Jacques 1:17 - Nouveau Testament en Gulay 2004

¹⁷ Nyan kade noje ke maje se nyan kunde njage ke maji ɔri njêt nga in-in dɔ danrán ra Bɔ jéi Nube ke njè kunde kàde se kɔnyonge. Nube nga tur hal’n rang lé a, loo ke rann’t tel tuge ndul ndɔ karé bè lé a tɔ.

Jacques 1:17 ပူးပေါင်းရင်းမြစ်များ

Matthieu 7:11

Sei ke njékêmyêrge gé ɓai á i geri loo kade ngann sige nyan ke maje nè a, ké Bɔ si ke ndi danrán asekum kade nyange ke maje njé ke kɔi nin nyan lé wa?

Tà ke Maje ke Luc ndang 11:13

Sei ke njékêmyêrge gé ɓai á i geri kade nyange ke maje ngannge nè a, ké bɔ jéi ke ndi danrán à asekum kade Ndil-Kêmnda njé ke dejii lé wa?

Jean 1:9

Lookar ke get-get nga ree dè nang nè. Nanan géa è ade loo ar dènn’t.

Jean 3:27

Jean ede de ede nè: – Doo asekum kinge nyan se dè ra’n lé. Nyan ke Nube kuwe ade doo tá doo asekum kinge.

Jean 3:3

Jesu tel ile Nicodème dè’t ede nè: – Kerɔte kuwe, man m’edi ndàt, ke nè á dé tel d’oje doo gugu kige lé ɓaa, è asekum kan Konɓee le Nube se kum’n lé.

Jean 8:12

Jésu tel unn tà tam ede doobulege ede nè: – Man nga m’a m’ee lookar le dooge ke dè nang nè. Nanan ke unn rebe goom’t ɓaa à njiye dann loo ndul’t lé, nè à ndi dann lookar’t. Lookar nè nga, à ɔr non’n kaw se’n loo ndikumgajer se non.

Nyanra Njekawkulege 11:18

Loo ke Juipge ke njétaakêm-Kristge ooi tàge nè nga bè ɓaa, ebi’t kɔl se Pierre ta. Nè ei ulei ndubra dè Nube’t edi nè: – Nube ade dooge ke ei Juipge lé géa turi hal de le ndii kumgajer tɔ ta.

Nyanra Njekawkulege 5:31

E nga Nube unn’n unde’n dè jikonn’t ade è njè kunde gir kaje le dooge. Nube ra titeke bè le kade dooge ke kêm ɓeekon ke Israel turi hal de ingei kêm tin mbit dè kaiyage’t le de.

Nje Ke Rome 6:23

Oiyo nyan kuge dè ji le kaiya è yo, nè nyan kuge noje le Nube ɓaa, è ndikumgajer sár se non takul kum ke j’umi nan’t bɔk se kuwe jéi Jésu-Krist.

1 Nje Ke Corinthe 4:7

Ké nan adi i tò gai dann madige’t wa? Ké ri á i kuwe inge se dè rai nal kade Nube kuwe á adi wa? Ke nè á nyan malang ke inge nga è Nube kuwe á adi ɓaa, ké tede ri á unde’n kàdi titeke è i kuwe á inge se dè rai bè wa?

2 Nje Ke Corinthe 4:6

Kété mari, Nube tam ede nè : «Maje kade lookar ndogó dann tilkusge’t!» E Nube nè nga kuwe á ade lookar ndogó dè ɓengre jé’t tede kade jè ribe’n dè ger-gel ndubra le Nube tàkum Kuwe-ɓee Jésu-Krist’t.

Nje Ke Ephese 1:18

M’deje Nube le kade ade kum ɓengre si gang tchat. Titeke bè á a i geri nyan kundekem̂ tchên dè’t ke è ɓar sei tede nga. Taɓai sei a geri bò ndubra le’n se bò nyan-ndube ke uwe dè nja unde konn tede le njé ke tooi se ninn de.

Nje Ke Ephese 2:8

E takul kem̂noje le Nube á sei ingei kaje se go kundekem̂ le si. Kem̂noje nè nga in ra si’t lé, nè è nyan-noje ke in ra Nube’t kuwe.

Nje Ke Philippes 1:29

Tede Nube uwe se si noje le kade undei kem̂ si dè Krist’t á go karé lé, nè le kade ingei nyankem̂konge tede le Krist.

1 Timothee 6:16

Nube kuwe se kar’n bere luk-luk á è njè kwei ndan lé. E ndi dann lookar’t ke doo karé bè géa ase gang kɔté lé. Doo ndul karé bè ke ndɔ ke an Nube goto. Doo ndul karé bè ke ɓila asekum kan Nube géa goto a tɔ. Maje kade riɓar ke à tò sár se non è le’n è kuwe. Maje kade è titeke bè kuwe.

Hebreuge 13:8

Jésu-Krist nga tel ra’n rang lé. E ndi titeke tagela a, titeke ɓila a tɔ. A ndi titeke bè sár se non.

Jacques 1:5

Ke nè á doo karé dann si’t nal kumkunju ɓaa, maje kade kɔ Nube. Nube è njè kade dooge malang nyan se kem̂ karé anje ndáng de.

Jacques 3:15

Kerɔte kuwe, kumkunju nè nga è kumkunju ke in danrán lé. Kumkunju nè nga è kumkunju ke in ra doo ke dè nang nè a, in ra njè kem̂ majelé’t a tɔ.

Jacques 3:17

Nè kumkunju ke in danrán nga à ade doo unju nyang-nyang a, à ade doo à ee’n njèkem̂lom a, njè kaw lom-lom a tɔ. Kumkunju ke in danrán nga à ade doo à è njè kile koje a, kem̂kanm à taa ra’n pel-pel a, à è njè ra nyan ke maje a, à è njè kum tà go doo karé’t lé a, à è njèkede gos lé a tɔ.

1 Jean 1:5

Nube è lookar, tilkus karé bè géa goto rann’t. E ke nè a è tà ke j’oo tà Jésu-Krist’t á j’ɔr gir ndát-ndát j’ade sei.

1 Jean 4:10

E jèi á j’in-in se kem̂ jéi jè tári Nube kété lé, nè è Nube kuwe á tár jèi kété. Gir’n ke nè á è ule’n Ngonn’n ke nyankɔr kure majelége le jéi.

Lookilera’n 21:23

Ɓee-bò nè nga aw ndoo kàde éké nan ke nyan-ndogó le’n lé. Nè Nube kuwe è nyan-ndogó le’n a, Ngonn bate á è lampe le’n a tɔ.

Lookilera’n 22:5

Ndɔ à tel kil kem̂ ɓee-bò’t nè nga ndan lé ta. Ɓer kulege le Nube à awi ndoo ndogó le lampe éké le kàde nga lé ta. E Kuwe-ɓee Nube kuwe á è lookar le de a, d’a d’on ɓee sár se non.