Jacques 1:16 - Nouveau Testament en Gulay 2004

¹⁶ Sei kotárge le’m, adi kum si sú sei dè tà’t nè nga lé.

Jacques 1:16 ပူးပေါင်းရင်းမြစ်များ

Matthieu 22:29

Jésu tel ile de dè’t ede nè: – Sei ndemi uri walé ɓá ta, tede sei geri magtubge ke tooi se ninn de nga lé a, tɔgmong le Nube géa sei geri lé a mbak.

Marc 12:24

Jésu ede de ndàt ede nè: – Sei geri Magtub le Nube lé a, tɔgmong le’n lé a tɔ. Gir’n ke nè á in-in ilei tà kɔke salang. Ké è bè lé wa?

Marc 12:27

Nube nga è Nube le dooge ke ndii kumgajer m è Nube le dooge ke weii lé. Tà nè nga ur se si walé ngain.

Nyanra Njekawkulege 1:15

Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

1 Nje Ke Corinthe 6:9

Njé ra nyange ke se dè naje’n lé nga à ingei loo kêm Konɓee’t le Nube lé. Ké sei geri bè lé wa? Adi kum si sú sei lé: Njé tò se nan ke kaiya’t, njé gugu magege, njé sang dinyege éké dingemge ke rang, njé tel ra de ke dinyege, dingemge ke sangi dingemge made dege tooi se de ke dinyege,

Nje Ke Galatie 6:7

Adi kum si sú sei dè tà’t nè nga lé: Doo à ule mbe dè Nube’t lé, tede nyan ke doo dubu nga à uje kann’n kuwe.

Nje Ke Philippes 2:12

Kotárge le’m, ilei koje dè Nube’t se ndɔge malang titeke ndɔ ke m’ee’n se si. Ɗarinè ke m’goto se si nga, ilei koje dè Nube’t adi dum ke kété. I ɓeli Ndil Nube, i rai kule dè kaje’t le si se ngonn koje.

Nje Ke Philippes 4:1

Gir’n ke nè á, ngakonmge ke m’tár sei, ngur tel kan kum si ra’m ngain. Sei sei nyan ranel le’m a, se jɔkɔ kunn banga le’m a tɔ. Kotárge le’m, i ndai dè nja si’t njáng dè kum nan’t bɔk se Kuwe-ɓee.

Nje Ke Colosses 2:4

M’tam tàge nè nga titeke bè le kade doo karé bè géa libe kum si se tàge ke nel karè lé.

Nje Ke Colosses 2:8

Undei kumkunju dè ra si’t le kade dé sú kum si se tà ndóge ke lanm a, se tà sú ke raikarè se go nyangirkà le dooge ke dè nang nè nga lé a tɔ. Nyan-ndóge nè nga in-in ra Krist’t lé, nè in-in ra dooge ke dè nang nè.

2 Timothee 2:18

Dé nè nga d’ute ngarankum tà mbeng dé tam d’ede nè: «Kunde loo tee dann njé ke koo’t le jéi der ɓá ta.» Titeke bè á dé ndonm’n kundekem̂ dè Nube’t le njé ke nange nang ndalang-ndalang.

Hebreuge 13:1

I tári nan se ndɔge malang tite ngakon nange bè m ebi’t lé.

Jacques 1:19

Ooi tà nè maje, kotárge le’m. Maje kade nanan géa in kalang ur mbi’n oo’n tà. Nè maje kade in kalang tam tà éké ade wong in se’n kalang lé a tɔ.

Jacques 1:2

Ngakonmge, ke nè á nja si tuge sei dè nyan nange’t gai-gai ɓaa, an-in ke nyan ranel ke deri.

Jacques 2:1

Ngakonmge, sei undei kem̂ si dè Kuwe-ɓee’t le jéi Jésu-Krist ke d’ile riɓar dènn’t ɓá. Ɔri kum dooge lé, tede kɔr kum dooge nga uwe made nan se kundekem̂ dè Krist’t lé.

Jacques 2:14

Ngakonmge, ke nè á doo karé tam ede nè: «M’unde kem̂’m dè Nube’t» anje ra kule dè’t ɓaa, ké kundekem̂ le’n nè nga à kaje’n wa?

Jacques 2:5

Ngakonm ke m’tár sei ooi maje. Ké è Nube kuwe á tɔr njé ke d’an de ke njéndooge ke dè nang nè le kade ei baw kundekem̂ge lé wa? Ké è Nube kuwe á tɔr de kade on-in se’n ɓee le’n titeke unn’n ndu’n ade njé ke tári nin nga lé wa?

Jacques 3:1

Ngakonmge, è soo’t kade dooge bule teli ei njé ndó nyan made dege lé. Sei geri mbak titeke tà ke d’a gang dè jéi jèi njéndó nyan made jéige’t nga à tur ngain dum le dooge ke rang.

Jacques 3:10

Tà doo ke karé bere nè kuwe tee se ndutɔr a, tee se ndu mann a tɔ. Ngakonmge, i rai titeke bè lé gar-gar.

Jacques 4:11

Ngakonmge, i tami tà ke majelé se nan lé. Doo ke tam tà ke majelé se ngokon’n ke njètaakem̂-Krist éké gangtà dènn’t ɓaa, è tam tà ke majelé dè gute-ndu’t a, gangtà dè gute-ndu’t a tɔ. Ke nè á i gangtà dè gute-ndu’t ɓaa, i njèkan dè gute-ndu sêw-sêw lé ta, nè i tel i njègangtà dè gute-ndu’t.

Jacques 5:12

Ngakonmge, gar-gar ebi ra si kubu ra si se danran éké se nang nè éké se nyan karé ke rang lé. Nè maje kade ke nè á edi nè oiyo ɓaa, è oiyo go karé; ke nè á edi nè ḿ-m̀ ɓaa, è ḿ-m̀ kuwe go karé. I rai titeke bè ɓaa, Nube à gangtà dè si’t lé.

Jacques 5:19

Ngakonmge, ke nè á doo karé dann si’t ndem rebe ngarankum tà, doo karé ase tel ree se’n tu rebe ke maje’t.