Jacques 2:18 - Nouveau Testament en Gulay 2004

¹⁸ Nè doo karé à tam kede nè: «I, i ndi se kundekem̂ a, man m’aw se kule rage a tɔ.» M’a m’tel deje’n kede nè: «I tɔje’m kundekem̂ lei ke anje ra kule dè’t nga ade m’an ɓaa, man géa m’a m’tɔji kundekem̂ le’m se kulege ke m’ra dè’t kade an tɔ.»

Jacques 2:18 ပူးပေါင်းရင်းမြစ်များ

Nje Ke Rome 14:23

Nè doo ke kêm’n nda geng dè nyankuse’t ɓaa, Nube gangtà dènn’t ɓá ta, tede è ra nyan se kundekêm lé. Nyan ke doo ra se kundekêm lé nga è kaiya.

Nje Ke Rome 3:28

Jè ger kêm jé’t titeke Nube ɔr tà dè doo’t takul kundekêm le’n m takul ra ke è ra nyan malang ke gute-ndu ɔje nga lé.

Nje Ke Rome 4:6

Titeke bè á David géa tam tà ɔje’n dè ranel le doo ke Nube ɔr tà dènn’t nal mbɔje nyan rannge. David tam ede nè:

Nje Ke Rome 8:1

Njé ke umi nan’t bɔk se Jésu-Krist nga, ɗarinè tà karé bè géa uwe dè de lé ta.

Nje Ke Rome 9:19

Bainléa doo karé dann si’t à deje’m kede nè: «Né è titeke bè ɓaa, ké bain á Nube in se jéi dè ra majelé’t nga taɓai wa? Ké nan asekum kɔge’n dè ra nyan ke kêm’n ndige’t nga wa?»

1 Nje Ke Corinthe 13:2

Ke nè á m’aw se nyan-noje ke ɔje dè ribe dè tà ke tà Nube’t, m’ase ger nyange malang ke tooi loo ɓɔyɔ de’t éké m’aw se nyanger ke deri éké m’ase le kaw se kundekêm ke deri tede kɔr’n mbal se girson’n bere géa, ke nè á tár nan goto kêm’t ɓaa, m’ee nyan ke karè.

2 Nje Ke Corinthe 5:17

Ke nè á doo karé um nan’t bɔk se Krist ɓaa, è tel è doo-kunde ke kige. Ɓuge nyange ke mari tugei gangi ɓá, an! nyange malang teli ei ke kige.

2 Nje Ke Corinthe 7:1

Ngakonmge, Nube kuwe unn ndu’n ade jèi titeke bè. Bè ɓaa, ade j’utei ra jéi mbeng dè nyange malang ke mine le danra a, le tàgir a tɔ. Adi jè tooi se ninn jéi tede jèi dooge ke jè ɓeli Nube.

Nje Ke Galatie 5:6

Kuje tà mɔte éké kuje tà mɔte lé, è nyan ke liriri tede le doo ke um nan’t bɔk se Jésu-Krist. Nè nyan ke è ngarankum nyan nga, è kundekem̂ ke ra kule dè tár nan’t.

1 Timothee 1:5

Gir ndukunn nè nga è le kɔse gir tár nan se kem̂nda káng ke in dè tàgir ke maje ke kem̂’t se dè kundekem̂ dè Nube’t ke get nal kede gos kade ra tɔge ke kété-kété.

Tite 2:7

I géa, maje kade i nyan-tɔje le de se go nyanraige ke maje. I ndó de nyan ke unju nyang-nyang le kade d’ile koje dè’t.

Hebreuge 11:31

Rahab, kaiya dinye unde kem̂’n dè Nube’t á ndɔ ke dé tɔl’n se njékaltàge tà Nube’t lé. E uwe njé gon looge ke rann’t ra de mba se kem̂lom.

Hebreuge 11:33

Dooge nè malang undei kem̂ de dè Nube’t á ndɔ ke têti rɔ ɓeekonge a, rai nyan ke se dè naje’n a, ingei nyange ke ndɔ ke Nube unn’n ndu’n ade de a, uwei tà toboige a tɔ.

Hebreuge 11:6

Ke nè á kundekem̂ goto ɓaa, doo asekum taa kum Nube ndan lé. Doo ke age ngɔr ke ra Nube’t tede kum se’n nan’t bɔk nga, gar-gar maje kade ger titeke Nube ndi tutu. Nube à uge dè ji njé ke sangi nin se kem̂nda káng nga.

Jacques 2:14

Ngakonmge, ke nè á doo karé tam ede nè: «M’unde kem̂’m dè Nube’t» anje ra kule dè’t ɓaa, ké kundekem̂ le’n nè nga à kaje’n wa?

Jacques 3:13

Ké nan dann si’t á è njèkumkunju a, njègos nyanger a tɔ wa? Ke nè á njè kumkunju éké njègos nyanger è dann si’t ɓaa, maje kade ra nyange ke maje a, aw lom-lom a tɔ.