke Maje ke Luc ndang 4:34

– Hai, Jésu ke Nazareth! Ké usi ri ra jé’t wa? Ké i ree le tuju jè kɔke ta wa? Man m’geri mbak: i i njèkawkule le Nube ke è kuwe ɔri undei se ninn’n gai.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Nyanra Njekawkulege 16:17

Ngonn ke dinye nè nga tɔse ngire gande jé se Paul ndêng-ndêng. E ra nyan go jé’t kaláng-kaláng ede nè: – Dooge nè nga ei ɓer kulege le Nube ke njèndi sêm danrán’t. Ei reei ilei mber rebe kaje adi sei.

Nyanra Njekawkulege 19:15

Nè ndɔ karé bè, ndil ke majelé ede ngann le scéva ede nè: – Jésu ɓaa, m’ger’n mbak, Paul géa m’ger’n a tɔ. Nè ké sei sei nange wa?

Nyanra Njekawkulege 24:25

Paul unn gir tam tà ede nè: – Nube ndige kade dooge rai nyan se dè naje’n a, kade undei kumkunju dè ra de’t a tɔ, ɔji dè tà ke Nube à gang dè de’t ndɔ ke rang. Ɓel unde Félix ndàt gang’n ade tel ede Paul ede nè: – Ɔte aw ɗarinè ɓanm. Ndɔ ke m’inge kurloo ndêin ɓaa, m’a m’tel ɓari gugu rang ɓai.

Nje Ke Rome 3:30

Kerɔte kuwe, Nube nga è kuwe se kar’n bere luk-luk á è Nube. E ke karé nè kuwe á à ɔr tà dè Juipge’t a, à ɔr tà dè njé ke ei Juipge lé a tɔ, takul kundekêm.

1 Nje Ke Corinthe 8:4

Ndɔ ke kété sei deji man edi nè: Ké j’ase kuse dan ke dé gugu’n magege nga wa? Jè ger maje titeke mage karé bè goto dè nang nè a, jè ger njai titeke Nube kuwe se kar’n bere luk-luk m Nube ke rang goto a tɔ.

1 Nje Ke Corinthe 8:6

Nè jèi ɓaa, jè geri titeke Nube Bɔ jéi kuwe karé bere luk-luk á è Nube. E á unde nyange malang a, jè ndii kumgajer takul’n a tɔ. Jésu-Krist kuwe karé bere luk-luk á è Kuwe-ɓee. E se takul’n á nyange malang tooi tutu a, è se takul’n á jè ndii kumgajer a tɔ.

Nje Ke Galatie 3:20

Loo ke doo è se kar’n luk-luk ɓaa à aw ndoo njè nda dann de’t lé, tede Nube è se kar’n bere luk-luk.

1 Timothee 2:5

Nube è karé bere luk-luk, njè nda dann Nube’t se dooge géa è karé bere luk-luk a tɔ. Doo nè nga è Jésu-Krist.

Jacques 2:8

Kerɔte kuwe, gute-ndu ngar ke dé ndang kem̂ Magtub’t d’ede nè: «I tár doo ndul madi titeke i tár’n danrai i kuwe bè» nga, ke nè á i rai ɔri son’n njêt ɓaa, sei rai maje.

Jude 1:4

Dooge ke nange uri dann si’t se go ngein. Tà ke ɔje dè kem̂noje le Nube le jéi nga, ei turi ilei gel tede le ra’n nyange ke pás-pàs. Dé dooge nè nga, dé mbate Jésu-Krist, Ngar le jéi se Kuwe-ɓee jéi ke karé bere luk-luk nga sár. Gangtà ke dé ndang tà’n kété mari d’ɔje’n dè de nga tò ngine de tchên.

Jude 1:6

Adi kem̂ si olé dè dooge ke danrán ke mbati ngonmi riɓar ke d’ule dè de’t a, ke ndɔ ke inyei loo ndi de ke ɔje dè de. Nube ngonm de dann loo ke ndul ndin-ndin’t se sul ji de’t se nja de’t dangai’t sár se non ngine’n ndɔ gangtà ke bò.

Lookilera’n 20:10

Njè tête tà kunde tà dooge’t se njè libe kum de nga, d’uwe’n d’ile’n patak dann por nyan ke ker jengleng, ke on se laa’n bilm-bilm nga, ndɔ ke kété d’ile dan se njè ra ra’n ke njèribe-dè-tàge ke tà Nube’t danné. D’a d’ade nyantosowur à ra de kada a, ndɔɔ a, se ɓal-ɓal sár se non.