Jacques 2:17 - Nouveau Testament en Gulay 2004

¹⁷ Kundekem̂ nga géa è titeke bè tɔ. Kundekem̂ ke anje ra nyan karé dè’t nga tò asenan se nyan ke wei se dè ra’n ɓá bè.

Jacques 2:17 ပူးပေါင်းရင်းမြစ်များ

1 Nje Ke Corinthe 13:13

Ɗarinè, nyange ke mute nè á nain-in: kundekêm a, kundekêm tchên a, se tár nan a tɔ. Nè tár nan á dum dè nyange ke mute nè nga mbak.

1 Nje Ke Corinthe 13:3

Ke nè á m’kai nyankingemge malang m’ade dooge gaje’n karé-karé éké m’inye ra’m m’ade dé ró se por tede kunde’n kàde’m karè nal kade tár nan tò kêm’t ɓaa, nyan karé ke è soom’t tutu goto.

Nje Ke Galatie 5:6

Kuje tà mɔte éké kuje tà mɔte lé, è nyan ke liriri tede le doo ke um nan’t bɔk se Jésu-Krist. Nè nyan ke è ngarankum nyan nga, è kundekem̂ ke ra kule dè tár nan’t.

1 Nje Ke Thessalonique 1:3

Non Bɔ jéi Nube’t nga, kem̂ jé olé dè kule ke sei rai dè kundekem̂’t le si. Kem̂ jé olé dè ra si ke ulei ndibe dè tár nan’t a tɔ. Non Bɔ jéi Nube’t nga, kem̂ jé olé dè korè tà njak le si dè kundekem̂ tchên dè Kuwe-ɓee le jéi Jésu-Krist nga a tɔ.

1 Timothee 1:5

Gir ndukunn nè nga è le kɔse gir tár nan se kem̂nda káng ke in dè tàgir ke maje ke kem̂’t se dè kundekem̂ dè Nube’t ke get nal kede gos kade ra tɔge ke kété-kété.

Jacques 2:14

Ngakonmge, ke nè á doo karé tam ede nè: «M’unde kem̂’m dè Nube’t» anje ra kule dè’t ɓaa, ké kundekem̂ le’n nè nga à kaje’n wa?

Jacques 2:26

Kerɔte kuwe, danra ke kebe goto kem̂é nga tel è ninn ta. Kundekem̂ ke anje ra kule dè’t nga géa, tel è ninn titeke bè tɔ.