Jacques 2:14 - Nouveau Testament en Gulay 2004

¹⁴ Ngakonmge, ke nè á doo karé tam ede nè: «M’unde kem̂’m dè Nube’t» anje ra kule dè’t ɓaa, ké kundekem̂ le’n nè nga à kaje’n wa?

Jacques 2:14 ပူးပေါင်းရင်းမြစ်များ

Matthieu 5:20

Kerɔte kuwe,man m’ede sei ndàt, ke nè á nyanra si ke se dè naje’n dum dè le njéndang-magtubge se pharisienge lé ɓaa, sei a kilei nja si kêm Konɓee ke danrán nga ndan lé.

Tà ke Maje ke Luc ndang 3:11

E tel ile de dè’t ede nè: – Ke nè á doo karé dann si’t aw se kubu joo ɓaa, maje kade unn karé ade doo ke le’n goto. Doo ke inge nyankuse géa, maje kade ra titeke bè tɔ.

Tà ke Maje ke Luc ndang 6:49

Nè nanan ke oo tàge le’m nal ra nyan’n ɓaa, tò asenan se doo ke unde gir kei dè nyeenger’t anje nder bolè kade heb ɗak. Loo ke ndi ede ndai-ndai ade mann’n ule gangang-gangang gir kei’t nè ɓaa, ke loon’t nè kuwe-kei nè oso tête ɗêk-ɗêk.

Nyanra Njekawkulege 15:9

E ɔr ninn jéi se de gai lé, è ɔr se-nyange ke mine ngarankêm de’t takul kêm de ke d’unde dènn’t.

Nyanra Njekawkulege 8:13

Simon nga géa unde kêm’n dè tà’t le Philippe tɔ. Loo ke d’ule’n manné njonm ɓá ɓaa, è liger go Philippe’t lagr-lagr. Ndil’n tee an-in soin-soin dè nyan-tɔjege se nyankɔbege ke bòii ke Philippe ra ade an se kum’n.

Nyanra Njekawkulege 8:21

Nyan-noje le Nube nè nga, kuberi’n éké gaje’n ke ndêin bè ke ɔje dèi goto dann tà’t nè, tede ɓengrei nda se Nube lé.

Nje Ke Rome 2:25

Kerɔte kuwe, ke nè á an dè gute-ndu sêw-sêw ɓaa, kuje tà mɔte è nyan ke maje. Nè ke nè á altà tà gute-ndu’t ɓaa, kuje tà mɔte lei tel è nyan ke raikarè.

1 Nje Ke Corinthe 15:2

Ke nè á i taai Tà ke Maje ke m’ile mber’n made sei nga se loo too’n mêngêng ɓaa, a aji. Ke nè á è bè lé ɓaa, kundekêm le si ayé k’ee nyan ke raikarè.

1 Nje Ke Corinthe 16:22

Ke nè á doo karé ndige Kuwe-ɓee Jésu lé ɓaa, maje kade Nube ɔr’n kɔke dann kosdooge’t le’n. Marana tha, Kuwe-ɓee le jé ree!

Nje Ke Galatie 5:13

Ngakonmge, sei nga dé ɓar sei le kade i ndii dè si pal. Nè maje kade edi gos dè ndi dè pal’t nè nga le ra’n nyange le danra karè lé. I rai ɓer le nan tede tár ke sei tári nan nga.

Nje Ke Galatie 5:6

Kuje tà mɔte éké kuje tà mɔte lé, è nyan ke liriri tede le doo ke um nan’t bɔk se Jésu-Krist. Nè nyan ke è ngarankum nyan nga, è kundekem̂ ke ra kule dè tár nan’t.

1 Nje Ke Thessalonique 1:3

Non Bɔ jéi Nube’t nga, kem̂ jé olé dè kule ke sei rai dè kundekem̂’t le si. Kem̂ jé olé dè ra si ke ulei ndibe dè tár nan’t a tɔ. Non Bɔ jéi Nube’t nga, kem̂ jé olé dè korè tà njak le si dè kundekem̂ tchên dè Kuwe-ɓee le jéi Jésu-Krist nga a tɔ.

1 Timothee 1:5

Gir ndukunn nè nga è le kɔse gir tár nan se kem̂nda káng ke in dè tàgir ke maje ke kem̂’t se dè kundekem̂ dè Nube’t ke get nal kede gos kade ra tɔge ke kété-kété.

1 Timothee 4:8

Ndaje ngire ra è nyan ke maje kuwe, nè maje tede le nyange malang lé. Nè kile koje dè Nube’t ɓaa, maje tede nyange malang. Takul kile koje dè Nube’t nga, j’inge’n kunn-ndu ke ɔje dè ndikumgajer ɗarinè a, kem̂ ndɔge ke à reei ɓai a tɔ.

Tite 1:16

Dooge nè nga tami edi nè: N’geri Nube, nè nyanra de ɔrgir de titeke dé ger Nube ndan lé. Dooge nè nga ei dooge ke tooi yêr tàkum Nube’t. Dé njé dum nange, d’ase ra nyan ke maje karé bè géa lé.

Tite 3:8

Tà nè nga, è tà kerɔte. Man m’ndige kade oré kage dè tà’t nè nga tede kade njé ke undei kem̂ de dè Nube’t awi kum de ke kété-kété dè kule rage ke maje’t. Tà nè nga è Tà ke Maje ke à ra se dooge malang.

Hebreuge 11:17

Takul kundekem̂ á ndɔ ke Nube nan’n kem̂ Abraham ade unn’n Isaac ke nyankuje-mese ade’n. Isaac è ngonn dagi ke ndɔ ke Abraham oje’n se go kunn-ndu le Nube. Nè né è bè géa, è unn’n ade Nube ke nyankuje-mese.

Hebreuge 13:9

Inyei loo adi njéndó dooge nyan ke se ri de-ri de ke rang libi kum si lé. Nyan ke soo’t ɓaa, è noje ke Nube uwe se jéi á ule dingem kem̂ jéi’t m è ndukunnge ke ɔje dè nyankusege lé. Nè dooge ke ilei koje dè ndukunnge ke ɔje dè nyankuse nè nga, nyan karé ke è soo de’t tutu goto sár.

Jacques 1:16

Sei kotárge le’m, adi kum si sú sei dè tà’t nè nga lé.

Jacques 2:16

Bainléa doo karé dann si’t ede de ede nè: «Awi i ndii se kem̂lom, ulei kubu ra si’t, usei nyan i ndanni a tɔ» nal kade adi de nyange ke awi ndoo’n le ndii kumgajer nga ɓaa, ké ri á à è soo’t tede le de wa?

Jacques 2:18

Nè doo karé à tam kede nè: «I, i ndi se kundekem̂ a, man m’aw se kule rage a tɔ.» M’a m’tel deje’n kede nè: «I tɔje’m kundekem̂ lei ke anje ra kule dè’t nga ade m’an ɓaa, man géa m’a m’tɔji kundekem̂ le’m se kulege ke m’ra dè’t kade an tɔ.»

Jacques 2:26

Kerɔte kuwe, danra ke kebe goto kem̂é nga tel è ninn ta. Kundekem̂ ke anje ra kule dè’t nga géa, tel è ninn titeke bè tɔ.

2 Pierre 1:5

Gir’n ke nè á utei ra si kalang le rɔti nyanra ke maje tà kundekem̂’t le si. Taɓai utei ra si kalang le rɔti gos nyanger tà nyanra ke maje’t a tɔ.