Jacques 2:16 - Nouveau Testament en Gulay 2004

¹⁶ Bainléa doo karé dann si’t ede de ede nè: «Awi i ndii se kem̂lom, ulei kubu ra si’t, usei nyan i ndanni a tɔ» nal kade adi de nyange ke awi ndoo’n le ndii kumgajer nga ɓaa, ké ri á à è soo’t tede le de wa?

Jacques 2:16 ပူးပေါင်းရင်းမြစ်များ

Matthieu 15:32

Jésu ɓar njékuwe-girnge rann’t ede de ede nè: – Man m’an kumndoo le doobulege nè nga. An-in! ei ndii se’m ase ndɔ mute nè ingei nyan usei lé. Man m’ndige le kinye de kade awi kêm de ɓo lé nè bainléa kumkil à ra de rebe.

Matthieu 25:35

Kerɔte kuwe, ndɔ ke ɓo ra’m ɓaa, sei adi man nyan m’use. Ndɔ ke kunde mann tɔl’m ɓaa, sei adi man mann m’an-in. Ndɔ ke m’ee doo ke dɔ ɓaa, sei uwei man ke ra si’t.

Matthieu 25:36

Ndɔ ke m’njiye ra’m karè ndát-ndát ɓaa, sei adi man kubu m’tule ram’t. Ndɔ ke ra’m tur’m ɓaa, sei ilei kum si dèm’t. Ndɔ ke m’tò dangai’t ɓaa, sei reei an-in man.»

Marc 5:34

Nè Jésu ede dinye nè nga ede nè: – Yaa, ratur lei ɔr dèi’t ɓá tede kêmi ke unde dèm’t. Aw se kêmlom, ratur nè nga à tel rai gugu ndan lé ta.

Nje Ke Rome 12:9

Maje kade tár nan le si è ngarankum tár nan. Ɔri nyan ke majelé njêt. Nè i ligri dè nyanra ke maje’t lagr-lagr.

2 Nje Ke Corinthe 8:8

E ndukunn á m’unn m’ade sei lé. Nè è ser rakɔlé le dooge ke rang á m’unn ke nyan-tɔje le kade i teri tár nan le si an-in ké è ngarankum tár nan ke get kuwe wa?