Jacques 1:25 - Nouveau Testament en Gulay 2004

²⁵ Nè doo ke ter gute-ndu ke maje ɔr njêt ke njè kade jè ndii dè jéi pal nga, nda dè’t njáng ra nyan’n, oo ade kem̂’n wei nal sêl dè’t lé ɓaa, doo nè nga ra’n à nel’n dè kule rann’t kuwe.

Jacques 1:25 ပူးပေါင်းရင်းမြစ်များ

Tà ke Maje ke Luc ndang 11:28

Nè Jésu ile’n dè’t ede nè: – Nè dooge ke ra de à nel de ke get-get nga, è njé ke ooi tà le Nube a, an-in dè sêw-sêw a tɔ.

Jean 13:17

Ɗarinè sei geri nyange nè nga ɓá. Ke nè á i rai de se ndɔ si-ndɔ si ɓaa, ra si à nel sei kuwe.

Jean 8:36

Ke nè á man Ngonn á m’ade i ndii dè si pal ɓaa, a i ndii dè si pal kerɔte kuwe.

Nyanra Njekawkulege 13:43

Loo ke gir kebe nan gang ɓá ɓaa, Juipge ngain se njé ke ei Juipge lé ke ɗɔyi Nube ndoléi go Paul se Barnabas. Paul se Barnabas oji se de tà a, ndeji de le kade dé liger dè noje’t ke Nube uwe se de ke kété.

Nyanra Njekawkulege 2:42

Njétaakêm-Kristge malang uri mbi de tchên ooi tàge ke dé ndó de se ndɔ karé-karé. D’um nan’t bɔk tite ngakon nange se kon nannge bè. D’on mur nan’t a, d’ɔje tà se Nube nan’t a tɔ.

Nyanra Njekawkulege 26:22

Nè Nube è der-gir’m sár tee ɓila á m’nda m’a m’ile’n mber m’ade ngann dooge a, se dooge ke tɔgi a tɔ. Nyan ke ndɔ ke njéribe-dè-tàge ke tà Nube’t se Moise tami edi nè à ree gar-gar á m’tam tà’n m m’tam tà ke gai lé.

Nje Ke Rome 11:22

An! Nube è njè ra kêm-maje a, è njè ra ngang a tɔ. E ra ngang ngain se njé ke osoi. Nè i ɓaa, è ra sei kêm-maje. I géa, ke nè á unde kêmi dè kêm-maje’t le Nube lé ɓaa, d’ade tugei gangi tite balkum kage ke kêm ndɔr’t nè nga bè tɔ.

Nje Ke Rome 2:13

Dooge ke Nube ɔr tà dè de’t nga, ei njé ke dé tute gute-ndu d’ade ooi se mbi de karè lé. Nè Nube ɔr tà dè dooge ke rai nyange ke gute-ndu ɔje.

Nje Ke Rome 7:12

Titeke bè ɓaa, gute-ndu è nyan ke tò se ninn’n, ndukunn géa è nyan ke tò se ninn’n a, è nyan ke se dè naje’n a, è nyan ke maje a tɔ.

Nje Ke Rome 8:15

Ndil ke sei ingei nga à ra sei ɓer kade i teli osoi dann ɓel’t lé ta, nè à tel sei ke ngann Nube. Takul Ndil nè á jè ɓari Nube j’edi nè: «Abba!» tel se tà koje jé ɓaa è «Ɓɔ jé!»

Nje Ke Rome 8:2

Ɗarinè jè ndii kumgajer gir gute-ndu’t le Ndil-Kêmnda takul kum ke j’umi nan’t bɔk se Jésu-Krist. Gute-ndu le Ndil-Kêmnda nga ɔr’m ɓee ɓer’t le majelé ke aw se’m ke tà yo’t.

1 Nje Ke Corinthe 15:58

Titeke bè á, ngakonmge ke m’tár sei ngain, i ndai dè nja si’t njáng m i lengi lé. Awi kum si ke kété-kété dè kule’t le Kuwe-ɓee. Sei geri mbak titeke kule le Kuwe-ɓee ke sei ulei ra si ndibe i rai adi Krist nga à tel k’ee nyan ke raikarè lé.

