Jacques 1:19 - Nouveau Testament en Gulay 2004

¹⁹ Ooi tà nè maje, kotárge le’m. Maje kade nanan géa in kalang ur mbi’n oo’n tà. Nè maje kade in kalang tam tà éké ade wong in se’n kalang lé a tɔ.

Jacques 1:19 ပူးပေါင်းရင်းမြစ်များ

Matthieu 5:22

Nè man m’ede sei, nanan ke ra wong se ngokon’n ɓaa, d’a gangtà dènn’t. Nanan ke tam se ngokon’n ede nè: «I mbe» ɓaa, d’a d’aw se’n loo gangtà’t ke bò. Nanan ke tam se ngokon’n ede nè: «Kêmi tɔ kuju tà lé» ɓaa, a inge ndutɔr lé sár nè kure nyanra’n à ɔde kum’n labi-labi.

Marc 12:37

David ke karé nè kuwe ɓar doo nè nga Kuwe-ɓee Nube le’m. A ɓaa, ké Kuwe-ɓee le’n à tel k’ee ngonn’n titeke bain taɓai wa? Tà ke Jésu ndó kosdoo-bulege nga, nel de ngain ade uri mbi de tchên ke rann’t.

Marc 2:2

Kosdooge ngain njin nan rann’t njàng-njàng kêm kei ade loo ube de bang sár tee’n tà kei’t nata. Jésu ndi ede de Tà ke Maje.

Tà ke Maje ke Luc ndang 15:1

Ndɔ karé bè, njétaa tirge se njé ke d’an de ke dooge ke majelé reei ra Jésu’t le koo tàge ke à ndó de.

Tà ke Maje ke Luc ndang 19:48

Nè ei geri nyan ke kum ra le tɔl’n lé tede kosdooge malang uri mbi de ke rann’t tchên le koo’n tà le’n.

Nyanra Njekawkulege 1:15

Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

Nyanra Njekawkulege 10:33

Ke loon’t nè kuwe, m’ule m’ɓari ɓaa, i ra maje in i ree tɔ. Ɗarinè jè malang jè ndi non Nube’t le koo tàge malang ke Kuwe-ɓee ule tài’t le kade ede jè nga ta.

Nyanra Njekawkulege 13:48

Loo ke njé ke ei Juipge lé ooi tà le Paul bè ɓaa, ei rai ranel. Ei rai Kuwe-ɓee Nube oiyo tede tà le’n ke ooi. Dooge malang ke Nube uwe dè nja ndikumgajer se non ɔje’n dè de nga, teli ei njétaakêm-Kristge.

Nyanra Njekawkulege 17:11

Juipge ke Bérée nga uwei Paul se Silas ke ra de’t maje dum njé ke kêm ɓee-bò ke Thessalonique. Dé taa Tà ke Maje kalang, nè se ndɔ karé-karé dé nder gir tà ke kêm magtubge’t le Nube le kan, ké tàge ke Paul ede nga è titeke bè kuwe wa?

Nyanra Njekawkulege 2:42

Njétaakêm-Kristge malang uri mbi de tchên ooi tàge ke dé ndó de se ndɔ karé-karé. D’um nan’t bɔk tite ngakon nange se kon nannge bè. D’on mur nan’t a, d’ɔje tà se Nube nan’t a tɔ.

Nje Ke Ephese 4:26

Ke nè á wong ra sei ɓaa, an-in tá nè a kin-in rai majelé. Maje kade ebi’t ra wong pa ɓita adi kàde ur ɓai.

Nje Ke Ephese 4:31

Maje kade kumkil kororo se ndáng ra se wong se kɔl nan beng-beng se taje ndu se kem̂yêr ke rara bere mbak nga, i sanrin de dann si’t kɔke.

Nje Ke Colosses 3:15

Maje kade kem̂lom le Krist on ɓee dè ɓengre si’t. Sei nga, Nube ɓar sei le kade kem̂ si tò lom a, le kade sei danra ke karé bere a tɔ. Adi kem̂ si olé dè kem̂-maje’t le Nube, i rai nin oiyo se ndɔge malang.

Nje Ke Colosses 3:8

Nè ɗarinè, inyei go nyange ke nè malang kɔke: wong, se kɔl nan, se wurkate, se kem̂kein ke majelé, se taje ndu a, se tà rasɔl ke rara nga a tɔ.

1 Nje Ke Thessalonique 2:13

Loo ke ndɔ ke j’ede sei tà le Nube j’ade ooi nga, sei taai dè ɓengre si’t. Sei taai tà nè nga ke tà ke in tà Nube’t kerɔte kuwe m in tà doo’t karè lé. Gir’n ke nè á tà nè nga ra’n kule kem̂ si sei njétaakem̂-Kristge. E ke nè á è gir nyan karé ke rang ke ade jè ra’n oiyo se ndɔ jé-ndɔ jé nal kebe’t.

Jacques 1:16

Sei kotárge le’m, adi kum si sú sei dè tà’t nè nga lé.

Jacques 1:2

Ngakonmge, ke nè á nja si tuge sei dè nyan nange’t gai-gai ɓaa, an-in ke nyan ranel ke deri.

Jacques 1:26

Ke nè á doo karé dann si’t an ra’n ke njè ger Nube, nè è ger loo kule aljem̂ tann’t lé ɓaa, è sú kum ra’n è kuwe. Ger Nube le doo nè nga tel è nyan ke raikarè.

Jacques 2:1

Ngakonmge, sei undei kem̂ si dè Kuwe-ɓee’t le jéi Jésu-Krist ke d’ile riɓar dènn’t ɓá. Ɔri kum dooge lé, tede kɔr kum dooge nga uwe made nan se kundekem̂ dè Krist’t lé.

Jacques 2:5

Ngakonm ke m’tár sei ooi maje. Ké è Nube kuwe á tɔr njé ke d’an de ke njéndooge ke dè nang nè le kade ei baw kundekem̂ge lé wa? Ké è Nube kuwe á tɔr de kade on-in se’n ɓee le’n titeke unn’n ndu’n ade njé ke tári nin nga lé wa?

Jacques 3:10

Tà doo ke karé bere nè kuwe tee se ndutɔr a, tee se ndu mann a tɔ. Ngakonmge, i rai titeke bè lé gar-gar.

Jacques 4:11

Ngakonmge, i tami tà ke majelé se nan lé. Doo ke tam tà ke majelé se ngokon’n ke njètaakem̂-Krist éké gangtà dènn’t ɓaa, è tam tà ke majelé dè gute-ndu’t a, gangtà dè gute-ndu’t a tɔ. Ke nè á i gangtà dè gute-ndu’t ɓaa, i njèkan dè gute-ndu sêw-sêw lé ta, nè i tel i njègangtà dè gute-ndu’t.

Jacques 5:12

Ngakonmge, gar-gar ebi ra si kubu ra si se danran éké se nang nè éké se nyan karé ke rang lé. Nè maje kade ke nè á edi nè oiyo ɓaa, è oiyo go karé; ke nè á edi nè ḿ-m̀ ɓaa, è ḿ-m̀ kuwe go karé. I rai titeke bè ɓaa, Nube à gangtà dè si’t lé.

Jacques 5:19

Ngakonmge, ke nè á doo karé dann si’t ndem rebe ngarankum tà, doo karé ase tel ree se’n tu rebe ke maje’t.

1 Jean 2:21

M’ndang magtub nè m’ade sei tede ger ke i geri ngarankum tà lé lé. Nè m’ndang magtub nè m’ade sei tede ger ke i geri ngarankum tà a, i geri titeke tà lanm karé bè géa in ra ngarankum tà’t lé a tɔ.