Jacques 1:18 - Nouveau Testament en Gulay 2004

¹⁸ E ɔje se go kem̂ndige le’n le kade jèi ndikumgajer takul Tà ke Maje le’n ke è ngarankum tà. Gir’n ke nè á jéi le’n kuwe deri dann nyankundege le’n malang.

Jacques 1:18 ပူးပေါင်းရင်းမြစ်များ

Jean 1:13

Ei nè nga teli ei ngann le Nube se go girkoje le de ke dè nang nè lé. Nè girkoje le de in ra Nube’t ke njè kade de kebe ke kige.

Nje Ke Rome 4:17

Dé ndang kêm Magtub’t le Nube d’ede nè: «I Abraham nga, m’teli ke bɔ dooge ke bulei ɗik-ɗik.» Abraham è bɔ jéi malang non Nube’t ke è unde kêm’n dènn’t. E Nube ke njè kade dooge ke weii teli ndii kumgajer a, nyange ke gotoi ɓai géa è ɓar de ade undei loo teei a tɔ.

1 Nje Ke Corinthe 4:15

Ke nè á awi se njékɔr non sige aru dɔg ke ndói sei rebe kum nan’t se Krist géa a ingei bɔsige ngain lé. E man kuwe karé á m’ee bɔ si ke m’oje sei tede tà ke Maje le Jésu-Krist ke ndɔ ke m’ile mber’n m’ade sei nga.

2 Nje Ke Corinthe 6:7

Jè tɔje ra jé ke ngann njékulege le Nube se go ngarankum tà a, se tɔgmong le Nube a tɔ. Nyanra ke se dè naje’n á è nyan rɔ le jé ke jè taa’n dè jé.

Nje Ke Ephese 1:12

Jèi dooge ke desêin ke j’undei kem̂ jéi dè Kris’t tchên nga, dé tɔr jèi le kade j’ulei ndubra dè Nube’t.

Nje Ke Ephese 1:13

Takul Krist á sei géa ooi ngarankum tà, ke è Tà ke Maje ke aje sei. Takul kundekem̂ ke sei undei kem̂ si dè Krist’t á Nube unde’n nyankorji le’n ke è Ndil-Kem̂nda ra si’t, titeke ndɔ ke è unn’n ndu’n kété mari ade sei nga.

2 Timothee 2:15

Ute rai kalang le kade Nube an-in ke njèkule ke dé nan’n d’an’n ɓá ke ra rasɔl lé, nè kai dooge ngarankum tà se go rebe’n.

Hebreuge 12:23

Sei reei ra njékebe nange le Nube ke ei ngann dernge ke d’unde ri de kem̂ Konɓee ke danrán’t. Sei reei ra Nube ke njègangtà dè dooge’t malang a, se dè njé ra nyan se dè najennge ke ɔri son kule le de njêt ɓita weii ɓai a tɔ.

Jacques 1:15

Ke nè á j’inyei loo j’adi ngur nyange nè ɓaa, à ndann ngonn le koje kaiya. Loo ke kaiya nè ra tɔge ɓá ɓaa à in ke kété koje yo tɔ.

Jacques 1:21

Gir’n ke nè á ɔri ra si kɔke dann nyan ke mine’t bere mbak se gute nyange ke rang ke majelé. I taai Tà ke Maje ke Nube dubu ɓengre si’t se ngonn koje. Tà nè nga ase kaje ngarankum ra si.

Jacques 3:14

Ke nè á ra jang éké nin se naje nan tà rusu ɓengre si njin-njin ɓaa, i ti ra si dè kumkunju’t le si i tami tà lanm utei ngarankum tà nga mbeng lé.

1 Pierre 1:23

Sei nga dé tel d’oje sei kige. Koje ke d’oje sei kige nè nga in ra kà sige ke njékweige lé; dé tel d’oje sei gugu kige takul tà le Nube ke njèndi kumgajer sár se non.

1 Pierre 1:3

Bɔ Kuwe-ɓee le jéi Jésu-Krist nga, maje kade dè’n mong káng-káng. E tel oje jèi kige se go kem̂kanm le’n ke al dè loo takul kunde ke è ade Jésu unde loo tee dann njé ke koo’t. Gir’n ke nè á j’undei kem̂ jéi tchên dè ndikumgajer’t.

1 Jean 3:9

Nanan ke Nube kuwe oje’n ɓaa à ebe ra majelé se ndɔge malang, tede ko nyan le Nube urkei kem̂n’t. E asekum ra majelé kum’n ke kété-kété lé tede è Nube kuwe á oje’n.

Lookilera’n 14:4

Ei dooge ke rai nyan se dè naje’n a, inyei ra de nyêin dann mage polé le dooge ke dè nang nè lé a tɔ. Loo malang ke Ngonn bate aw tutu nga, d’unn dè nja’n têr-têr. Dé nè nga dé dooge ke Ngonn bate gang dè de dann dooge ke dè nang nè. E gang dè de le kade dé ko nyange ke desêin le Nube a, le’n è a tɔ.