Jacques 1:6 - Nouveau Testament en Gulay 2004

⁶ Nè gar-gar, maje kade i deje’n nyan se kundekem̂ m i naje se rai lé. Doo ke naje se ra’n nga è doo ke kem̂’n è joo. Doo ke kem̂’n è joo nga tò asenan se kɔr mann ke tal bungus-bungus ke nel ɔr’n aw se’n yo-yo, nè-nè bè.

Jacques 1:6 ပူးပေါင်းရင်းမြစ်များ

Matthieu 14:28

Pierre tel ede Jésu ede nè: – Kuwe-ɓee, ke nè á è i kerɔte ɓaa, unn ndui ade m’in m’njiye dè mann’t m’aw rai’t.

Nyanra Njekawkulege 10:20

In dɔ kalang, i rise nang aw se de nal tile mbɔr tede è man kuwe á m’ule de.

Nje Ke Ephese 4:14

Titeke bè á j’à teli tooi kasi nan se ngannge lé. Tede ngannge nga njé tà ke raikarège se njé libe kum dooge in-in ndói de nyange ke pás-pàs ade ndemi. Ngannge nga tooi asinan se bato ke nel ɔse’n aw se’n yo-yo, nè-nè bè.

1 Timothee 2:8

M’lanm lé; è Nube kuwe ɔr’m unde’m ke njèkile mber le’n. Man m’ndige le kade dingemge ɔyi ji de ke unju nyang-nyang ke danrán ɔji tà se Nube se loo malang se kem̂nda káng anje ra wong se naje tà.

Hebreuge 10:23

Kundekem̂ tchên le jéi ke j’ilei mber’n nga, ade j’uwei gan-gan anje kade kem̂ jéi tête mann. Oiyo, Nube à ra nyan ke è unn ndu’n le ra nga kuwe. Adi j’umi kem̂ jéi dènn’t bɔk-bɔk.

Hebreuge 11:6

Ke nè á kundekem̂ goto ɓaa, doo asekum taa kum Nube ndan lé. Doo ke age ngɔr ke ra Nube’t tede kum se’n nan’t bɔk nga, gar-gar maje kade ger titeke Nube ndi tutu. Nube à uge dè ji njé ke sangi nin se kem̂nda káng nga.

Hebreuge 13:9

Inyei loo adi njéndó dooge nyan ke se ri de-ri de ke rang libi kum si lé. Nyan ke soo’t ɓaa, è noje ke Nube uwe se jéi á ule dingem kem̂ jéi’t m è ndukunnge ke ɔje dè nyankusege lé. Nè dooge ke ilei koje dè ndukunnge ke ɔje dè nyankuse nè nga, nyan karé ke è soo de’t tutu goto sár.

Jacques 1:7

E soo’t kade doo ke titeke bè nga gir kem̂n’t ede nè n’a n’inge nyan karé ji Kuwe-ɓee’t lé.

Jacques 5:15

Ke nè á ngatɔgege ɔji tà se Nube kerɔte ɓaa, Nube à unn njèratur nè kur’n dɔ. Ke nè á njèratur nè ra majelé ɓaa, Kuwe-ɓee à ade kem̂’n à tin mbit dènn’t.

2 Pierre 2:17

Dé dooge nè nga dé tite bolè mann ke mann ii tutu san-san bè a, dé tò asenan se bum ke ɗise tunn-tunn ke nel bò ɔr’n aw se’n bè a tɔ. Nube uwe dè nja loo ke ndul ndin-ndin unde konn ngine’n de.