2 Nje Ke Corinthe 13:5

I nain ra si sei an-in ké i ndii dann kundekêm’t ɓai wa? I teri kêm si sei kuwe an-in ké i geri njai titeke Jésu Krist ra ɓee kêm si’t kuwe wa? Ke nè á sei kuwe i nan-in kundekêm le si an-in lé ɓaa, ndɔn’t a i ndi dann rasɔl’t.

Nje Ke Galatie 2:4

Ke nè á ndɔ ke Tite ade d’uje tà mɔte’n ɓaa, è tede tà le dooge ke nange ke rai ra de ke njétaakem̂-Kristge ke turi dann jéi’t se go ngein. Ei turi dann jéi’t se go ngein le teri ké ndi dè pal le jéi ke j’ingei ra Jésu-Krist’t tò titeke bain wa? Ei rai bè le teli jèi ke ɓerge gugu taɓai. Nè j’ule dè jé j’ade dooge nè nga lé a,

Nje Ke Galatie 5:1

Krist taa jèi ji ɓer’t inye jèi dɔ ɗarinè tede le kade jè ndii dè jéi pal kerɔte. I ndai dè nja si’t njáng m adi dé tel d’ile kule ɓer kɔbe si’t gugu lé ta.

Nje Ke Galatie 6:2

I taai nyankoto ke wɔi dè nan’t. Titeke bè á a i rai gute-ndu le Krist nga tɔli mbas.

Nje Ke Colosses 1:23

I bai nja si nang mong dè kundekem̂ dè Nube’t anje kage ndêr ke rang dè Tà ke Maje ke ndɔ ke ooi kété nga. Tà ke maje nè nga è nyan kundekem̂ tchên dè’t lé jéi. Tà ke Maje nè nga d’ile mber’n d’ade nyankundege malang ke dè nang nè. Man Paul géa m’ee ngonn njèkule le Tà ke Maje nè nga kuwe tɔ.

1 Timothee 2:15

Nè né è bè géa, d’a d’ade dinye à aje loo koje ngannge’t ke nè á è nda njáng dè kundekem̂ se dè tár nan’t se dè ra ke unju nyang-nyang a, se dè nal ti ra’t a tɔ.

1 Timothee 4:16

An go rai sêw-sêw a, unde kumkunju dè rai’t ɔje dè nyan ke i ndi a i ndó dooge. Ke nè á i nda njáng dè nyange’t nè ɓaa, i kuwe a aje’n rai a, a aje’n njé ke i ndi a i ndó de nyan nga a tɔ.

Hebreuge 12:15

An-in go ra si maje le kade doo karé bè géa tel uwe ndube kem̂noje le Nube nga lé ta. Taɓai undei kumkunju dè ra si’t tede kade ngire wurkate ke ase tuju dooge ube dann si’t lé, nè bainléa ngire wurkate nè nga à kin tuju dooge bule ngain.

Jacques 2:12

Bè ɓaa, i tami tà á in-in i rai nyan’n a tɔ. Sei sei dooge ke d’a gangtà dè si’t se go gute-ndu ke ade i ndii dè si pal nga gar-gar.

1 Pierre 2:16

I njiyei asinan se dooge ke ndii dè de pal. Edi gos dè ndi dè pal’t le ra’n nyange ke majelé lé. Nè sei i ndii dè si pal le ra ɓer le Nube.

1 Jean 2:24

Nè sei ɓaa, tà ke ndɔ ke ooi kété mari ke desêin nga, adi urkei kem̂ si’t. Ke nè á tà nè urkei kem̂ si’t ɓaa, sei umi nan’t bɔk se Krist a, se Bɔ’n Nube a tɔ.

Lookilera’n 14:13

Go’t gugu ɓaa, m’oo ndu doo ɓar danrán ede nè: «I ndang tà nè: njé ke umi nan’t bɔk se Kuwe-ɓee á weii nga, ɗarinè ndii dann ranel’t ta.» Ndil tam ede nè: «Oiyo, maje kade dé taa kebe dè kule ra ndibe loo kulege’t le de kerɔte kuwe, tede kule nyanra de ke maje nga à utu go de.»

Lookilera’n 22:14

Njé ke togoi kubu le de ke bòi yul-yul nga, ra de à nel de kuwe. Ei asikum kuse kann kage ke doo à ndii’n kumgajer nga a, à asi kingei tà rebe kaw kem̂ ɓee-bò’t nè nga a tɔ.