Jacques 1:22 - Nouveau Testament en Gulay 2004

²² Adi kum si sú sei lé. Tà ke Maje ke ooi nga, i rai nyan’n se ndɔge malang m ooi ke koo karè lé.

Jacques 1:22 ပူးပေါင်းရင်းမြစ်များ

Matthieu 12:50

Nanan ke ra nyan ke kêm Bɔ’m ke danrán ndige ɓaa, è nè nga è tite ngokon’m ke dingem se kon nann’m se kon’m ke get a tɔ.

Matthieu 28:20

I ndói de loo kile koje dè ndukunnge malang ke kété m’unn m’ade sei nga. An-in! man nga géa m’a m’ee der gir si se ndɔ karé-karé malang sár ndɔ ke ngeinn’t.

Tà ke Maje ke Luc ndang 11:28

Nè Jésu ile’n dè’t ede nè: – Nè dooge ke ra de à nel de ke get-get nga, è njé ke ooi tà le Nube a, an-in dè sêw-sêw a tɔ.

Jean 13:17

Ɗarinè sei geri nyange nè nga ɓá. Ke nè á i rai de se ndɔ si-ndɔ si ɓaa, ra si à nel sei kuwe.

Nje Ke Rome 2:13

Dooge ke Nube ɔr tà dè de’t nga, ei njé ke dé tute gute-ndu d’ade ooi se mbi de karè lé. Nè Nube ɔr tà dè dooge ke rai nyange ke gute-ndu ɔje.

1 Nje Ke Corinthe 15:33

Kêm si dè ra si’t. «Uwei made nan se dooge ke nyanra de majelé lé, nè ei njé tuju hal ke maje kɔke.»

1 Nje Ke Corinthe 3:18

Maje kade doo karé bè ade kum’n sú’n dè tàge’t nè nga lé. Ke nè á doo karé dann si’t an ra’n ke njèkumkunju ke dè nang nè ɓaa, maje kade tel mbe tá à è njèkumkunju ke get ɓai.

1 Nje Ke Corinthe 6:9

Njé ra nyange ke se dè naje’n lé nga à ingei loo kêm Konɓee’t le Nube lé. Ké sei geri bè lé wa? Adi kum si sú sei lé: Njé tò se nan ke kaiya’t, njé gugu magege, njé sang dinyege éké dingemge ke rang, njé tel ra de ke dinyege, dingemge ke sangi dingemge made dege tooi se de ke dinyege,

Nje Ke Galatie 6:3

Ke nè á doo karé ke è doo ke raikarè gir kem̂n’t ede nè: N’ee doo ke n’ase ɓaa, è kuwe sú kum ra’n.

Nje Ke Galatie 6:7

Adi kum si sú sei dè tà’t nè nga lé: Doo à ule mbe dè Nube’t lé, tede nyan ke doo dubu nga à uje kann’n kuwe.

Nje Ke Philippes 4:8

Ngakonmge, gute nyange ke nain á tooi nè: Nyan ke è nyan ke get, éké riɓar éké nyan ke se dè naje’n éké nyan ke unju nyang-nyang éké nyan ke taa kum dooge ɗekm éké nyan ke maje dum éké nyan ke kum kinge pite tò tutu ɓaa, uwei kem̂ si mong dè’t.

Nje Ke Colosses 3:17

Nyan ke rara ke a i rai, né è tà tam si éké nyanra si géa, i rai se ri Kuwe-ɓee Jésu. I rai Bɔ jéi Nube oiyo se takul’n è Krist.

2 Timothee 3:13

Nè njé kem̂ majelége se njé libe kum dooge à awi kum de ke kété-kété dè majelé’t. Njé kem̂ majelége se njé libe kum dooge nè nga à súi dooge le kade ndemi a, ei kuwe géa à ndemi a tɔ.

Tite 3:3

Jè géa, kété jè njé kem̂ tɔ kuju tà lége, njé dum nange tà Nube’t a, njé ndemge a tɔ. Jè nga kété jè ɓerge le ngur nyange ke gai-gai a, jè njé ra majelége se njé kem̂keinge a, jè njé kɔr nan njêtge a tɔ.

Jacques 1:26

Ke nè á doo karé dann si’t an ra’n ke njè ger Nube, nè è ger loo kule aljem̂ tann’t lé ɓaa, è sú kum ra’n è kuwe. Ger Nube le doo nè nga tel è nyan ke raikarè.

Jacques 4:11

Ngakonmge, i tami tà ke majelé se nan lé. Doo ke tam tà ke majelé se ngokon’n ke njètaakem̂-Krist éké gangtà dènn’t ɓaa, è tam tà ke majelé dè gute-ndu’t a, gangtà dè gute-ndu’t a tɔ. Ke nè á i gangtà dè gute-ndu’t ɓaa, i njèkan dè gute-ndu sêw-sêw lé ta, nè i tel i njègangtà dè gute-ndu’t.

Jacques 4:17

Loo ke doo karé ger nyan ke maje ke kum ra, nè è ra lé ɓaa è ra majelé.

2 Pierre 2:13

Nyanra ke se dè naje’n lé le de nga, kure’n à ɔde kum de ɓai. Nyanrage ke pás-pàs ke d’ule ra de tutu mbiriri dann kada ndái-ndái nga, d’an ke nyan ranel le de. Dé dooge ke ra de ɔr ɓál a, mine a tɔ, loo ke dé ndii’n se si tà nyankuse tár nan’t. Libe ke dé libe kum si loo nyankuse’t nga, d’an ke nyan ranel.

1 Jean 1:8

Ke nè á jè tami j’edi nè jè rai kaiya lé ɓaa, jè súi kum ra jéi jèi kuwe a, ngarankum tà goto kem̂ jéi’t a tɔ.

1 Jean 2:3

Ke nè á j’an-in dè ndukunnge le Nube sêw-sêw ɓaa, jè geri titeke jè geri Nube.

1 Jean 3:7

Ngannge, adi doo karé sú sei lé. Nanan ke ra nyan ke se dè naje’n se ndɔ’n-ndɔ’n ɓaa, è njè ra nyan se dè naje’n titeke Krist ee’n njè ra nyan se dè naje’n bè tɔ.

3 Jean 1:11

Kotár le’m, i ndaje nyanra ke majelé lé, nè i ndaje nyanra ke maje tá. Doo ke ra nyan ke maje nga è le Nube. Doo ke ra nyan ke majelé nga an Nube lé.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 22:7

Jésu ede nè: «Ooi maje, m’a m’tel ree ngɔr. Doo ke ngonm tà ke tà Nube’t ke dé ndang kem̂ magtub’t nè nga sêw-sêw ɓaa, ra’n à nel’n kuwe!»